¹ Baada kalama dolde kulu Yesu ruwa fi torofu bahari ab te Galilaya me Tibeliya. ² Kom kebir dukur masi waro kalam mon ayinu alama ab uwo so fi ayanin. ³ Yesu panda firas gal ogen na me nas swahaba to. ⁴ Wakti te halfa te nas'Yudaya te joju kan geeri kede rasul. ⁵ Yesu alfa ena, uwo ayinu kom ab kebir gija nowo okelem ne Filipo gali ina bi biyo wen akil ab anas dolde bija akul? ⁶ Owonus jede ligo ogi jarib uwo ligo uwo alfu uwo bara sunu ya ogura so. ⁷ Filipo alja fogo gali akil gi biyo dinar 200 bi tim umon ma kila ajol kede akul siya. ⁸ Wayi min swhaba to Andereya aku te Simoni Petero okelem nowo gali. ⁹ Fi yowele wayi yade owendimukati 5 te sayiri me samaga 2 lakin dolde bitim kefin abgi ben jede fi milan? ¹⁰ Yesu kelem gali kutu kum anas kede gen kan gesi milan fi bakan wede de. ini ya rujala geri 5000 mon gen. ¹¹ Ini ya Yesu amurugu mukati dukur oshukur ogesim ne anas ab kan gen me samaga de je namna ab kan uwo aju. ¹² Wakti umon saban okelem ne swahaba to kede lim ab kubu kubu kede ma woduru sokol yoyote. ¹³ mon lim umon, umon amla siniya 12 me mukati ab kubu kubu de anas ab akul ab gelebumon. ¹⁴ Ini wakti anas ayinu alama ab uwo so mon kelem gali taasil deya nebbi ab gija fi duniya. ¹⁵ Wakti lata gija lasiya nas swahaba to serengeta fi bahari. ¹⁶ Wakti Yesu faham gal guraja kede amsuku uwo kede kutu uwo sultan walja firas gala obara. ¹⁷ Mon masi fi fuluka mon kan gi masi fijo bahari ligo umon gi ruwa fi Kaprenawunu me lata kan kala sidu me Yesu kan lisa ma rasul noumon. ¹⁸ Bahari dukur furu loobu milani. ¹⁹ Wakti umon masi mile 25 aw 30 mon ayinu Yesu ligo gi masi fi bahari ogi ja geeri moumon umon kafu. ²⁰ Okelem noumon ana yaden matakum kafu. ²¹ Mon rudu uwo dakal dakal fi fuluka gwam zaidi fuluka abidu masi lade fi bakan ab kan umon gi ruwa fogo. ²² Yom te tinin kom ab kan yegifu torofu bahari wakti umon ayinu gal fuluka taani ma illa wayi me Yesu ma panda bakan wayi moumon me nas swahaba to, ligo nas swahaba to ruwa, ²³ Fuluka taani ja tala fi Tibeliya ligo gi ruwa geeri me bakan ab sidi tena gesim fogo mukati ab okan ja shukur: ²⁴ Ini ya kom ja ayinu gali Yesu ata ma ladi nas swahaba to mon sidu mn fuluka toumon on ja fi Kaperenaumu mon gi gusu Yesu. ²⁵ Wakti umon ainu uwo torofu bahari, dukur mon kelem nowo labi itta ja miten ini? ²⁶ Yesu arja fogo okelem gsli taasil ana gi kelem ne itakum gali itakum gi gusu ana ma gal kalam itakum ayinu alama lakin kalam itakum akul mukati itakum saban. ²⁷ Matakum giso kidima besi kalam akul lakin sokol akul al ma bi rasul fi hayyi alma gin akalas, nyereku ta binadum sokol ab obija wedi ne itakum: Kalam sidi tena Rabbana okutu alama fi ajol wede. ²⁸ 28 Ini ya ja kelem nowo kede ina so kefin so kidima te Rabbana. ²⁹ Yesu arja fogo okelem nowumon gali wede ya kidima te Rabbana amin ajol ab uwo rasul. ³⁰ Ini ya asadu uwo alama sunu ya ita giso kede ina ayin, kede ina amin meita? ita giso kidima yatu? ³¹ Nas jidi jidi tena kan gi akul akil ab tala min na Rabbana; je namna ab uwo kan gi wedi noumon akil ab gi tala min samayi. ³² Inya Yesu kelem noumon gali taasil ana gi kelem ne itakum Musa ma ya kan gi wedi ne itakum akil ab tala min samayi; lakin baba ya kan gi wedi ne itakum akil ab tte haki ab tala min samayi. ³³ Kalam akil te Rabbana ya wede ab gi tala min samayi ab gi jib hayyi ne arthi. ³⁴ In ya umon kelem nowo gali sidi tena wedi neena akil tena. ³⁵ Yesu kelem gali ana ya akil te hayyi abija naana jiyan ma biso uwo ab amin me ana stan moyo mabi taban uwo. ³⁶ Lakin okelem noumon gali tokum ayinu ana lakin itakum aba