¹ Yahweh wonusu le Musa.Huwo gal, ² “Kelim le Aaron. Wori le huwo l, ‘saba Lambaadde lazim kede wala gidam al-manara izakan inta gi wala umon.” ³ Aaron amulu kalam de. Huwo wala lambaad de fi ras al-manara ashan keli wala gidam tou,zeir Yahweh kan amiru musa. ⁴ Al-manara kan salau be teriga zede wa Yahweh kan wori sura tou le Musa keli geni min dahab min tehet tou lahadi fog wa kababi tou bi geni zei zohur. ⁵ mara,Yahweh wonusu le Musa.Huwo gal, ⁶ ”Shilu Lawiin min nus bita Shab ta Israel wa kadisu humon. ⁷ Amulu kalam de le humon ashan bi kadisu humon.Rusu moyo bita gufran fogo humon.Wodi keli humon aliju aiya shar min jisim toumon,keli humon kasulu gumasat toumon,wa kadisu(nedifu) nufus toumon. ⁸ Wa keli humon shilu bagara soker abu rajil be zebiha tou min al hubbub wa lakbatu be zed. Keli humon Kaman shilu jena bagara tani abu rajil wa gedimu ka zebiha le katia. ⁹ Inta bi jebu Lawiin bel gidam qeima-al-ijtima wa bi limu kulu mijtama bita shab ta Israel ¹⁰ Kan inta jibu Levites gidam Yahweh, Nas ta Israel lazim kutu ident toumon fi ras Lawiin del. ¹¹ Aaron keli gedimu Lawiin del gidam Yahweh ka zebiha al kas min shab ta Israel ashan kelihumon amulu kadamat ta Yahweh. ¹² Lawiin del lazim keli kutu ident toumon fi ta ras ta abugar de.Lazim inta bi gedimu wahid bagara zei zebiha le katia,wa bagi bugar de zei zebiha al bi haragu le ana min ajli katia ta Lawiin. ¹³ Gedimu Lawiin del gidam Aaron wa gidam iyal bitoumon,wa arfa humon le an aka zebiha al kas le ana. ¹⁴ Be teriga de,inta bi kutu Lawiin de bi geni ferig fi wasat ta shab ta Israel.Lawiin de bigeni le ana bes. ¹⁵ Bad de,Lawiin de keli rua istakal fi qeima-al-ijtima.Inta bi kadisu humon.Inta bi gedimu humon le ana ka zebiha al kas. ¹⁶ Amulu zede lehanu humon ka kulu tabi le ana min nus ta shab ta Israel.Humon bi shilu mahal bita jena al bikria,awel simar ta batna bita kulu jilta Israel.Ana kalas shilu Lawiin ashan bi geni le ¹⁷ ana. Kulu bikria fi wasat ta shab ta Israel bikun le ana, kan min insan,wale mi haiwan.Fi yom al ana katulu kulu bikria ta nas Masirin,ana kerisu humon le ana. ¹⁸ Ana shilu Lawiin del min wasat ta shab ta Israel fi bidal ta kulu bikria. ¹⁹ Ana wodi Lawiin ka hadiya le Aaron ma awulat bitou.Ama shilu umon min wasat ta shab ta Israel fi qeima-al-ijtima.Ana wodi umon ashan bi asadu afu fi bidal ta nas Israel ashan mafi darba keli augu shab kan humon ja gerib be mahal al mukadas ²⁰ Musa,Aaron,wa kulu mujtama ta shab ta Israel amulu kalam de ma Lawiin.Humon amulu kulu hajat al kan Yahweh amiru Musa an Lawiin.Nas ta Israel amulu kalam de ma humon. ²¹ Lawiin kadisu nufus toumon wa malabis toumon,wa Aaron gedimu humon ka zebiha al kas le Yahweh wa huwo seli salawat bita afi katia ashan bi nedifu humon. ²² Bad dak,Lawiin ruwa juwa qeima ashan bi amulu kadamat toumon gidam ta Aaron wa gidam bita iyal bitou.De kan hasil zei Yahweh kan amiru Musa an Lawiin.Humon amulu le kulu Lawiin be nefsu teriga. ²³ Yahweh wonusu tani mara le Musa.Huwo gal, ²⁴ ” kalam de kulu le lawiin al umur toumon kamsa-wa-ishirin le fog.Humon lazim bi duma ma sherika ashan kadimu fi qeima-al-ijtima. ²⁵ Humon lazim bi wigifu kidma toumon de izakan zol wosulu fi umur bita kamsin sena.Fi umur dak,keli humon ma kadimu tani mara. ²⁶ Humon minkin bi saidu akwana toumon al gi istemir ishtakal fi juwa qeima-al-ijtima,ashan amulu shokol, lakin keli humon ma kadimu ketir min de.De yau teriga al inta bi ishtakal be nas Lawiin de fi kulu musulia toumon.”