¹ Chikachiika sono paichi nchakui Yesu wakayamba kwenda mu misumba na mizi, kupharazga na kuyowoya uthenga uwemi wa Chiuta, Bala 12( Khumi na babiri) bakaba naye, ² kweneso na banakazi banji abo bakachizgika ku mizimu yiheni na maulware. Mariya uyo wakachemanga Magadalena, mwa-mwene uyo vimizimu 7(yinkhonde na yibiri) vikafumuskika: ³ Joana muwoli wa Chuza, mulala ku nyumba ya Herodi, Suzana, na banandi banyake, awo, kufuma mu ivyo bakaba navyo bakowovwira pavya kukhumbikwa vyao. ⁴ Apo mzinda unandi wukaunjikana, ndipo banthu bakizanga kwa iye kufuma ku maboma yakupambana pambana, iye wakabaphalira nthalika; ⁵ "Mulimi wakalua ku munda kukapanda mbeu, apo wakapandanga, mbeu yinyake yikawira mumphepeta mwa nthowa, ndipo bakadyakapo na malundi, ndipo tuyuni twamuchanya tukiza na kulya mwalubiro. ⁶ Yinyake yikawa pa libwe, ndipo mwalubiro apo yikakula , yikawomira chifukwa kukabavye muzizi. ⁷ Yinyake yikawira pa minga, ndipo minga zakakulira pamoza na mbeu yira kwene yikasorongala. ⁸ Kwene yinyake yikawa pa dongo liweme na kubala vipaso vinandi makhumi khumi unandi." Yesu wakati wayowoya vinthu ivi, wakachemerezga wakati, "Yose uyo wali na makutu yakupulikira, lekani iye wapulike." ⁹ Basambiri bake bakamufumba ching'anamulo cha nthalika iyi. ¹⁰ Iye wakati,"umanyi wakumanya vya mu chisisi vya Ufumu wa Chiuta vyaperekeka kwa imwe, kwene kubanyake nkhuyowoya mu zinthalika, mwakuti kuona baleke kuona, ndipo kupulika baleke kupulikiska. ¹¹ Sono ichi ndicho chang'anamuro cha nthalika; Mbeu ndi mazgo gha Chiuta. ¹² Iyo yikawira mu mphepete mwa museu, ndi awo bakupulika mazgo, kwene satana wakwiza na kutola mazgo mumtima mwao, mwakuti baleke kupulikana na kuponoskeka. ¹³ Iyo yikawa pa libwe ndi awo, para bapulika mazgo, wakuyapokerera na chimwemwe. Kwene pakuti balije musisi; bakugomezga panyengo yichoko, ndipo para nyengo yaviyezgo yafika bakuwa na kufumako. ¹⁴ Mbeu iyo yikawa muminga ndi banhu awo bakupulika mazgo, kwene apo bakuluta mu nthowa zao, bakunwekera na vya kwenjerwa vya usambazi na vya kusekereska vya umoyo, ndipo vipasi vyao kuti vukukura yayi. ¹⁵ Kwene mbeu iyo yikawa pa dongo liwemi, ni banthu awo, bakupulika mazgo na unenesko kweniso na mtima wose, bakukoreska nkhanira na kubara vipasi na kuzika kwa kuzizipizga. ¹⁶ "Palije uyo wakubuska nyali nakuyidikiska chinthu, panji kubika kusi ku bedi, kweni, wakubika pa malo ghakuyikapo nyali mwakuti waliyose uyo wanjira wawone ungweru. ¹⁷ Pakuti palije icho nchakubisika cheneicho chamuleka kuvumbukwa, nesi chose chakubisika ceneicho chamukuleka kuvumbukwa na kwiza pa ungweru. ¹⁸ Ntheura teyerezgani makora, pakuti kwa uyo wali nacho, vinandi vyamupiwa kwa iye, kweniso kwa uyo walije, na icho wakughanaghana kuti wali nacho