21
Baada kalama dolde Yesu ruwa fi Galilaya kalam kan uwo ma aju masi fi Yudaaya kalam anas te Yudaaya kan gi gata agil ye katul uwo. Wakti joju te ana Yudaaya geeri kan guruwa rasul ya Juwa gesi.'eyensisira'
43
In ya akwaana to kelem nowo tala min in kede ita ruwa fi Yudaaya Swahaba taki kede kaman ayin kidima taki. Kalam mafi ajol abgiso kidima te Rabbana fi ssiri illa uwo kaman aju kede arufu uwo tadi.Ita kanbi sojede,weeri ita ne duniya.
65
Kalam tadi akwana to ma amin mowo .
In ya Yesu kelem noumon gali wakti tayi lisa rasul ma;lakin wakti takum fi yom kulu gikun ligo tim.
7
Duniya ma agder karaha itakum lakin gikaraha ana ,kalam ana gifahamisha uwo Je kidima to me nesiya.
8
Takum ruwa kum fi joju; ana lisa maruwa fi joju wede; kalam wakti tayi lisa rasulmafi.
9
Wakti Okala kelem noumon kalama dolde ofadul fi Galilaaya.
10
Lakin akwaana to wakti kala umon ruwa fi joju dukur okaman ruwa wara umon lakin ma fadi illa me dusu.
11
In ya nas Yudaaya gusugusu uwo fi bakan joju mon asadu gali uwo fi wen?
12
Dukur kun na ning ning fikawm anas taanin gi kelem okuwesi taanin obatal, ogimeela kawm.
13
Lakin mafi ajol abwonus fugu uwo fadi kalam umon kafu nas Yudaaya.
151614
In fi bakan joju Yesu panda fo fi kanisa wabidu alim anas. Anas te Yudaaya shanga mon kelem wede arfu kefin garaya logo alim uwo ma. In ya Yesu Jibisha umon ligo ogi kelem alim tayi ma tayi illa te Rabban sidu rasul ana.
17
Ajol kan bi aju so kalam te ajol sokol ab uwo aju obija faham alim wede kan taasi i talane Rabbana,aw kan ligo ana gi wonus kalama te ras tayi.
18
Ajol ab gi wonus kalama te ras to ogigusu heshimato;lakin ajol ab gigusu heshima te sidu rasul uwo te ya ajol te hakki illahida aya mafi fugu uwo.
2019
Musa ma wedi ne etakum shariya;min itakum mafi ajol ab gi amsuku shariya?itakum tey gi gata agil te katul ana? Kawm dukur arja fogo gali ita endisijinnii; mun ya gigata agil te katul ita.
21
Yesu arju fogo noumon okelem gali ana so kidima wayi ladi itakum kaman gi hairu.
22
YaMusa wedi noumon taaru(ma kalam gal taaru de Musa de te nas Jidi jidi);me yom sebbi itakum gi taaru ajol.
2423
Ajol kan taaru uwo yom sebi shariya te Musa kede maligo makosa;itakum giligo naana gelba hari kalam ana geeru ajol hay yi fi yob sebbi?. Matakum gi gata cose ley ajol te beenu te ajol lakin kede itakum gi gata case ab fogo nshahidi.
25
In ya taanin min umon ab te Yerusalem umon kelem ajol ab gi gusu te katul de yama wede?.
26
Lakin ,ayin,ogi wonusufadi,mafi sokol ab gi kelem nowo.kubarina faham taasil jede ya christo?
27
Lakin uwo ina arufu sika ab uwo gitala lakin Christo kan bija mafi ajol ab bi arufu sika ab uwo tala fogo.
28
In ya Yesu wonus me sauti minjuwa kanisa ligo ogi kelem gali ana itakum arfu ana ladi sika ana ja tala itakum arfu na; ana kaman ma ja bara lakin ajol ab rasul ana ya te hakki, ab itakum arfu itakum.
29
Ana arfu uwo kalam ana tala ,inno wowu uwo ya ja rasul ana.
30
In ya mon gata agil te amsuku uwo ,lakin mafi ajol ab kutu fugu uwo, da kalam wakti to kan lisa ma rasul.
31
Lakin milan towmon ab fi kawm mon amin mowo; mon kelem kristo kan bija obija so alamamilan je wede so?.
32
Anas te Falisaayo mon asma kawm ligo umon gi ningning jede;nas kubarina te kanisa mon rasul askeriya kede ruwa amsuku uwo.
33
In Yesu kelem noumon gali fadul wakti siya ligo ana lisa fi meetakum dukur kede ana ruwa nowo.
34
Tokum bija gusu ana tokum mabijaag der jaana.
35
In ya anas te Yudaaya wonusu ben toumon baraw gali wede aju ruwa wen bakan ab ina ma bija ayin uwo mafi de?uwo aju ruwa ne nas yunan kede uwo ruwa fi alim umon?.
36
Kalam yatu ya uwo gi wonus gali itakum bija gusu ana itakum ma bija ayin ana ma fibakan ab ana bija gen na itakum mabija ja.
37
Fi yom te mwisho ya yom kebir te joju Yesu dukur agif owonus to okelem gali ajol kan istan moyo so, kede uwo ja naana kede uwo asurub.
38
Ajol ab bi amin me ana je namna abja katif gi kelem kooru te moyo ab nesiya bija tala minjuwa kerisa to.
39
Wede owonus minjuwa roho to ab kan guruwa wedi ne anas ab aminmowo;kalam roho kan lisa uwo ma gesim kalam Yesu kan ma lisa arfu daraja ti mafi .
40
In ya anas te kawm wakti umon asma kalama dolde mon kelem gali taasil wede de ya nebi naade .
41
Anas taanin dukur kelem gali wedede ya Kristo anas taanin kelem gali atta Kristo ag der tala min Galilaaya.
42
Kitaba te zaman kan ma gi kelem gali Kristo ma bija tala min yala te David, fi Bethelehem,madina Dabid kan fogo?.
43
Yafisede kawm jibu gasama laajal to.
44
Anas taanin aju amsuku uwo mafi ajol ab kutu fugu uwo idda.
45
In ya askeriya arja ne nas kubarina me nas Falisaayo ;mon kelem nowmon gali sunu yakutu kede itakum jibu uwo ma?.
46
Askeriya dukur kelem gali mafi ajol ablisa wonus jede.
4947
In ya nas Falisaayo jibisha umon gali itakum kaman geeru itakum?
48
Ofuwen min kubarina aw nas Falisaayo ab aminmowo? Lakin kawm wede ab magder faham shariya nalu umon.
515250
Nikodemo(ya ja nowo zaman uwo me sabito)okelem noumon gali. De ya adab teena gata case te ajol ligo lisa ma asma kalama to me faham sunu ya uwo so? Mon arja fogo mon kelem ita kaman talamin Galilaaya?dukur kelem nowo gusu,ayinu nebbi ma agder tala min Galilaaya.
53
(killa ajol dukur arja fube)