¹ Israel geni fi shittim, wa rijal bada sharmit nufu sum ma nasawin ta Moab, ² Le Moabitiin hum rahibu nas ashan gedim zebiha le aliha hagum. Kida al nas bi akulu wa dengir tehed le alliha ta Moabiin ³ Al rijal ta Israel limu le abidu sanam ta peor wa Yahweh tala zalan wa zil de gi wala did Israel. ⁴ Yahweh kelim le Musa, “kalulu kulu kiyadad wa sheneyu humon gidam tai ashan bi wori humon be narhar, ashan zil tai bi rajah wara min Israel” ⁵ Musa kelim le guda ta Israel kulu wahid mina kun lazim keli katulu aiya nas towo al ruah limu fi abidu sanam ta Peor.” ⁶ Yala wahid min rajal ta Israel ja jibu fi nas usra mara min Midianiim de hasil fi ena ta Musa wa kulu mujtama ta Israel, wokit humon gi kore fi Baab ta kema ijtima. ⁷ Wokit Phinehas Ibn Eleazar ibn Harun al gesis ainu kida, huwo gum fok min nus muj tama wa shilu Harba fi yedam towo ⁸ Huwo tabi rajil de ta Israel fi kema wa atanu Harba fi gisim tomon kulu ethnen. Rajil Israeli de wa mara Midiani. Kida wabaa al Allah rasul le nas ta Israel wogif. ⁹ Addad ta nas al mutu min wabaa dak kan arba wa Isriin alf. ¹⁰ Yahweh kelim le Musa wa gal ¹¹ Phinehas Ibn Eleazar Ibn Haroon al Gesis, geiru zalan tai min nas ta Israel ashan huwo bihib wa Malian ma nar tai fi wasad humon. Kida ana ma bi demir nas Israel fi gira tai. ¹² Ashan kida Yahweh kelimu, “shuf, ana bi wodi le Phinehas amina tai ta salam. ¹³ Le humon wa agial towo baad huwo, biakun amina ta geni shokol Gesis lel abad ashan huwo enolu nar le ana, Allah towo. Huwo gadim zebiha min ajil Israeliin.” ¹⁴ Hasa al isim ta rajil Israeli al katulu ma mara midiani de zimri Ibn salu al kaid min Judud ta usra fi wasad shamaun. ¹⁵ Al isim ta mara Midiani al katulu de Isim tahia kozbi binia ta Zur, al ras ta Gebila wa Judud ta baab alfi Midian. ¹⁶ Kida Yahweh wonusu le Musa wa gal, ¹⁷ It amal ma Midianiin ze adu wa hajimum, ¹⁸ Humon it amal makum ze adu be akazib tomon. Humon sibu itakum ruah fi shar fi kalam to peor wa fi kalam ta ugtum kozbi, bina ta kaid fi Midian, al katulu fi yom ta wabaa fi muskila ta Peor