¹ Gura nimira itnin waga le shameon, usura hasab usura. Worisa bitomon kan fi wasat ta worisa al tabi le gebila ta Yahuza. ² Humon kan indu fi worisa bitomon beer saba, shaba, moladah, ³ Hasar shual, Balah, Asem, ⁴ Al tollad, Bethul, Harmah. ⁵ Shamaeon Kaman indu siklag, Bet al markaboth, Hasar susah, ⁶ Beth labooth, wa sharulen. Del kan talatashar mudun, be Idafa le kariyat bitomon, ⁷ Shamaeon Kaman indu ain, Rimmon, ather, wa ashan. Del kan arba mudun, be idafa le kariyat tomon. ⁸ Del kan ma baad, be idafa le humon kariyat hawli mudun del al beyid ze Baalath beer (nefsa ze Ramah fi junub). De yau kan worisa ta gebila ta shameon, usurs behasab usura. ⁹ Worisa ta gebila ta shameon amulu juzu min ardi ta gebila ta Yahuza. Leanu gisim ta ardi al wokilu le gebila ta Yahuza kan kebir shedid le humon, gebila ta shameon akudu worisa bitomon bara min nus ta nisba bitomon. ¹⁰ Guru nimira tulata waga le gebila ta zabulun, usura hasab usura hudud ta worisa bitomon bada fi sarid. ¹¹ Hudud bitomon tala fok le garib wosulu le maralah wa lemesu le dabasha; biga huwo istemir ruwa lahadi wadi al kan mugabil le Yaknaam. ¹² Min sarid hudud de rija sherik le sherik ta shemis wa ruwa le hudud ta kisloth tabor. Min hinak huwo ruwa le al Dabrah wa tala fok le yafia. ¹³ Min hinak huwo ruwa le sherik le Gath hafer, wa tawali le eth kasin; baadu huwo ruwa le rimmon wa rija le neah ¹⁴ Hudud de amulu ruju le shamal le hannathan wa intah fi wadi ta yaftah el. ¹⁵ Gitaa de be idafa le mudun ta kattath, Nahalal, shimron, Yadalah, wa Bethlehem. Kan hinak itnashar mudun, be idafa le kariyat bitomon. ¹⁶ De yau kan worisa ta gebila ta zabulun, usura hasab usura. Be idafa le mudun del, be idafa le kariyat bitomon. ¹⁷ Gura nimra arba waga le gebila ta Yasachir, usura hasab usura. ¹⁸ Be idafa le Ardi bitomon Yazreel, al chesulloth, shunem, ¹⁹ Hafaraim, Shion, wa anaharath. ²⁰ Huwo Kaman be idafa le Rabbith, kishion, Abes, ²¹ Rameth, en Gannim, En Haddah, Beth fasses. ²² Hudud bitomon Kaman lemesu Tabor, shahasemah, wa beth shemesh, wa bi kalasu fi urdun. Kan hinak sitashar mudun, be idafa le kariyat tomon. ²³ De kan worisa ta gebila ta yasachir, hasab usurat bitomon mudun be idafa le kariyat tomon. ²⁴ Gura nimra khamsa waga le gebila ta asher, usura hasab usura. ²⁵ Be idafa le ardi bitomon halkath, Hali, Baten, Akdhaf, ²⁶ Al melik, Amaad, wamishall. Fi garib hudud de tala le carmal wa shihor libnath. ²⁷ Biga huwo rija sherik le beth Dogan wa ruwa beyid le zabulun, wa tawali le wadi yaftah el, shamal le Beth al Amek wa wayael. Biga huwo istemer gidam le Kabul le Shamal. ²⁸ Huwo biga ruwa gidam le Abron, Rahob, hammon, wa kanah, al beyid ze sidon al zim. ²⁹ Hudud de rija wara le Ramah, wa towali le medina ta sur. Biga Kaman hudud de rija le Hosah wa kalasu fi bahar, fi gitaa ta Akzib, ³⁰ Ummah, afek, wa rahob. Kan hinak itnin wa Ishriin mudun, be idafa le keriyat bitmon. ³¹ De yau kan worisa ta gebila ta asher, usura hasab usura mudun, be idafa le kariyat tomon. ³² Gura nimra sitah waga le gebila ta naftali, usura hasab usura. ³³ Hudud bitomon jere min halaf, min boluta fi saanannim, gidam le Adami nekeb. Wa yabneel, al beyid ze lakkum; huwo kalasu fi urdun. ³⁴ Hudud de rija garib le aznoth tabor wa ruwa gidam le hukkok; huwo Lemesu zabulun fi Shamal, wa wosulu le asher garib wa Yahuza fi sherik fi Bahar al urdun. ³⁵ Mudun al muhasan kan yau al siddim, ser, Hammath, Rakkath, Kinnarah, ³⁶ Adama, Ramah, Hasor< ³⁷ Kadesh, Edrei, wa En Hasor. ³⁸ Hinak Kaman Yaron, migdal El, Horem, Beth anath, wa Beth shemesh. Kan Hinak tisatashar mudun, be idafa le kariyat bitomon. ³⁹ De kan Yau worisa ta gebila ta naftali, usura hasab usura, be idafa le kariyat tomon. ⁴⁰ Gura nimra sabah waga le gebila ta dan, usura hasab usura, ⁴¹ Idafa le worisa ta arid bitomon yau sorah, Eshtaol, Ir Shemesh, ⁴² Shaalabbin, aiylon, wa yatlah. ⁴³ Huwo Kaman bidom Elon, timnah, afron, ⁴⁴ Eltekeh, gibbthon, baalath, ⁴⁵ Yahud, Bene, Barak, Gath Rimmon, ⁴⁶ Miyah al yarkon, wa alrakon, ma arid al bi gata min yafa, ⁴⁷ Asna arid ta gebila ta dan tala min humon, dan lashem, Haribu diid huwo, kobudu huwo wa durubu huwo be sef; shilu mikiya bitou wa geni foko. Humon semi lashem, nadi huwo dan baad abuhat bitomon. ⁴⁸ De yau kan worisa ta gebila ta dan, usura hasab usura mudun, idafa le kariyat bitomon. ⁴⁹ Asna humon intah min tegsim ta arid ze worisa, shaab ta Israel wodi worisa fi wasat bitomon le Yashu jena ta nun, ⁵⁰ Be hasab awamir ta Yahwa humon wodi le huwo medina al huwo asalu, timnath sarah fi medina ta jebel ta Afraim. Huwo abinu medina de wa huwo geni hinak. ⁵¹ Del yau worisat al aleazar al kahin, Yashu jena ta nun, wa giyadat ta usar ta gebila ta Israel kalifu be gura fi Shiloh, gidam ta Yahwa, fi dukul ta khema ta Ijtima biga humon kalasu gesimu Arid.