¹ Pae tchi nkhu eli kongulo yomotchapalo, Maliya Mandalena, Maliya, ina ya Tiaku na Chalomé avhalanda omifhila vhialela vhaka tile kolutu lua Yesu. ² Motchalumingu, komuhuka omunene, etango tchi malitumbu, ovho avhande té peendó. ³ Ovho avhelipula poluvho okutia: oivha meketuifeapo evhe lho peendo? ⁴ Tchvhayela nomiho, avhamunuko okutia kuna ingu nkhu aifhapo ewe, indi nkhu eli enene unene. ⁵ Tchivhahita meendo, avhamunu omuzhanthu umu avhala ovhikutu ovhipembai, akankhama kotchivhei tcho kokulumioko, avhaka vhahakuka. ⁶ É atia: Hamupatana. mamuyevhe Yesu, Omunachalenu, ingu nkhu alekua. É vhatutila! Puenu kepo. Tamñi otchevhei tchapua nkhu Vhemupaka. ⁷ Pae endemñi mukapopie kovhalongua Vhae naku Petulu okutia Yesu vhatenga komutue ko Ngalileya. Ko mamukemumuna, ngatchi É Wevhehele. ⁸ Ovho avhalumu mavhalumbuka meendo, nkhu mavhateketa ya avhaombo vhelikuta wopé. Tcho ahamavhetchipopi, mokonda nkhu vhena unene ovhoma. ⁹ Tcha tutila momuhuka wa Tchalumingu motchetenha tcho kufhimbika mochimano, Yesu poupe amunika ku Maliya Mandalena, ingu aifhe omalhapu omapantuvhali. ¹⁰ É alupo ya apopi tcheinha nkhu amuna kombenha avhehe nkhu Vhenae, mokonkhando yapua ovho nkhu mavhayiyima no kulila. ¹¹ Ovho avhate okutia Yesu nkhu onomunhu tchi nkhu amunua nae, pae ahamavhatavhele. ¹² Tchokuapita ovhipuka imbio, É amunika elikalela kuvhamu vhavhali, monkhando yapua nkhu vhemondjila yokupa kepia. ¹³ Ovho avhande okukapopia kotchinthimbu tchovhalongua, ya ombo ahamavhatavhele. ¹⁴ Tchalapo, Yesu amunika kovhekuinhi naumo, monkhando yapua nkhu mavhayoukie komecha, evhekanaine oyomphata zhavho ya nokukola oyombungo, mokonda yatchi havhatavhele kuombenha nkhu vhemumuna tchamana okututila. ¹⁵ Pae, atia:Endemñi kouye vhatcho auhe, popiemñi ondaka kovhanthu vhatcho avhehe. ¹⁶ Inguinha matavhele ya ayavhama makayowolua, ya ingu hamatavhele makaungulua. ¹⁷ Ovhilimbo imbio mavhikatezha ombenha vhatavhela: mena Lhange mamukaifha omalhapu, mamukapopia omalaka omape, ¹⁸ mamukakuata ovhinhama nomavhoko ya pua muanua oukola, tcho katchinatchi matchikemuninga; ngamukapa omavhoko kovhavhehi ovho mavhakapaluka. ¹⁹ Tate Kulu Yesu tcha amana okupopia nawo, atualua keulu ya wakankhama kokulumioko kua Huku. ²⁰ Ovhalongua avhaende okukapopia kovhvhiei vhiatcho avhihe, monkhando yapua Tate Kulu nkhu matalavhaya nawo ya nkhu uninga oumbangi vhondaka mokonda yovhilimbo vhiokuhakukifha imbi nkhu vhivhezha.