¹ Iza kan zol gedim zebiha ta tagadima ta salam min bagara rajil au mara, huwo kede wodi hayiwan al nedif ma indu eib le Yahwa. ² Huwo bikutu ida ras ta hayiwan de wa bikatulu fi bab ta keima ta ijtima. Biga iyal ta Harun al gusus birushu dom ta hayiwan de fi kulu taraf ta mazbah. ³ Zol de begedim zabiha ta tagadima ta salam be nar le Yahwa. Shaham al gi kati hajat juwa batna, ⁴ Wa etnen kila ma shaham al figogo, wa marara al fi fash fash al huwa bitala ma kilia tein ⁵ Iyal ta Harun bi Haragu fog mazbah sawa ma tagadima al maharug, al fi kashab fog nar. De be wodi riha hilu le Yahwa, wa bikun tagadima al amulu le Yahwa be nar. ⁶ Iza kan zol gedim zabiha ta tagadima ta salam min ganamaya rajil wala mara, bikun ganam al nedif, ⁷ Kan huwo gi gedim koruf le tagadima towo, huwo begedim le Yahwa towo. ⁸ Huwo bikutu ida towo fi ras zabiha towo de wa bikatulu gidam keima ta ijtima, iyal ta Harun birsuhu dom ta hayiwan de fi kulu tarf ta mazbah. ⁹ Zol de wodi zabiha ta tagadima ta salam ze tagadima ta nar le Yahwa. Shaham, kulu shaham ta dana ba fi sulba, wa shaham al bejuwa, waal taraf mahalat al juwa; ¹⁰ Etein kilia wa shaham al juwa umon, wa batna ma marara al fi kibda wa muleseg makilialen-huwo bitala hajat de kulu. ¹¹ Biga gesis biharagu hajat de kulu fi mazbah ze tagadima ta haragu wa ze akil le Yahwah. ¹² Kan zol gi wodi tagadima towo ganam, huwo biwodi gidam ta Yahwa. ¹³ Huwo bi kutu ida towo fi ras ta ganamaya ya de wa katulu gidam ta keima ta ijtima. Bega iyal ta Harun birushu dom de fi kulu taraf ta mazbah. ¹⁴ Zol de be gedim zebiha bitowo al amulu be nar le Yahwa. Huwo shilu kulu shaham al be juwa, wa taraf mahalat al be Juwa. ¹⁵ Huwo Kaman al fi batna marara al fi kibda al moleseg ma kiliaten. ¹⁶ Gesis biharagu kulu hajat al fi mazbha ze akil ta tagadima al maharug, ashan bi talau riha al hilu. Kulu shaha de ta Yahwa, ¹⁷ Huwo bekun ze ganun sabit le intum wa iyal ta iyal takum fi kulu mahal intum begeni, bianu intum ma bia kulu shaham wala dom.