amin. ³⁷ Kila sokol ab baba gi wedi naana obija ja naana: ajol ab gi ja naana ana ma bi turufu uwo bara. ³⁸ Kalam ana ma tala min samayi fija so kalama aab ana aju illa ab Rabbana rasul ana ab uwo aju. ³⁹ Ajol ab rasul ana kalam ab uwo aju ya wede fi mian ab owedi naana kede ma woduru ajol hafa wayi. Lakin gu kun fi yom te kiyama. ⁴⁰ Kalam baba sokl ab uw aju ya wede killa ajol abi ayinu nyereku dukur uwo amin okede kun me hayi ab ma gura kalas; ana kaman bija tooru uwo fi yom te miisho. ⁴¹ Ini ya nas Yudaaya abidu juru laabil kalam oja kelem ana ya akil ab tala fi samayi. ⁴² Mon kelem gali wede ma ya Yesu nyereku te Yusuf ab ina arufu baba to me mama to asede ogi kelem kefin gal otala fi samayi? ⁴³ Yesu arja fogo okelem gal matakum korokoro itakum baeaw. ⁴⁴ Ma fi ajol ab agder ja naana baba ab rasul ana kan ma bi jur uwo; ana bija tooru uwo fi yom kiyama. ⁴⁵ Ja katif uwo min as nebiya gali mon kulu Rabbana ya bija alim umon. Killa ajol ab ja asma sidi tayi dukur uwo alim ogi ja naana. ⁴⁶ Ma kalam gali fi ajl ab ayinu fi Rabbana, illa ab ala min Rabbana. ⁴⁷ Taasil ana gi kelem ne itakum gali ajol ab bi ameen dey ajol ab ma bi kun me hayyi ab ma bi kalas ⁴⁸ Ana ya akil te hayyi. ⁴⁹ Nas jidi jidi takum kan mon gi akul akil ab gi tala min Rabbana ladi umon mutu. ⁵⁰ Wede ga akil ab gi tala min samayi ajol kede akul fogo kede uw mutu ma. ⁵¹ Ana ya akil ab hayyi ab tala min samayi ajol kan bi akul fi akil wede obija kun hayyi killa zamani: wu akil ab ana bija gesim ya gildu tayi fi hayyi te duniya te duniya. ⁵² Ini ya nas Yudaaya abidu jru laabil mon baraw ligo mon gi kelem gali wede agder kefin wedi neena gildu to akul to? ⁵³ Ini ya Yesu kelem noumon gali tasil asil ana gi kelem ne itakum itakum kan ma bija akul lam te gildu te nyereku te binadum toku asurub dom tow tokum ma bija me hayyi min itakum. ⁵⁴ Ajol ab bija akul gildu tayi uwo endisi hayyi ab ma gura kalas; ana bia tooru uwo fi yom te kiyama. ⁵⁵ Kalam gildu tayi ya sokol akul taasil, me doomu tayi ya sool asurub taasil. ⁵⁶ Ajol ab bi akul gildu tayi ajol ab bi asurub doom tayi ogi kun min juwa ana wu ana bi kun min juwa uwo. ⁵⁷ Je baba tayi ab wedi nana hayi ya nana kaman hayi kalam te baba; ya fi jede ajol ab bi akul ana ya bi kun hayi. ⁵⁸ Wede ya akil ab tala min samayi maje naana ab nas jidi jidi takum akul mon mutu ajol ab bi akul akil wede obija kun hayi wakti kulu. ⁵⁹ Kalama dolde oja wonus ligo ofi fi Kaperenaumu. ⁶⁰ In ya milan te swahaba to wakti umon ja asma mon kelem gali kalam wede gow; mun ya agder asma. ⁶¹ Wakti Yesu faham min juwa gekba to gal swahaba to gi nondom kalam wede okelem noumon kalam de te maajabu? ⁶² Bija kun kefin kan itakum bija ayinu nyereku tebina dum gi arja fi bakan ab kan uwo fi fogo awlan? ⁶³ Roho ya gi jib hayyi; gida endisi masokol ab gi awunu: Kalam ab ana kelem nee takum de ya roho ya hayyi. ⁶⁴ Lakin fi taanin min iakum ab ma gi amin. Kalam Yesu ja faham min fawlan anas ab ma gi amin je fi, ladi ajol ab gura zulum uwo kulu. ⁶⁵ Okelem ya ana ja kelem ne itakum ma fi ajol al adger ja naana kan ligo Rabbana ma ya jibu uwo. ⁶⁶ Nas swahaba to milan abidu arja wara mon aba masi wara mara taari. ⁶⁷ In ya Yesu kelem anas 12 to kum kaman aju ruwa? ⁶⁸ Simn Petero dukur kelem sidi tena, ina biruwa ne munu? ab endisi kalama ab te hayyi ab ma gi ja kalas. ⁶⁹ Ina kaman gi amin je ita roo ab nedif ab te Rabbana. ⁷⁰ Yesu arja noumon fogo gali ana ma ya nigitu itakum anas 12 wayi min itakum ya sitaani? ⁷¹ Owunus fi yuda nyereku te Yisukarioti kalam uwo ya kan gura akul wara uwo uwo wayi min anas (12)