1
Dolde ana kelem ne itakum kalam keede itakum ma shanga.
2
Bija turuju itakum bakan hafla ya jede wakti gi ja killa ab bija katul itakumobija feker ligo ogiso kidima te Rabbana.
3
Me dolde mn bija so kalam sidi tayi mon ma gi faham uwo sala ana.
4
Lakin ana kelem ne itakum wakti to kan rasul kumbuka kum je ana ma kelem ne itakum me dolde min fawlan ana ma kelem ne itakum kalam ana kan fi bakan wayi me etakum.
5
Lakin asede ana gi arja e sidi tayi sidu rasuk ana; ata ma fi wayi min itakum agder asadu gal ita gi ruwa wen?
6
Lakin kalam ana kelem ne itakum dolde gelba takum amula me singa.
7
Ana gi kelem ne itakum hakki; gi faa ne itakum ruwa tayi kalam kan ana ma ruwa ajol ab bi arja fi kura tayi ma bija, lakin kan ana ruwa ana bi rasul uwo ne itakum.
8
Okan bija ja obija wedi ushahidi ne duniya fi batal ab g so fogo me adil, me makosa;
9
Te batal kalam umon ma amin me ana;
10
Fi adil kalam ana gi ruwa ne sidi tayi itakum kaman ma bi arja ayin ana ma.
11
Kalam makosa kalam kebir te duniya kalas gata nowo kesi.
12
Ana lisa endis milan te kelem ne itakum lakin itakum ma agder so fogo subra.
13
Lakin kan uwo bija Roho te hakki obija wedi ne itakum hidaaya fi hidaaya kulu: Kalam oma bija wonus fi safa to barraw lakin killa kalam ab uwo bija asma ya obija wonus: Obija kelem ne itakum sunu ya gi ja.
14
Ajol abi ja arfaasma tayi kalam obija amurugu min tayi obi kelem ne itakum.
15
Killa sokol ab sidi tayi endis ya tayi: Ya ana kelem gali obija amurugu min tayi dukur obi kelem ne itakum.
16
Fadul wakti siya itakum bija ayin ana ma mara taani; Kaman bija sulu muda siya itakum bija ayin ana.
17
Nas swahaba to taanin ya abidu wonus umon bara ligo umon gi kelem wede sunu ya al uwo gi kelem ne ena gal fadul muda siya? al ma ma bija agder ayinu uwo; bija kun naa wakti siya tokum bija ayin ana; kalam ana ruwa ne sidi tayi?
18
Ya umon abidu kelem gal sunu ya uwo gi kelem gal wakti fadul siya? ina lisa ma faham sunu ya uwo gi kelem.
19
Yesu faham ligo kan aju asadu uwo okelem noumon gal tokum gi asadu nafsi takum ley ajal te kalam ab ana wonus ne itakum gal sadul wakti siya itakum ma bija ayinu ana wu kaman bija kun naa wakti siya itakum bija ayin ana.
20
Taasil ana gi kelem ne itakum gali itakum bija koore itakum bija min giningi duniya bija durai: itakum bija ligo singa, lakin singa takum bija geeru uwo raha.
21
Mriya kan weledu ogayinu taabu kalam wakti to tim lakin kan kala weledu ligo okala magi asma waja kalam furai te nyereku.
22
Yala asede itakum gi ligo singa lakin ana bija arja itakum me gelba takum bija furai me furai takum ma fi ajol ab bijaa amurugu min itakum.
23
Me fi yom naade itakum ma bi kun me sokol ab itakum fi asadu naana. Taasil ana gi kelem ne itakum gali kila sokol ab itakum bija asadu ne sidi tayi obija wedi ne itakum fi ama tayi.
24
Ladi naara matakum asadu sokol yoyote fi asma tayi asadu kum bija wedi ne itakum, furai takum kede rasul.
25
Dolde ana gi kelem ne itakum fi Ijja majako lakin wakti bija ja ab ana ma bija wonus ne itakum fi Ijja majako lakin ana bija keelem ne itakum kalama te sidi tayi fadi.
26
Yom naade tokum bija asadu fi asma tayi ma gal ana gi kelem gal ana bija asadu ne itakum min sidi tayi.
27
Kalam sidi tayi sidu waju itakum kalam mal itakum aju ana tokum amin je ana tala min na sidi tayi.
28
Ana tala min sidi tayi dukur ana ja fi duniya asede duniya ana gi seebu ana gi ruwa ne sidi tayi.
29
Nas swahaba to dukur kelem gal ayinu saade ita gi wonus fadi ita ma gi wonus Ijja majako.
30
Asede ma arufu je ita afufu kulu ata ita ma aju ajol yoyote kede asadu ita ya ina ja amin je ita tala min Rabbana.
31
Yesu dukur kelem asede ita amin?
32
Ayinu wakti gi ja wu rasul kala itakum bija fere fere killa wayi fi kalama to itakum bija seebu ana barraw ma ana bara kalam sidi tayi fi bakan wayi me ana.
33
Dolde ana kelem ne itakum kede itakum kun me amaani fugu ana fi duniya fi fogo singa: lakin kunkum gown ana sinda duniya.