¹ Nkhevhali, Yesu ahiti kochinangonga ya pae nkhu pena omuzhiu umu nkhu eno okuvhoko kualemana. ² Ya ovhanthu vhamu (ovhafalicheu) avhatalele Yesu popei vhamuneko okutia É nge nkhu mahakula omuzhiu engo nkhu eno okuvhoko kualemana pae vhemuhunge. ³ Komuzhiu engo alemana okuvhoko Yesu atia: Kulama ya indjo koónu pokati kovho avhehe. ⁴ Ya pae É kovhanthu atia: motchachapalo otchivha okuninga navha ine otchivha okuninga otchivhi; okuyowola omunhu ine okuleka? Ya ovho nkhe vhanhimine pé. ⁵ Yesu pokutalea kovhikolo atoyua, okuyumana unene kokula koyombungo zhavho, komuzhiu atia: onhonuna okuwoko kuoé. é anhonuna okowoko ya Yesu ahakula. ⁶ Oyofalicheu mondjanga yatcho avhalupo, ofhimbike okumututilea ochetu noyolondianu, oyatchi nkhu nge mavhaningi vhemuleke. ⁷ Ya pae Yesu aende novhalongua vhaé kelunga. Ya otchimbiola otchinene tchi nkhu tchimutezha, matchilu kongalileya yokuchundeya, ⁸ no kocheluchalé, nokoindumeya ya ntheleinha ochortau, ya novhokotchikolo tcho Tilu ya novhoa Chindó. Tchi vhatea mavhapopi ovhipuka embi Yesu maningi, okuya otchimbiula tchimu otchinene Kué. ⁹ Ya Yesu akumbu kavhalongua vhae vhemuyekié ombaluku oñphuku yafua Mué, mokonda yo tchimbiula, opó hevhemutahaulula. ¹⁰ Ya É ahakula ovhengi, hinde avhehe ombenha nkhu vhalueya nomalema, vhehulilua, nkhu mavhelitahé keulu Lhaé vhemuvhizhe. ¹¹ Nkhu pua oyomphepo oyombi zhemumuna, nkhu zhivhá kotchiptala tchae, otcho mzhilikanaine okutia: Ovhe undeya Huku. ¹² Yesu tchi nkhu afuapo utumu oyomphepo oyombi opó hazhipopi okutia É nkhu oivha. ¹³ É alondo monphunda ya aifhana omeã nkhu ahanda, ya avheya Kué. ¹⁴ Ya apangula ekuinhi navhavhali ( ena evhepaka olho vhatuali vhondaka ) pae vhakae Naé, evhetume okuka popia ondaka, ¹⁵ ya no kuninga oyonkhono zho kuifhamu oyohandi. ¹⁶ Yesu atumbula ekuinhi navhavhali: Chimau, emuluku ena lha Petulu; ¹⁷ Tiaku, ondeya Chembendeu, ya Ndjau, omuango vha Tiaku, ombo evhepa ena lho mboaneche, tcho tchapopia kutia oyonde vho trovhau; ¹⁸ ya Andele; Filipí; Mbatulumeu; Mateuchu; Tomé; Tiaku, ondeya Ufeu; Tandeu; Chimau; ochelote; ¹⁹ ya na Chuta kalhota engo nkhu me kemuyumba kovhanhtu. ²⁰ Paé, Yesu ande kondjuwo ya otchimbiula tchi nkhe atchiliongezha vhali otchokutia hinde ovho nge kavhetchizhile lumu okulia ombolo. ²¹ Ya pae o muhoko waaÉ tchi vhatea tcho, avhalupo vhekemutchaele, otcho mavhatia: É kelumunu. ²² Oyokilipa eñmbi nkhu zhalua kocheluchale azhitia: É vhahitua noyohandi ya pae komutumini vhovhilulu É okó afhiamu ovhilulu. ²³ Yesu evheifhana ya evhepopie omiheti: Ongapi elhapu nge malifhamu elhapu? ²⁴ Okutia oumbala vheliandjea poluavho muni, ombo oumbala vhatcho nge kaukakakó. ²⁵ Okutia ondjuwó imu yeliandja muni, endjo ondjuwó yatcho nge kaikakakó. ²⁶ Okutia elhapu lhelikulamina polualho muni, ya lieliyapuluka, nge kalikakakó, ya tcho lhefhika kokupua. ²⁷ Ya kutupu engo nge mahiti mondjuwó yomuzhiu umu akola akavhake ovhipuka emiã vhiafhua mué heyatenga okumuifhapo poupe; pae emuvhakeé ondjuwó. ²⁸ Otchatchili tchatcho mi mimuhele, ovhopekalo zhatcho azhihe ozhoyondeé vhovhazhiu mazhi kaévhelua, hinde novhipukameã avhihe ovhiokuhahumba Huku pokupopia; ²⁹ Pae iñgua hahumbu Omphepo endji Yafuapo pokupopia nge kakaévhelua, ya unekulupa lhopekalo endji haipu. ³⁰ Yesu vhapopia tcho mokonda nkhu matia: É uno ohandi. ³¹ Ina novhango vhae avheya ya avhaká kolumbandi. Avhatumu umu ekemuifhane. ³² É akankhama pokati kotchibiula apopi ku Yesu: Nhuko ya novhango vhoé vhepolumbandi koinha ya mavhekuye. ³³ É evhetavhele: Meé novhango vhange ovhoiwa? ³⁴ É ataa kovhanthu omba avhehe nkhu vhakankhama vhelicheta naé evhetia: Tañme, puenu opó pena meé novhango vhange! ³⁵ Mokonda iñgua aninga oholo ya Huku, engo eéli omuango vhange ya na meé.