¹ Aju kede itakum gi fata aju laki tamani kum zawadi te Roho, ab gisinga kelem tokum. ² Kalam ajol al gi wonus lugha omagi wonus oma gi wonus ne anas, illa Rabbana kalam ma fi ajol al gi asma lakin fi gelba ogi wonus koyo koyo. ³ Ajol al gi kelem ne anas ogi kelem no'umon kalam te ma endelewo, me algi furaisha me al gi gow gelba. ⁴ Abi gi wonus lugha ogi abin uwo barraw ajol al gi kelem ogi abin kanisa. ⁵ Ana gi womba ne itakum kulu kede wonus lugha lakin aju thaali kede itakum gi kelem nanas kalam Rabbana, wu ajol al gi kelem ogi sinda ajol al gi wonus lugha, kalam ogi kelem ne kanisa kede abin. ⁶ Lakin asede akwana, kan ana bija ja ne itakum ligo ana gi wonus lugha ana bija kun ta faida kefin kan ana ma bija wonus me itakum, aw min fata aw faham aw me, alim. ⁷ Me sokolina ab ma hayyi ab gi jib sauti aw dugara, kan ma bija geeru sawti gi faham kefin ab gi afuku aw ab gi dugu? ⁸ Kalam burunji kan bi tala sauti ab ma bi faham, munu ya bi adulu uwo fi dusuman? ⁹ Ya fi jede itakum ma bijib sauti ab gi asma uwo gwam ab gi wonus uwo bija faham uwo kefin? Kalam tokum bija wonus fi loobu. ¹⁰ Min arfu je namna ab fi duniya fi luhga milan, mafi namna ab ma wndis maana. ¹¹ Yala kan ana ma bija arufu maana te sawti ana bija kun ja ajol al gi karabu wakti ne ajol al gi wonus ladi ajol al gi karabu wakti obija kun ja ajil al gi kelem. ¹² Ya fi jede itakum kalam itakum gi tamani te Roho aju tokum aju ab gi zidu te abin kanisa. ¹³ Ajol al gi wonus lugha kede uwo gi asadu kede uwo kelem neina. ¹⁴ Kalam kan ana bi asadu fi lugha Roho tayi gi asadu lakin Roho tayi ma gi jib matunda. ¹⁵ Asede sunu? ana bija tumayi Roho fi asadu? ana bija asadu me agili ana biso kungu me Roho aw me agili. ¹⁶ Kalam kan ita asadu baraka me Roho ajol al gi gen fi bakan te ajol al ma de obi arja fogo kefin ameena kan ligo uwo asma ma fi kalam ab ita asadu? ¹⁷ Kalam ita gi shukur kuwesi lakin ajol taani ma, agder abinu uwo. ¹⁸ Ogi kelem gal ana gi shukur ne Rabbana ana gi sinda itakum kulu fi wonus lugha. ¹⁹ Lakin fi kanisa ana aju wonus kalama ab siya me agil tayi, dukur kede ana ja alim mo anas taanini min wonus milan al anas ma bi faham. ²⁰ Akwana ma takum kum yala duga fi agil lakin fi gelba kun tokum je yala ab dugu lakin fi agil kun kum anas kubaarin. ²¹ Ja katifu uwo fi shariya gaali ana bija wonus me anas dolde fu anas ab te lugha taanin me fi kasma te anas te beelana, yala sala kan kan fi jede te ma bija asma ana ya Rabbana gi wonus jede. ²² Ya lisan ja kun alama, ma ne anas ab amin lakin ne anas al ma gi amin lakin kelem ma gi kun alama ne anas ab ma gi amin lakin anas ab amin. ²³ Yala kanisa kulu kan kun lim bakan wayi mon kulu wonus lugha dukur dakal anas al arfu ma, aw al amin ma,mon ma bi kelem gal tokum waga mujunun? ²⁴ Lakin umon kulu kan bi kelem injil dukur dakal ajol lma amin aw alma arfu, ogi gata kesi toumon kulu, ogi hukum umon kulu bakan wayi. ²⁵ Siri te gelba to bija weri; ede uwo bija kati ena, uwo abudu Rabbana, ligo uwo gi wonus ga Rabbana fi itakum fi haki. ²⁶ Yala fi kefini, akwana? Kani itakum lim, kila ajol ab endi guna, uwo endis alim, uwo endis al fata ne uwo, uwo endis lisani, uwo endis faham, kulu ke so kalam abim. ²⁷ Ajol kan wonus lisani, ke umon wonus tinini ama milani, kun tarata, me fi bisesi me wayi ta fusili. ²⁸ Lakin kani ma fi ab gi ta fusili, ke uwo asukut fi kanisa, ke uwo wonus fi gelba to ne Rabbana. ²⁹ Me nebiya gi wonus tinini ama tarata, me wadini kaman kede ga asuma. ³⁰ Lakin tani abu geni kani fata ne uwo, ab abidu ke asukut. ³¹ Kalam itakum kulu agideri amin wayi fi wayi, umon ke agideri faham, me umon kulu ke fulayisha umon. ³² Me Roho te nebiya gi hukum me nabiya. ³³ Kalam Rabbana ma te kerere, lakin uwo te raha, je fi kanisa kulu te wata katifu. ³⁴ Nusu wani ke askutu fi kanisa kalam umon ma gi rudu fi wonus, lakin ke hukum umon je shariya gi kelem. ³⁵ Me umon kan aju alim kalama, ke umon asadu rujara tomon fi beey kalam te haya mariya wonus fi kanisa. ³⁶ Kalam te Rabbana bija tara ne itakum? ama ja rasul ne itakum bara? ³⁷ Kani ajol yoyote al gi fekeri kun nebbi ama te Roho, ke uwo faham ab ana gi katid ne itakum, ya shariya te sidi tena. ³⁸ Lakin ajol yoyote kani faham ma, ke uwo ma faham. ³⁹ Yala akwana tayi, taman kum kede itakum gi kelem kalam te Rabbana, ma takum gi abusun lisan. ⁴⁰ So kum kulu je gi fa me fi adabu ab seme.