¹ Yahweh wonusu le Musa fi Sahara ta Sinai al awel bita sena nimura itanin bad ma humon tala min ardi ta masir Huwo gal, ² ” keli shab ta Israel hafisu ed-al-fes fi zaman bi tou al sabit fi sena. ³ Fi yum nimura orba tasar ta shahar de,ashia, lazim intum bi hafisu,wa tabi kulu toujihat,wa asuma kulu qararat al endu ilaka ma huwo.” ⁴ Ashan kida, Musa kelim le shab ta Israel inu lazim humon bi hafisu et-al-fes. ⁵ Ashan kida, humon hafisu et-al-fes fi shahar ta Sinai.Shab kan asuma le kulu hajat al kan Yahweh kelim min qilal Musa ashan bi amulu. ⁶ Kan fi nas al waskanu nufus toumon ashan humon habisu zol al mutu. Humon kan biaker hafisu ed-al-fes fi yum de. Humon ruwa gidam Musa wa Aaron fi nefsu yom. ⁷ Nas de kelim le Musa”,Anin biga waskan ashan nina habisu jisim ta zol al mutu.Lakin sabab sunu gi abau ashan nina Kaman bi gedimu zebiha le Rabuna sawa ma bagi nas tannin min Israel?” ⁸ Musa kelim le humon,”istena takum ana ashan keli ana asuma tousia min Yahweh.” ⁹ Yahweh kelim le Musa.Huwo gal, ¹⁰ ”wonusule shab ya Israel. Kelim,’izakan fi zol min intum,wale jil bitakum al waskanu nefsu ashan habisu zol al mutu,au huwo masi fi safara,huwo lisa biakder hafisu ed-al-fes le Yahweh. ¹¹ ”Fi shahar nimura itnin way om nimura arbatasar ashia,humon bi akulu akil ta ed-al-fes.Fi shahar nimura itnin way om nimura arbatasar ashia,humon bi akulu akil ta ed-al-fes. Humon lazim bi akulu koruf ta et-al-fes be esh al ma kutu fogo kemira wa Kaman jir-jir ¹² Keli humon ma sibu bagi tou lahadi sabah,wa Kaman adom tou keli ma kasu.Humon lazim bi tabi kulu gawanin ta et-al-fes. ¹³ Lakin zol nedif wa ma gi safir,lakin ma akder iqtefil et-de,zol de lazim bi gatau bara min nas bitou lehanu huwo ma jebu zebiha al Yahweh der fi zaman al sabit fi sena.Zol de lazim bi arfa katia bitou. ¹⁴ Iza kan fi zol garib bi geni finas bitakum wa huwo de tabi et-al-fes,lazim huwo bi hafisu ganun bitou kamil.Lazim intum keli kutu ganun wahid le zol al dufan, wa Kaman le zol al weledu fi ardi de. ¹⁵ Fi yom al kalas asisu qeima-al-ijtima,shihab ja kati qeima-al-ijtima al lsim tou Kaman queima bita shuuda.F zaman ta ashia,shihab kan kati qeima-al-ijtima.It kan gi beinu zei nar lahadi sabar. ¹⁶ Huwo istemir zeide shihab kati al qeima wa beinu zei nar fi zaman ta lel. ¹⁷ Kulu ma kan shihab tala bara min ras al qeima,shab(nas) bi bada harik.Izakan shihab wogif,nas Kaman bi asisu qeima wa be geni fogo. ¹⁸ Hasab tousia min Yahweh,shab ta Israel bi douru,wahasab amir,humon bi wogif.Izakan shihab wogif fi ras qeima –al-ijtima, humon bi geni fi juwa qeima toumon. ¹⁹ Izakan shihab fadulu fi ras qeima-al ijtima le ayam ketir, shab(nas) ta Israel bi ishtakal be ganun ta Yahweh wa ma bi safir. ²⁰ Badi mara shihab de fi geni fi ras qeima-al-ijtima le muda ayam. Lo hasil kida,humon bi ishtakal bi amir ta Yahweh-wa humon bi amulu qeima wa bi safir tani mara hasab toushia bitou. ²¹ Badi mara shihab bi geni fi ras qeima min misa lahadi sabah.Izakan shihab arfa gisim tou,humon bi harik. Izakan istemir le nahar wahid wa bilel wahid,ile kan shihab arfa gisimtou fog yau humon bi bada douru. ²² Hata kan shihab geni fogo kenisa le itnin yom,shahar wahid, wale sena wahid, sala kan zaman towil zei sunu, lazim nas bi geni fi juwa qeima wa bi harik.Lakin izakan shihab de shilu fog, humon bi bada musuwar bitoumon. ²³ Humon bi amulu qeima hasab ganun ta Yahweh wa wa bi safir hasab ganun bitou. Humon ishtakal hasab ganun ta Yahweh al wodi le Musa.