chizamutoleka kwa iye. ¹⁹ Ntheura ba nyina na babali bake bakiza kwa iye, kweni kuti bakakwaniska kufika kufupi chara chifukwa cha mzinda. ²⁰ Bakamuphalira, "banyinamwe na babali wako bayimilira kuwalo, kukhumba kukwona iwe." ²¹ Kweni Yesu wakabazgora na kunena nabo, bamama naba bali bane nibanthu awo bakupulika mazgo gha Chiuta naku ghachita." ²² Sono zuba limoza wakanjira mu boti naba sambiri bake, ndipo wakati tiyeni timbukire sirya linyake la nyanja, "ndipo bakaruta ulendo wapa maji. ²³ Kweni apo bakaba pa ulendo wa pa maji iye wakagona. Chimphepo chakofya chikauka nakuphuta pa nyanja, ndipo boti lawo likayamba kuzura maji, ndipo bakaba mu chofyo. ²⁵ Ntheura basambiri ba Yesu bakiza kwa iye nakumuuska, kunena, "Fumu! Fumu! tili pafupi kufwa! wakauka nakuyowoya ku chimphepo na kukhapizga kwa maji, ndipo vikaleka, na kuba chete. ²⁴ Ndipo wakanena kwa iwo wakati, "Kasi chipulikano chinu chili nkhuni?" ndipo iwo bakaba na mantha. Apo bachali na mantha bakabaso ba kuzizwa, ndipo bakafumbana yumoza na munyake, "kasi ipo uyu ninjani mwakuti wakulamura na mphepo kweniso na maji, ndipo vikumupulikira?" ²⁶ Ntheura bakaruta ulendo wapa maji ku chigaba cha Gerasenesi, cheneicho chili kusirya la nyanja ya Galileya. ²⁷ Apo Yesu wakadyaka malundi pasi, wakakumana na munthu munyake kufuma ku musumba uyo wakaba na mizimu yiheni. Kwa nyengo yitali wakakhala kwambura vyakuvwala, ndipo kuti wakakharanga mu nyumba yai kweni mu malalo ²⁸ Wakati waona Yesu, wakachemerezga nakuwa mu malundi gha Yesu na kunena kuti na mazgo yakukwezga, "Kasi kachita nane vichi, Yesu mwan wa Chiuta wakuchanya? nkhumubeyani, munganditambuzganga." ²⁹ Pakuti Yesu wakalangura kuti mizimu yiheni kufuma mwa iye. Pakuti nyengo zinandi mizimu yiheni yikamusuzga iye, nanga uli wakamumanganga na ma cheni kweniso na vingwe kumusungilira,, kweni iye wakadumulanga ndipo mizimu yiheni yikamudangiliranga ku thengere. ³⁰ Ntheura Yesu wakafumba, "Zina lako ndiwe njani?" Wakati Legion, pakuti mizimu yinandi yikanjira mwa iye. ³¹ Yikamubeya kuti waleke kuvituma ku chizombo chakomira. ³² Sono pakaba mzinda wa nkhumba zinandi izo zikaryanga pa phiri, mizimu yikapempha kuti lekani tikanjire mu nkhumba, ndipo wakayizomerezga. ³³ Ntheura mizimu yikafuma mu munthu na kuluta mu nkhumba, ndipo zose nkhumba zikagundumukira naku godobokera mu nyanja ndipo zikabira. ³⁴ Apo awo bakaliskanga nkhumba bakaona icho chikachitika, bakachimbira na kuya kayowoya mu boma na mizi icho chikachitika. ³⁵ Ntheura banthu bakaluta kuya kaona icho chikachitika, ndipo bakiza kwa Yesu nakusanga munthu mweneuyo mizimu yikafumamo. Wakakhala musi mu malundi ya Yesu, wakavwala ndipo mukati muma ghanoghano, ndipo bakaba na mantha. ³⁶ Ntheura awo bakawona ivyo