¹ In ya amrisha kede wala fulika kede ruwa fi Italiya, dukur kan fi Paulo me anas te jela taanin me ragi wayi ab kan asma to Yuriyo kebir te Aguisto. ² Dukur ina abidu safari, me fuluka te Adulamutiiyo ab kan gi ruwa fi (Asia) ina talamin nna. Alisutaluuko te Makdon me sosolonika okan fi bakan wayi me ina. ³ v3 Yom te tinin ina ruwa fi Sidon Yuriyo so seme Paulo arudu uwo kede ruwa ne saabiyan to kede awn uwo. ⁴ Ina talamin naa ina futu fi torofu te Kuplo kalam loobu kan milan foo. ⁵ Wakti umon futu fi bahari te Kirukiya me Panfuliya dukur ina rasul fi muula te LLukiya. ⁶ Ragi wayi ayinu fuluka te Alexandria ligo gi ruwa fi (Italy) otooru ina fi wede. ⁷ Wakti ina safiri bisesi yom milan ina rasul tempaka fi Kunido, wobu ya fata wara ina, ina futu fi forofu te Kurete gidam te Salmoni; ⁸ Ina futu fogo tempaka ina rasul fi bakan ab fogo kooru ab kuweesi; bakan al juran te medina lasaya. ⁹ Wakti muda futu milan batal kan abidu kun ligo guruwa fi bahari kalam yom te sayinu kan futu Paulo komesha umon. ¹⁰ Ligo kelem gali, rujala ana gi ayinu safari wede ija kun fogo karaba me loss milan ma te sokolina barraw me fuluka, me hayyi tena. ¹¹ Ragi de dukur rudu driver me sidu fuluka min kalama ab Paulo wonusu. ¹² Kalam bahari de ma kan seme nnamna te dusu ita min loobu, anas milan wafiki nenzil min arufu kan ligo umon bi rasulu Foyinuki dusu umon min loobu; Deya mpaka te kurete ab gi ayinu fi ustu te torofu me foo, me fi ustu te bakan taanin me bakan ab semsi gi tala fogo. ¹³ Loobu te bakan ab pengele wakti gum bises mon feker gali umon ligo sokol ab kan umon aju so mon gum me Roho te fuluka mon futu geeri zaidi me kurete. ¹⁴ Lakin baada te wakti ab ma milan loobu ab kan fogo loobu abtal al gi naadi ewla hulo dukur gum. ¹⁵ Fuluka wakti amsuku uwo dukur fuluka ma ligo sika te ruwa ina seebu dukur loobu ya sulu ina. ¹⁶ Ina dukur ruwa fi torofu te (kazinga) ab gi naadi Cowda, ina dusman fi amsuku fuluka; ¹⁷ Wakti ina kala arfa uwo fo, mon sulu laabil te robutu fuluka mon robutu falata wakti umon kafu kede jade umon fi sirti mon amurugu sokolina kulu ab kan fi foo dukur loobu sulu umon. ¹⁸ Wakti ina haragan zaidi me loobu fi yom te tinini amurugu sokolina. ¹⁹ Yom te tarata me jaba me idda toumon sokolina ab gi sulu fuluka. ²⁰ Sesi wala nezma fi yom milan ligo magi wala wu loobu ma siya ab a amsuku ina baade naade fikira te ligo hidaaya ma bikun. ²¹ Wakti Jiyan kan milan, Paulo gum fi ustu too mon okelem ya kan taa jede, rujala, asma ana ma wasa min kurete itakum ma ayinu karaba wedede. ²² Yagi saade ana gi kelem neitakum gowu gelba; Kalam ata mafi wayi min itakum ab bi mutu illa fuluka ya bi karabu. ²³ Kalam bakan ab ana fogo yegifu filel wayi malaika te Rabbana, ana ab toode al ana pakasa toode, ²⁴ Ligo ogi kelem naana mata kafu Pauli, gi faa neita yegifu bakan ab fogo Kaisaari ladi, ayinu, Rabbana wedi neita umon kulu ab fi meeta. ²⁵ Yala gowu kum gelba, rujala; kalam ana gi amin me Rabbana je bija kun je ana kelem. ²⁶ Gi faa neena jada ina fi bakan ab Pengele. ²⁷ Wakti lata(14) Rasul, ligo gi liju ina min in me min na fi aduliya, fi nus te filel anas ab gi so fi bahari gal umon geeri birasul fi bakan ab te tura; ²⁸ Mon sulu zaman mon pima mon ayiu dusu (12) wakti ina masi fogo siya mon arja pima martaani mon ayinu dusu (15) ²⁹ Wakti umon kafu waga fi laager mon jada nnanga te fuluka (4) fi laabil umon steenu laadi lata saba. ³⁰ Anas al giso fi bahari wakti umon aju jere min bahari mon gidam kutu fuluka fi bahari ligo umon gura jada nanga fi (nsanda) ³¹ Paulo dukur kelem ne ragi me Askariya gali kan itakum ma bi gen fi fuluka, tokum ma agder ligo hidaaya. ³² Askariya de dukur gata laabil te fuluka dukur mon seebu kede ruwa. ³³ Wakti latakala kan gura saba, Paulo waga waga noumon kede umon akul akil ligo ogi kelem gal naare yom te (14) al itakum kan gisten ladi itakum ma akul fi sokol. ³⁴ Ya ana waga waga noumon kede umon akul fi akil: kalam wede bi jib noumon hidaaya: Kalam ata tafauti ma te surasu fi Rasu takum kulu. ³⁵ Uwo wakti wonus jede osulu mukaati, oshukur Rabbana fi gidam ena toumon kulu okasul fogo uwo abidu akul fogo. ³⁶ Mon kul gowu gelba mon akul. ³⁷ Dukur ina kulu an kan min juwa fuluka (276) ras te anas. ³⁸ Wakti umon kala saban me akil, mon abidu adulu dukur umon abidu jada ngano fi bahari. ³⁹ Wakti lata saba ligo umon ma arufu sika al umon fogo lakin umon ayinu idda ab fogo musenyu mon wafiki kan bi agder uwo futu fogo fuluka. ⁴⁰ Mon gata nanga mon seebu fi bahari fi wakti ab umon fiku laabil te lakata ab gi sutu mon amsuku sika min gidam bakan fogo loobu dukur mon ruwa fi bakan ab fogo tura. ⁴¹ Wakti umon rasul fi bakan ab loobu tinen bakan gi ligo badum mon kutu kede fuluka masi ( ensanda) dukur abdu robutu uwo al gi kutu kede fuluka de ma higu higu lakin (kiwenda) gata laajal te loobu. ⁴² Askariya dukur wafik kede katul mobu siya kede umon ma jere. ⁴³ Lakin ragi wayi bakan aju awun Paulo oabba umon so kalam ab kan umon kan aju so dukur uwo amrisha anas ab agder waga kede umon wuga mon kede rasul fi tura. ⁴⁴ Me tanin al kan tadul ligo umon hayyi fi fuluka me taanin fi toeofu fuluka.Ya ina mon kulu rasulu fi tura amaani.