¹ Akwana ana ma kani agideri wonus je anasi te Roho lakin na wonus ne itakum je itakum anas te gilidu me je yali duga fi Kristo. ² Ana kutu itakum asurubulabeni ma akili kalam itakum ma kan agederi akulu akili me lada asede itakum lisa agederi ma akili. ³ Misani itakum lisa te gilidu fi usutu itakum misani itakum lisa endi tyeli me korokoro, itakum ma te gilidu me itakum ma gi masi je benadumia? ⁴ Kala kani ajol kani uwo wonus ngal uwo te Paulo me tani ja kelem gali ana te Apolo itakum am besi be kun bendumia? ⁵ Asede Apolo ya sunu me Paulo ya sunu besi umon anas labi je ina wedi no'umon. ⁶ Ana ajira Apolo ja kubu fogo moyo lakin Rabbana ya kutu raba. ⁷ Me jede al gi ajira ma ya te mana zayidi mala gi kuba fogo moyo ila Rabbana al gi kutu ja raba uwo ya kebiri zayidi. ⁸ Lakin al gi ajira me al gi kuba fogo moyo umon kulu fi sawa sawa me kila wayi bija wedi no'uwo malipo to je kidima to kani fi. ⁹ Kalam inna fi wa fana kazi bakani wayi me Rabbana fi shamba te Rabbana, itaum fi fi sawa te Rabbana. ¹⁰ Je nema te Rabbana je fi al ja wedi nean je bana al endi agili ana afuta musingi me ajol tani ja abinu fogo lakin kila benadum kede chnga uwo fi sokolina abu uwo gi abinu fogo. ¹¹ Kalam ma fi ajol al agederi afuta musingi tani ila nade al afutu uwo me Yesu Kristo. ¹² Lakin ajol yoyote kan abinu fi musingii de, zabu feather fetha lagera te bayi te bayi te to, sedera gesi, wasa kani. ¹³ Kidima te kila benadum bija weru uwo fi yomu nade misani bija cheki kidima de fi nari me kia kidima bija futu fi nari. ¹⁴ Me kidima te bendum al bija fadulu ajol de. ¹⁵ Kan bija aragu kidima te bendum uwo bija ligo tfayida ma lakin uwo sidu bija pona bada uwo futu fi nari. ¹⁶ Itakum ma arufu gali itakum ya kanisa te Rabbana me Roho te Rabbana gi kunu mini juwa itakum? ¹⁷ Ajol yoyote kani fa yekal te kanisa te Rabbana me Rabbana bija fanyago uwo misani kanisa te Rabbana nedifu me ya itakum. ¹⁸ Me bendum ma kede kabasi uwo sidu, ajol yoyote uwo kan sulu uwo kun negi fi wakti te asede uwo awulani kede kunu awiri dukur wara to uwo kede guru kun negi. ¹⁹ Kalam agili te duniawede de ya awiri gidamu Rabbana katifu uwo ngali Rabbana gi amuuku anas al negi fi unafiki to umon. ²⁰ Me kamani katifu uwo ge Rabbana gi fahamu fikiri te anas al negi ligo ma fi fogo fayida. ²¹ Ajol yoyote ma kede sifu uwo fi asutu anas kalam kalam de kulu takum. ²² Kan de Paulo, ama Apolo, ama kefa, amadunia, ama hayi, ama mutu ama sokolina al fi, ama sokolina al gi ruwa kunu umon kul takum. ²³ Me itakum te Kristo uwo te Rabbana.