¹ Iza kan ayi zol bijibu hubbub ta zera ze tagadima le Yahwa, tagadima de kede yekun min degig al jiyafa, wa huwo bikubu zeit fogo wa kutu wahid min buharat fogo. ² Huwo bishilu tagadima de le iyal ta harun al gusus, biga gesis bishilu min zol de degig al jiyafa ma zeit wa huhata al fogo de; wa gesis biharagu hajat de fi mazbah ze tagadima ta momesil. Tagadima de wodi riha jiyafa le Yahwa, huwo bikun ze tagadima al amulu be Nar. ³ Ayi haja al bifadulu min tagadima ta hubbub de, bekun ta Harun ma iyal towo. Huwo juzu tagadima al mokadas al bi gedimu le Yahwa beteriga ta haragu be nar. ⁴ Kan in ta gi wodi tagadima tahubub al degig al ma indu kamira wa der aragu fi hala al mogful, huwo bikun eish al leyin al min degiga jiyafa lakbatu ma zeit, awu eish al gowi al ma indu kamira, al bikubu fogo zeit. ⁵ Iza kan tagadima ta hibub taki biharagu be tawa ta hadid, huwo kede Yakun min digig al jiyafa al ma indu kamira wa lakbatu ma zeit. ⁶ Inta bigesimu suker awu le gitaat wa kubu zeit fogo, de yau tagadima ta hibub. ⁷ Iza kan tagadima ta hibub taki gira kabu fi tawa adi, bi amulu min degig al jiyafa ma zeit. ⁸ Intum bijibu tagadima ta hibub al hajat del le Yahwa, we be wodi le gesis, al badein bi jibu fi mazbah. ⁹ Biga gesis bishilu juzu min tagadima ta hibub de ze tagadima ta momesil ta gusus, huwo bi haragu fi mazbah, bikun tagadima al amulu be nar, wa bi wodi riha kwes/hilu le Yahwe. ¹⁰ Al bi fadulu min tagadima ta hibub de bikun ta Harun wa iyal towo. Huwo juzu ta tagadima al mokadas al begedimu le Yahwa be teriga ta haragu be nar. ¹¹ Ma be wodi le Yahwa tagadima ta hihub al fogo kamira, inta ma biharagu kamira wala asel ze tagadima ta nar le Yahwa. ¹² Inta be wodi umon le Yahwa ze tagadima ta awel bizur ta zeraa taki. Lakin ma bi amulu ashan bi wodi riha jiyafa/hilu fi mazbah. ¹³ Inta biwofir mileh le kulu taga gadima ta hibub taki, mata sibu mile al fi it ifagiya takun ma Yahwa keli jeli fi tagadima ta hibub taki. Fi kulu tagadima taki in ta bi wodi mile Kaman. ¹⁴ Kan intum gi wodi tagadima ta hibub takun al awel min zera takun le Yahwa, kede Yekun hibub al jedid, al nedifu wa haragu be nar yala atanu be murhaka. ¹⁵ Biga inta biku zeit wa buhara fogo. De yau tagadima ta hibub. ¹⁶ Biga gesis biharagu juzu min hibub al atanu de ma zeit wa buhar ze tagadima ta momesil ta gusus, de tagaima al gi amulu be nar le Yahwah.