¹ Ana jaa fi jenena tai, Y akut tai, Ya Aarusa tai; ana gata Mur tai maa Eatir tai. Ana akul halawa tai maa Aasiil tai; Ana ashrab khamra tai maa lebin tai Sabihat le Aaris wa Aarusa Ya ashab ta nina, Akulu; ashrab wa keli intum askar bi hub. Aarusa le nefsa tuo ² Ana kan num, lakin gelba tai kan gi sahi. yahu dak sut ta habib tai gi dugu wa gi kelim, "Ya, Akut tai, Habiba tai, Hamama tai, Amena tai, fata le ana, ashan Ras tai mublul bi Nada, shaar tai mublul bi rutuba ta belel." ³ Ana agila ghumash tai; keli Ana lebisu howo tani mara? Ana kasulu kuraa tai; keli ana wakanu homon tani mara?" ⁴ Habib tai medi eda tuo ashan bi fata gefl ta bab, wa gelba tai dugu le howo. ⁵ Ana gum ashan bi fata bab le habib tai; eda tai kan gi naga mur, wa asabie tai mublul bi mur fi magbad ta bab. ⁶ Ana fata bab le habib tai, lakin habib tai rejaa wa howo ruwa.gelba tai gata(karabu) zaman howo kelim. Ana fetishu howo, lakin ana ma ligu howo; Ana nadi howo, lakin howo ma rudu. ⁷ Huras gabilu ana fi zaman al homon amulu douwuriya tomon fi medina. homon dugu ana wa auwgu ana; Huras ta al asuwar shilu Eabaya tai min ana. Aarusa le Nusuwan ta medina ⁸ Ana deer keli intum halifu, Ya Banat ta Ureshelim, inu kan intum ligu habib tai- intum bi wori le howo shunu? Ana ayan bi hub. Nusuwan ta medina le Aarusa ⁹ Ya ajmal jemila min beina al nusuwan, Hal habib taki de afdal min habib tani? Leh habib taki ahsiin min habib tani, ashan inti bi talabu min nina halifa zi de? ^{10 11} Aarusa le nusuwan ta medina Habib tai gi lamaa wa ahmar, Muaalim (Mumtaz) min beina ashara - Alfi. Ras tuo dahab al safi; shaar tuo mujaead wa asued zi qhurab. ¹² Eiyun tuo zi hamamteen al gi geni jambu majari ta miyah, gi istahama bi lebin, kutu zi jawahir. ¹³ khudud tuo zi maratib min zuhur, gi tala raeha ta bakhur. shafaif tuo zi zahrat ta suwsana al gi nezil mur. ¹⁴ Eda tuo kulu dahab mursus bi jawahir; Batna tu Aaj kati bi Yaghut al azrag. ¹⁵ Kuraen tuo Aamida ta rukham, sabitu asas tuo maa dahab al safi; shbih tuo zi Lubnan, shab zi ashjr al Aurz. ¹⁶ kasma tuo ahlla min al halaweyat; howo kulu hilu. De yahu habib tai wa de yahu sabi tai, ya Banat ta Ureshelim.