¹ Yala al nas ta Israel, kulu mujtama, ruah le gaba fi sahra ta zim fi awel shahar; humon geni fi kadesh. Hinak Miriam mutu wa dofunu. ² Kan mafi moyo le mujtama, ya humon limu sawa did Musa ma Haroon. ³ Al nas itzamar did Musa Humon kelim “huwo kan bikun kwes iza kan ena mutu min akwana tena israeliin be mutu fi gidam ta Yahweh! ⁴ Le ita jibu nas ta Yahweh fi sahra algaba ashan mutu hini, ena ma haiwanat? ⁵ Le itu jibu ena min masir fi mahal al kaab? Al mafi mahal le iraab, ashjar, zuhur, wa mafi moyo le sharab.” ⁶ Yala Musa wa Haroon ruah bara min mujkama. Humon ruah fi baab ta kema ta ijtima wa dengiry wusa tehed hinak mejit ta Yahweh al abiad zahir le Humon. ⁷ Yahweh kelim le Musa wa gal, ⁸ Shilu asaya wa limu mujtama, ita wa Haroon aku taki. Kelim le hajer fi gidam ena tomon. Wa amiru moyo keli tala min ijtajer. Ita bi tala moyo le humon min hajer, wa ita lazim bi wodi le mujtama wa baahaim tomon ashan ashrubu.” ⁹ Musa shilu asaya min gidam ta Yahweh, ze Yahweh amiru ashan amulu. ¹⁰ Yala Musa wa Haroon limu nas sawa gidam Hajer de Musa kelim le Humon, anuma hasa, itu mudmeridiin, ena lazim keli tala moyo bara min hajer de le itakum? ¹¹ Yala Musa arfa yeden wa dugu hajer maraten ma asaya towo, wa moyo ketir tala bara almujtama ashurubu, wa bahayim tomon ashurubu. ¹² Yala Yahweh kelim le Musa wa Haroon, “ashan itu ma wasik siga fi ana au iktarama ana ze kudus fi ena ta nas ta Israel, it ma bi tala mojmu de le al ana wodi le humon.” ¹³ Al mahal de semeu Merribah ashan al nas ta Israel nengenenge (itzamar) ma Yahweh hinak, wa huwo wori nefsu le humon kudus. ¹⁴ Musa rasulu murasulat min kadesh le melik ta edom alkuana taki Israel kelim kida; ‘ita bi arif kulu al taaab al ena ligo ena. ¹⁵ Inta arif gal ajdad tena ruah le Masir wa ishu fi Masir zaman towil. Al Masriin amulu ena batal wa Kaman ajdad tena. ¹⁶ Wokit ena kore le Yahweh, huwo asuma sot tena wa rasulu Malaika wa tala ena bara min Masir shuf, ena fi kadesh, al medina fi hudud taki. ¹⁷ Ana gi asalu ita ashan keli ena ruah abiri ardi taki. Ena ma bi ruah abiri mahal zira au genena wala ashurubu min moyo ta abiar takum. Ena bi ruah abri sika al reishi ta melik en mabi gelibu wele shamal wala jemiin lahaidi ena bi abir hudud takum.” ¹⁸ Lakin melik ta Edom juwabu le huwo.” Itu mabi abir min hina. Iza kan itu amulu, ana bi ja ma sef ashan hajimu itu.” ¹⁹ Yala nas ta Israel kelim le huwo “ena bi ruah abri shari raisi. Iza kan ena au haiwanat tena ashurubu moyo, ena bi dafa keli ena bes douru abri ma kura, budun amulu aiya haja tani.” ²⁰ Lakin al melik ta Edom juwabu, “itu mabi abir” yala melik ta Edom tala did Israel ma yedem gowi ma Junut ketir. ²¹ Al melik ta Edom abaa kulu kulu ashan nas ta Israel gata abri hudud towo, ashan de, Israel gelibu bara min ardi ta Edom. ²² Yala nas ruah mamuria min kadesh. Al nas ta Israel, mujtama kulu, ja le jebel Hor, ²³ Yahweh kelim le Musa wa Haroon fi jebel Hor, fi hudud ta Edom huwo kelim. ²⁴ Haroon lazim bi limu le nas towo, huwo mabi dakalu fi ardi al ana wodi le nas Israel. De ashan itakum itmaradu did kalam tai fi moyo ta Merribah. ²⁵ Shilu Haroon ma Eleazer weledu, wa jibu humon fok le jebel Hor. ²⁶ Shilu julabia ta Gesis bara min Haroon wa kutu fi Eleazer weledu. Harron lazim bi mut wa bi limu sawa le nas towo hinak. ²⁷ Musa amulu ze Yahweh amiru, humon ruah fok jebel hor fi ena ta kulu mujtama. ²⁸ Musa shilu jalabia ta Gesis min Haroon wa libisu le Eleazar weledu. Haroon mutu hinak fi ras jebel. Yala Musa wa Eleazar ja tehed ²⁹ Wokit kulu al mujtama aninu gal Haroon mat. Kulu bed ta Israel kore Haroon le muda teletin ayam.