¹ Akwana ana kamani bakani ana sa ne itakum ana ma ja me gudra milan te kalama ama agili milani ligo ana gi naba ne itakum siri te Rabbana. ² Ana amuwa sokol wayi fi fikira tayi asuma sokol wayi de ya kutu odani fi asuma Yesu Kristo al aligu fi musalaba. ³ Ana kamani kani bakani wayi me itakum fi meyi me fi rogusu milani me kafu. ⁴ Me kalam tayi me naba tayi ma kani fi fogo kalama te agili te teritesi ila wonusfi Roho megudura. ⁵ Amini takum ma kede kunu fogo agili te benadumia ila gudura te Rabbana. ⁶ Agili inna gi wonus fogo dolinide al adili me agili al ma te wakti te asede al ma te kubari na te wakti wede al gi kalasu. ⁷ Lakin inna gi wonus agili te Rabbana fi siri abuja dusu al Rabbana amurisha zamani lig dunia de lisa kunu ma kalam ishima tena. ⁸ Agili al kubarina te dunia te wakti wede al ma umon gi fahamu misani kani kani umon gi fahamu uwo umon ma kani bi albu sidi te hishima. ⁹ Lakin je ja katifu uwo ngal al ena lisa ayinu ma me adani lisa asuma ma me al lisa dakulu ma fi juwa geliba te be nadu, ya Rabbana gi adulu ne dolinide al aju uwo. ¹⁰ Lakin inna Rabbana fata ne inna kalam Roho misani Roho gi gusu kulu me Roho gi gusu anas kulu al ma gi fahamu te Rabbana. ¹¹ Ajol yatu ya agederi fahamu sokolina ila Roho to te siya dum? Me jede kalam te Rabbana ma fi al agereri fahamu umon ila Roho te Rabbana. ¹² Inna ma wedi ne inna Roho te dunialakin wedi ne inna Roho al gi tala ne Rabbana misani kede inna fahamu kalama al Rabbana gi wedi ne inna tesakil. ¹³ Me inna ma gi wonus kalama dole fi agili te bendumia ila al Roho gi alimu. ¹⁴ Laki ajol al endi ma Roho al nedifu ma agideri fahamu sokolina al gi tala fi roho te Rabbana me sokolina je dole gi kunu teawiri no'uwo ma agederi fahamu umon bila Roho. ¹⁵ Lakin ajol te Roho uwo gi aheki kalama kulu me kamani ma fi ajolal agederi cheki benadum al fi fi Roho. ¹⁶ De munu ya kani arufu fi kira te tena uwo ja wonus fogo uwo? lakin inna endi fi kira te Kristo.