¹ Ana ya muzabib ab te hakki me sidi tayi ya ajol te kuruju. ² Killa korofo af fugu ana ab ma gi jib fawakih ogi amurugu bara: me killa ab gi weledu fawakih ogi adul: kede zidu weledu. ³ Asede itakum kala kun nedif fi kalama ab ana kelem ne itakum. ⁴ Kun kun fi ana ana fu itakum. Je namna ab ida seder ma agder weledu fawakih bara kan ma kun fi muzabib, ya jede itakum ma agder kan itakun ma kun fugu ana. ⁵ Ana ya zabib itakum ya ida seder: ab bi gen fugu ana, ana kaman bi gen fugu uwo uwo ya bi weledu fawakih milan: Kalam kan ana ma itakum ma agder kun me sokol so. ⁶ Ajol kan ma bi kun fugu ana gi jada uwo bara j ida seder ogi abis; gilim bakan wayi dukur gi jada fi naari. ⁷ Kan itakum bi kun fu ana me kalama tayi kan bi kun fu itakum asadu kun killa sokol ab itakum aju bi wedi ne itakum. ⁸ Fi wede sidi tayi kede arfa uwo fo kutu kum kede fawakuh kun milan; tokum bija kun nas swahaba tayi. ⁹ Je namna ab sidi tayi kan aju ana ana kaman aju itakum: gen tokum fi aju tayi. ¹⁰ Tokum kan bi amsuku shariya tayi, tokum bija kun fi aju tayi; Je namna ab ana amsuku shariya te sidi tayi dukur ana kun fi aju tow. ¹¹ Dolde ana gi kelem ne itakum furai tayi kede kun ne itakum wu kaman furai takumkede rasul. ¹² Wede ya amri tayi aju kun badum je namna ab ana ja aju itakum. ¹³ Ma fi ajol ab endis mahaba ab te gudra ab gi shinda wedede ajol wedi hayyi to le ajal te swahaba to. ¹⁴ Itakum nas swahaba tayi, kan itakum so kalama ab ana gi amrisha itakum. ¹⁵ Ana ma gi naadi itakum laabi kalam laabi ma arufu sidi to sokol ab uwo gi so lakin ana naadi itakum swahaba tayi kalam killa kalam ab ana asma min sidi tayi ana kelem ne itakum. ¹⁶ Ma itakum ya nigitu ana lakin ana ya nigitu itakum ana kutu itakum kede itakum ruwa weledu fawakih me fawakih takum kede kun fi: Killa sokol ab itakum bi asadu ne sidi tayi fi asma tayi obi wedi ne itakum. ¹⁷ Ana mrisha itakum dolde aju kun badum. ¹⁸ Duniya kan karaha itakum aju kede itakum arufu je duniya abidu karah ana kabla itakum. ¹⁹ Kan kan itakum te duniya duniya kan bi aju to lakin kalam itakum ma te duniya, ana nigitu itakum fi duniya ya duniya karah itakum. ²⁰ Kumbuka kun kalam ab ana ja kelem ne itakum laabi ma gi sinda sidi to kan ana gusu gusu ana itakum kaman gura kun fi taab wayi wede; Kan kan umon amsuku kalama tayi me takum kaman bija amsuku. ²¹ Lakin wede kulu umon bija so kalam asma tayi kalam umon ma arufu ajol ab rasul ana. ²² Kan kan ana ma ja kede ana wonus mowo mon ma kan bi kun me batal, lakin asde umon ma endis namna te wonus fi nafsi toumon kalam batal toumon. ²³ Ajol ab bi karaha ana obi kun okaraha me sidi tayi. ²⁴ Kan kan ana maso fu umon kidima ab ma ader sowo me ajol yoyote mon ma kan bi kun me batal; lakin asede mon ayin umon karaha ana me sidi tayi Rabbana. ²⁵ Lakin asede kede kalam de rasulu ab kati fuwo fi kitaba te zaman ab gi kelem gal.mon gi karaha ana saki saki. ²⁶ Lakin ajol ab gi ja warana, kan obija ab ana bija rasul ne itakum ab gi tala min sidi tayi Roho ab te hakki ab bija tala min sidi tayi obija kalas katala tayi. ²⁷ Wu itakum kaman bija kelem kalama tayi kalam fi aulan itakum kan fi me ana.