¹ Zekir, Yahwah, Shunu hasiil le nina; shuf wa ainu fadiha ta nina. ² Worisa ta ruwa le qurabaa; Beiut ta nina biga ta Ajanieb. ³ Nina biga yatama, al ma indu Abuhat, wa aumahat tomon biga zi Arameal. ⁴ Nina lazim bi dafa fedda ashan bi asharab moyo, wa bi dafa fedda ashan nina bi ligu khashab al ta nina. ⁵ Nas deel al gi turudu nina de homon biga gereib min nina; nina taabaneen wa ma agdeer ligu raha. ⁶ Nina wodi nefsa ta nina le al Masireen wa al ashureen ashan nina bi ligu akil ketier. ⁷ Abuhat ta nina amul khatiya, wa homon biga mafi, wa nina gi shilu khatiyat tomon. ⁸ Aabead hukumu nina, mafi zol al bi khalisu nina min edan tomon. ⁹ Ashan nina bi ligu iesh ela nina bi kutu haya ta nina fi khatar, ashan seif al fi sahra. ¹⁰ Gelead ta nina biga asued zi farun bi sabab ta jaan al gi haragu. ¹¹ Nosuwan eightisibu fi Sahiyun, wa Aazrawat fi Mudun ta Yahudiya. ¹² Homon shanigu Ruasaa ( Aumaraa) maa edan tomon. wa homon ma ihterim al sheyukh. ¹³ Homon asuru shabab al sukar ashan bi atanu duraa maa tahuna, wa awlad al sukar gi arfau khashab al tegeel. ¹⁴ Al sheyukh sibu bawaba ta medina, wa shaba al sukar sibu musika tomon. ¹⁵ Farah ta gelba ta nina gatawa alabu ta nina agelibu le huzun. ¹⁶ Al taj waga min ras ta nina; al wayl( Musiba) le nina, ashan nina amulu khatiya! ¹⁷ Ashan keda gelba ta nina biga aiyan, ashan hajat de eyun ta nina biga daeif. ¹⁸ Ashan jebel ta Shiyun al demiru, maa shaalieb al gi dowuru fogu. ¹⁹ Lakin inta, Yahwah, bi hukum elall abad, wa inta bi geni fi kursi taki min jeal ella jeal. ²⁰ Leh inta nesitu nina elall abad? wa inta aba nina le mada al ayam? ²¹ Rejaau nina le Inta, Yahwah, ashan nina be rejaa. jedidu ayam ta nina zi ta zaman- ²² Ella iza Inta abaa nina kulu kulu wa Inta zalan min nina shedid.