¹ Fi ayam dak, Herodos Antipas asma kabar an Yesua. ² Huwo kelim le kudam bitou, ''De yau Yohana mahmadan; huwo gam min al mut. Ashan kida huwo sahal be guwa de.'' ³ Herodos gabadu Yohana, wa kutu huwo fi sijin be sabab ta Herodias, mara ta aku bitou Philip. ⁴ Yohana kelim le huwo, ''huwo ma ganuni ashan inta bi shilu hiya ze mara taki. ⁵ Herodos kan bi katulu huwo , lakin huwo kafu nas, le-anu nas arufu huwo nebi. ⁶ Lakin zaman id milad ta Herodos ja, Bit ta Herodias alabu fi nus wa Herod tala farhan. ⁷ Fi rad, Huwo waad ashan bi wodi le hiya ai haja al hiya asalu. ⁸ Bad ma hiya asma le tojihad ta umu, hiya gali ' Wodi le ana, hina fi sahan kebir, ras ta Yohana Mahmadan.'' ⁹ Melik kan ma murta be talab ta hiya, lakin ashan waad wa ashan kulu nas al kan ma huwo fi gada, huwo amiru be inu keli amulu. ¹⁰ Huwo rasulu nas ashan gatau ras bita Yohana fi dakil sigin. ¹¹ Bad dak ras tou kan jibu fi sahan wa wodi le hiya wa hiya shilu le uma tou. ¹² Bad dak talamiz ja, shalu jusha, wa dofunu. Bad dak, umon masha wori le Yesua. ¹³ Hasa zaman Yesua asuma kalam de, huwo tala min hinak be murkab le mahal al ma bi ainu huwo. Zaman jamahir asuma kalam de, umon mashi warau min kulu medina. ¹⁴ Bad dak Yesua ja gidam umon wa shafu al jamahir. Huwo hin le umon wa aliju nas tomon al kan ayanin. ¹⁵ Zaman bita misa, talamiz ja le hwo wa gali, mahal sahara, yom de intaha. jamahir de keli mashi, ashan umon bi yemsi le ¹⁶ Lakin Yesua kelimu le umon. ''Ma mohim ashan umon bi futu. Wodi le umon haja ashan umon bi akulu. ¹⁷ ''Umo kelim le huwo, ''Nina indu kamsa eshat wa itnin samak.'' ¹⁸ Yesua gali jibu takum le ana.'' ¹⁹ Bad dak Yesua amiru jamahir de keli geni tehet fi ras ges. Huwo shilu kamsa eshat wa itnin samak. huwo ayinu fok le samah, huwo bariku wa kasuru eshat de wa wodi le talamiz wa talamiz wodi le jamahir. ²⁰ Umon kulu akulu wa tala sabanin. Bad dak umon limu itnasar gufa min akil al fadulu. ²¹ Del al akalu kan ze kamsa alf rujal, bara min nasawin wa iyal. ²² Tawali huwo kelim le talamiz keli dakal fi murkab wa amshi gidamu le bar al tani, ze huwo rasulu jamahir. ²³ Bad huwo rasulu jamahir del, huwo masha fi ras jebel be nefsu ashan bi seli. Zaman bita misa, huwo kan hinak barau. ²⁴ Lakin murkab kan biga beid, Moaj(hawa) kan bi hizu shedid, hawa kan bi dugu fi murkab shedid. ²⁷ Fi saat al araba gerib sabah Yesua ja le umon, bi douru fi ras bahar. ²⁶ Zaman talamiz ainu huwo fi ras bahar, umon kafu wa gal, ''de roho ta zol meit,'' umon kafu wa kore shidid. ²⁵ Lakin Yesua kelim le umon fi nefsu zaman gal,'' kunu shuja! de ana! matakun kafu.'' ²⁸ Butrus juwabu huwo wa gal, 'Rabana, kan de inta, amiru ana ashan bi ja le inta fi ras moyo.'' ²⁹ Yesua gal, ''taali.'' Butrus gam min murkab wa douru fi ras moya masi le Yesua. ³⁰ Lakin zaman butrus ainu hawa, huwo kafu. zema huwo bi katis, huwo kore fok wa gal, ''Rabana ankizu ana!'' ³¹ Yesua bada midu yedu, masak butrus, wa kelimu le huwo, ''inta al imanak saher, le indak sukuk?'' ³² Bad dak Yesua wa butrus masha le murkab, hawa de wagaf. ³³ Bad dak talamiz al kan fi juwa Murkab abidu Yesua wa gal, ''Hagiga inta ibin Allah. ³⁴ Zaman umon gata bahar, umon ja wa nazalu fi Gennesaret. ³⁵ Zaman nas al fi mahal dak zekiru Yesua, umon rasulu kabarat fi kulu mahal fi hawil hila, wa umon jabu le huwo ai zol al kan ayan. ³⁶ Umon asalu huwo ashan bes bi lemesu gumas bitou, wa nas al kutar al kan lemesu ligo ilaj.