vikachitika bakabaphalira umo vikachitikira na umo munthu wa mizimu yiheni wakamasukira. ³⁷ Ntheura banthu bose mu chigaba cha Gerasene bakamufumba Yesu kuti wafumemo mu malo ghawo, pakuti bakaba na wofi ndipo na mantha yakulu chomene. Ntheura wakanjira mu boti nakuweleramo. ³⁸ Munthu uyo mizimu yikafumiskikamo wakaluta nakubeya kuti walute naye, kweni Yesu wakamuwezga, nakunena kuti; ³⁹ "Welera ku nyumba kwinu nakukalongora ivyo Chiuta wakuchitira." Munthu yula wakawelera ku kwake, kupharazga mu boma lose ivyo yesu wakachita kwa iye. ⁴⁰ Sono apo Yesu wakawereranga, mzinda ukamutemerera, pakuti bakamulindizganga iye. ⁴¹ Wonani munthu munyake wakuchemeka Yairo, mweneuyo wakaba mudangiliri wa Sinagogi, wakiza na kuwa muma lundi gha Yesu; nakumupempha iye kuti wize kunyumba kwake, ⁴² chifukwa mwana wake yumoza pera musungwana, wa vilimika 12 wakaba pafupi kufwa. Apo Yesu wakaba mu nthowa, mzinda wa banthu ukafyenyekezyananga pamoza kwa iye. ⁴³ Sono mwanakazi wakabapo uyo wakasululanga ndopa kwa vilimika 12 ndipo wakataya ndalama izo wakaba nazo zose, (Bakusambira mbakugabikana banji bakuti mazgo yakuti izo wakaba nazo yabikikako apa) ndipo kuti wakachizgika na waliyose yayi. ⁴⁴ Wakiza kumasinda kwa Yesu na kukwaska ku umaliro wa munjilira, ndipo penepapo ndopa zikaleka kufuma. ⁴⁵ Yesu wakati, "Ninjani wanikwaska?" Apo wose bakati bakana, Petrosi wakati,"Fumu, mzinda wabanthu ngunandi, ndipo bakumuzingirizgani imwe," ⁴⁶ Kweni Yesu wakati,"munthu munyake wanikwaska ine, chifukwa na manya kuti nkhongono zafuma mwa ine." ⁴⁷ Apo mwanakazi wakaona kuti wangagwentha yayi kuti baleke kumumanya, wakiza na kunjenjema kuwa pasi nakuvunama kwa iye. Panthazi za banthu wose wakayowoya chifukwa icho wakakwaskira iye ndipo naumo penepapo wakachizgikira. ⁴⁸ Ndipo wakati kwa iye, "Mwana mwanakazi, chipulikano chako chakuchizga. Luta mu mtende. " ⁴⁹ Apo wachali kuyowoya, munthu munyake kufuma kunyumba ya mulala wa Sinagogi, wakati; "mwana mwanakazi winu wafwa. Lekani kumusuzga musambizgi kwakuluska." ⁵⁰ Kweni apo Yesu wakapulika ichi, wakazgora wakati kwa Yayiro,"leka kopa; gomezga waka,ndipo wati wachizgikenge." ⁵¹ Bakati bafika ku nyumba, wakazomerezga waliyose yayi kunjira, kweni Petrosi na Yohane na Jemusi, kweniso naba wiske ba mwana na nyina. ⁵² Sono bose bakaliranga na kutengera mwana, kweni iye wakati,"Lekani kulira; mwana wandafwe kweni wagona waka." ⁵³ Kweni bakamuseka iye, kumanya kuti mwana wafwa. ⁵⁴ Kweni iye wakatola mwana pawoko naku chema, kuti,"mwan, wuka!" ⁵⁵ Muzimu ukawerera, ndipo musungwana yula waka uka penepapo. Wakalangura kuti bamupe chakurya chilichose kuti warye. ⁵⁶ Bapapi ba mwana bakazizwa, kweni wakabanenera kuti baleke kuphalira wali yose icho chikachitika.