1
Ana gi kelem ne itakum akwana je injiri abu ana naba ne itakum me abu wedi ne kum me al kutu itakum ku gowu.
2
Abu itakum pona fogo ana gi kelem ne itakum kalam abu ana naba muwo fogo injiri kani itakum ma amusuku kabariyi de me gudura abu ana raba ne itakum, itakum bi kunu ligo itakum amiini te saki.
3
Kalam abu ana abidu wedi ne itakum ya kamani wedi ne ana je Kristo mutu kalam zambi te inna je ma kati ba gi wonus.
4
Ligo dofunu uwo me ja arufu uwo foo mini kaburi fi yomu te talata je makatib gi kelem.
5
Me uwo benu me Kefa me swahaba to itinashari.
6
Ya wara to uwo benu ne akwana wadini al kani gi futu fi kamusamia fogo dolinde fi wadini al lisa hayi me wadini kalasi numu (mutu)
7
Ya wara to uwo benu ne Yakobo me swahaba kulu
8
Bada wede uwo benu ana je nyereku al dofuku.
9
Kalam ana sakari fi murusal al kan gi faa mafi kunu ligo gi nadi ana kunu murusal misani ana kan gi dusumani me kanisa te Rabbana.
10
Lakin kala nema te Rabbana namna abu ana fi fogo yaana fi me nema to al fi ne ana kani ma te saki lakin ana so kazi milani futu. wadini lakin ma ana ila nema te Rabbana al kani fi me ana.
11
Asede kani ana ama umon fi namna je wede ya ina gi naba me jede ya itakum amiin.
12
Lakin Kristo kan naba uwo je arufu uwo foo mini anas al mutu wadini gi wonus kefini galima fi gumu fo mini Kaburi?
13
Lakin kan gumu foo ma me jede me Yesu Kristo uwo ma gumu foo mini kaburi.
14
Asede kani kani Yesu ma gumu foo naba tena endis mana ma me amiini takum ma endi fayida.
15
Me jede inna gi beni je inna gi shahidi shahidi te Rabbana al te Kabasi kalam inna naba je Rabbana uwo kutu Yesu gumu fogo kani uwo gumu foo mafi me je mayitini ma gumu foo.
16
Me jee kani mayitini magi arufu umon foo mini kabani inni me Yesu Kristo ma arufu uwo foo mini kaburi.
17
Me jede kani Yesu Kristo ma arufu uwo foo mini kaburi amini takum endi fida ma me itakum lisa fi fi zambi takum.
18
Asede me dolinde al numu ( mutu) ligo umon gi amini fi Yesu umon kamani woduru?
19
Kani fi hayi wede bara ya inni fi fogo me bali fi Kristo gi faa sama inna zayidi.
20
Lakin asede Yesu arufu uwo foo mini kaburi de ya saana ta awulani te Dolinde al numu ( mutu)
21
Je mutu kunu kalam bendum me gumu foo te dolinde al mutu kunu kalam benadum.
22
Je umon kulu mutu fi Adam me jede fi Kristo ya umon kulu bi kunu hayi.
23
Lakin kila benadum fi bakani to: Kristo ya sana tawulani wara to dolinde al gi amiina uwo uwo kani ja.
24
Wara to ya ( kiyama) bija lasulu bakani uwo bija wedi mamlaka ne Rabbana baba to, ligo uwo kalasi amurugu likumu kulu me gudura kulu, me alisuluta kulu.
25
Kalam gi fa no'uwo hukumu ladi yomu abu uwo bija kutu anas aduyi to kulu te te kura to.
26
Aduyi te misho bija amurugu uwo wede ya mutu
27
Misani katifu uwo gal uwo kutu sokolina te dukulu te te kura to, ya uwo kamani gi wonus ngali kutu kutu umon te gi fahamu uwo je uwo ma kutu uwo falata al kutu sokolina kulu te te kura to.
28
Lakin sokolina kulu kani umon te te to, me nyereku uwo kamani kutu uwo falata te uwo al kutu sokolina kulu te te to inni ya Rabbana kede kunu kebiri te foo.
29
Misani umon bija so kefini alma batiza kalam anas al mutu kani maitini te asili umon ma bija guma foo de sunu ya kutu baiza umon kalam umon?
30
Mele kamani inna kunu fi tabu kila saa?
