¹ Wakti ina kalas ligo hidaya dukur ne ja faham je bakan ab pengele de ginadi Merita. ² Anas te belena mon sulu ina kuwesi ab matekila yom : kalam mon wala naari monjuru ina kulu sabab te matara ab waga me sege te ³ Lakin Paulo waakktilim lakata okutu fi naari hiribaya dukur tala min lakata waga fuguwo fi idda. ⁴ Anas te belana wakti umon ayinu sokol ab gijuru, uwo ligo gimasi fi idda, mon kelem umon barawo gal, ajol wede kaili, sala kan gal onafatu bahari makosa to de magi rudu kede uwo kun hayi; ⁵ Dukur ojada hiribaya de minjuwa naari oma kun fugu uwo awja yoyote. ⁶ Lakin kom de feker gal gildu to biwerim gal kalam hiribaya de adi uwo gal bitala fogo sabab te mutu to; wakti umon sulu muda ligo umon gi ayinu uwo mon ma ayinu batal al kan fi fugu uwo, mon agilbu mon kelem Rabbana. ⁷ Kan geeri ma bakan de samba te ajol kebir te bakan pengele asma to Pubuliyo, ojuru ina okaribisha ina yom 3. ⁸ Dukur baba te Pubuliyo ligo onum me gafa ligo uwo ayani mashi batina , me homa; Paulo dukur dakal nowo min juwa , owomba ligo okutu fuguuwo idda, oponyesha uwo. ⁹ Wakti wede kalas so anas taanin ab fi bakan ab pengele abkani endisi ayani mon kulu ja, ponyesha umon. ¹⁰ Anas dolinde wedi neina heshma abte foo; wakti ina gi tala min na monjib me ma fi fuluka sokona ab na aju. ¹¹ Wakti mon kalas shaari 3 in tala me fuluka te Alekizanda abkan fi bakan pengele fi wakti to loobu, alama to akwana abtimana. ¹² Ne masi ladi fi (suls kuusa) ina kalas na yom 3 ¹³ Ina tala min na ina rasul fi Regiyo wakti futu yom wayi, loobu te gudra dukur ja, yom te tinin ne rasul fi Putyooli. ¹⁴ Ya ina ligo akwana mon naadi ina kede ina geni moumon yom saba ini ya ina ja rasul fi Ruumi. ¹⁵ Akwana wakti asuma kalama tena mon tala kede owon ja ayinu ina fi suu te apiyo me fi bakana te num tarata, Paulo wakti ayinu umon oshukur Rabbana ogow gelba. ¹⁶ Wakti ina dakal fi roomi Paulo dukur amri sha, uwo kede uwo gen obara me askeri ab kan gi chunga uwo. ¹⁷ Wakti futu yom tarata onaadi kubarina tenas Yudaaya, wakti umon kalas lim okelem now mon rujala akwaana sala kan kum ligo ana maso, batal fi anas sala kan fi adab te nas jidi jidi tena, robutu ana wedi ana fi idda tenas te Romi fi Yerusalem. ¹⁸ Wakti umon kalas jaribu ana mon aju fiku ana kalam ata kan mafi sabab te katul ana. ¹⁹ Lakin nas Yudaaya wakti aba dukur kutu ana kede ayin kKaisaari, magal je ajol al endis kalam te asiki bele tayi. ²⁰ Yala le sabab wede ana naadi itakum me wonus me ana: kalam (hope) te Israel robutu ana me ruje gere wede. ²¹ Mon kelem nowo gal ina malisa wedi neina waraga te kalama taki min fi Yudaaya wala ata kan mafi akwaana ab ja kede uwo kelem nena aw owonus kalam abatal fugu ita. ²² Lakin ina aju asma min ita kalam ab ita gi feker: kalam kalama te amin wedede ina arufu gali ata anas kulu ma aju. ²³ Mon adul yom kede umon ja lim badu mo umon: okelem noumon ligo ogi kelem noumon kabar te mamlaka te Rabbana, ligo ogi kutu kede umon amin kalama te yesu fi shariya te Musa me tanas nebiya fi abidu min subu laadi laasiya. ²⁴ Anas taanin amin me kalama ab uwo wonus taanin abba mo. ²⁵ Wakti umon fadul umon baraw, mon ruwa, Paulo wakti wonus kalam wayi gal Roho ab nedif ja kelem ne nas jidi jidi takum gal neebi Isaaya. ²⁶ Ogi kelem gal ruwa ne anas dolde kede ita wonus noumon asma itakum bi asma, itakum ma bi faham;ayinu itakum bija ayin lakin itakum ma bi faham. ²⁷ Kalam gelba te anas doldeligo kalas kun me gudra, me adan toumon gi asma batal me ena tomon me sidi; mon ma bija ayinu me ena, me asma me adan toumon me faham me gelba toumon, me geeru tayi kede ana ponyesha itakum. ²⁸ Asede faham tokum je hudaaya te Rabbana wedi ne anas te beelana: mon kaman bija asma. ²⁹ (Wakti owonus kalama dolde nas Yudaaya mon ruwa ligo umon gi bishana umon barraw) ³⁰ Okalas na sana tinini fibe te barraw fi juwa ab uwo pangisa ojuru umon klu ab kan gi ja nowo, ³¹ Ligo ogi wonus kalama te mamlaka te Rabbana ogi alim me gudra kulu kalama te sidi tena Yesu Kristo ligo magi ab nowo.