31
Ana gi mutu kila yomu! ana alifu sifa wede kalam itakum, ana endis fi Yesu Kristo sidi tena.
32
Kani ana dusu, mani me amugaba fi Efeso besi je binadum fayida yato asede kari mayitini kan maguma foo min kabun kede inna akulu me kede inna asurubu misani saba inna gi mutu.
33
Ma kede kabasi itakum: ma takum so kubania me anas al batali misani doru me anas al batali gi karabu tabiya taki al seme.
34
Sakarani kum! fi so seme! me ma takum so zambi. Misani wadina ma gi fahamu Rabbana. Ana wonus kede haya amusuku umon.
35
Lakin binadum bija wonus gali, mayitini gi gumu kefini min kabiri me gilidu yato ya umon gi ja mo uwo?
36
Ita al awiri tira abu ita gi ajiri tira ma gi kunu hayi ila ligo tira de kalasi kutu.
37
Me tira abu ita gi aira ita ma gi ajiri tira al gi ruwa kunu wakti kulu ila tira besi ligo te nyano ama te namna yoyote.
38
Lakin Rabbana gi wedi ne tira gilidu je uwo aju me kila tira uwo giwedi no'uwo gilidu to te fawauti.
39
Lamu kulu ma malumu wayi lakin tani te binadumia, tani te lamugaba, tani te terana, me tani te samaga.
40
Me jede fi gilidu te samayi me gilidu te dunia. Lakin ishima te samayi bara me te dunia fi bara.
41
Me ishima te semisi bara me ishima te shari fi bara, me ishima te nezima fi bara kalam nezima ma endi isiha je te nezima aku.
42
Me jede me gumu to te anas al mutu fi jede gi ajira fi sofunu ja gumu fi sofunu mafi.
43
Gi ajiru uwo bila ishima ja arufu uwo foo fi ishima gi ajira uwo fi mayi ja arufa uwo foo fi gudura.
44
Gi ajiri uwo ligo uwo gildu te lobu ja arufu uwo foo ligo uwo gilidu te Roho. Kani fi gilidu te lobu fi me gilidu te Roho.
45
Me jede katifu uwo gali Adam uwo kunu lobu al hayi me Adam te wara uwo ja kunu Roho al gi jibu hayi.
46
lakin te Roho ya ma tawulani lakin te lobu ya tawulani wara to ja ja te Roho.
47
Ajol tawulani uwo tala fi dunai fi tura me ajol te tinini uwo tala fi samayi.
48
Je nade al kani te tura je uwo kani fi jede anas te tura fi jede me jede je nade al te samayi fi me te samayi umon kamani fi jede.
49
Me jede je inna sulu picha te nade al te tura me jede inna bija sulu picha te nade al te samayi.
50
Lakin wede ya ana gi wonus akwana je gilidu me domu ma agir deri dakali fi mamlaka te samayi me jede gilidu sofunu ma agideri arija fi nafashi te gilidu al ma gi sofunu ma.
51
Ayinu kum ana gi kelemne itakum shiri inna ma kulu bi ja numu lakin inna kulu bija agilibu inna.
52
Fi gwamu je ajol al gi fata ena yomu al bijaafuka fogo buruji te misho te yomu kiyama misani bija afuka uwo me mayitini bija arufu umon foo. Kede umon ligo gilidu al ma gi shofunu. me inna kamani bija geru inna.
53
Kalam wede al gi sofunu gi faha no'uwo lebisigilidu al ma gi sofunu me wede al gi mutu gifa lebisi gilidu al ma gi mutu.
54
Lakin wede al gi sotunu ligo kalasi lebisi gilidu al ma gi sotunu me gilidu wede al gi mutu ligo kalasi lebisi gilidu al ma gi mutu kalam al katifu uwo dukuru inni de kamilisha uwo gali mutu kalasi abula uwo fi shinda uwo.
55
Ita te mutu ya zambi? me gudura te zambi ya amuri.
56
Waja te mutu ya zambi? me gudura te zambi ya amuri.
57
Lakin kede sukuru Rabbana al kutu inna shinda kalam Yesu Kristo.
58
Asede akwana tayi, kubania tayi kunu kum gowu bila kun me wasi wasi ligo itakum gi zibu itakum fi kidima te sidi tena, kalam fi zibu itakum zayidi ma te saki fi sidi tena.