¹ Yalla Zophar al Nomani juwabu wa kelimu, ''kalamat al ketir ze de ma bi juwabu? ² Sei zol de al ta kalam ketir bi sadiko? ³ Sei dala taki bi kutu nas tanin askut sakit? Zaman al kan inta bi, alisu hal ma fi zol wahid bi sibu inta his ma fadiya? ⁴ Leanu inta kelimu le Allah, 'imman tai nedif, ana bari fi uyuun taki.' ⁵ Lakin, Allah bi wonusu wa bi fata shafah ded inta; ⁶ inu huwo beinu le inta sir tou ta hikma Le huwo azim fi faham. Bad dak kede inta arufu inu Allah bi talabu min inta aqala min al katayat taki bi yastahiqq. ⁷ Hal inta bi agder fahimu Allah bi wasat fetisu hwuo? ⁸ Hal inta bi agder fahimu Allah bi tamamaan? huwo fok ze sama; inta bi amulu sunu? huwo amiik min al hawiya fa sunu yau inta bi arufu? ⁹ qias tou tawil min al ard, wasie min bahar. ¹⁰ Kan huwo mururumin fogo wa gufulu aye zol, kan huwo nadi aye zol le hukum, biga munu yau bi wogifu huwo? ¹¹ Leanu huwo arufu nas al kazabiin ; zaman kan huwo ayenu iithm, hal huwo ma bi arufu? ¹² Lakin nas al beleteen ma indu fihim; huwomon bi ligo zaman al kan himar ta gaba weledu insaan. ¹³ Lakin kan inta jahizu gelba taki adel wa yadan taki le Allah; ¹⁴ kan khatiya inta shilu katiya bara min yadan taki iithm ma bi geni fi khayma taki. ¹⁵ Biga inta min almuakkid bi arufa wosa taki fok bidun alama ta fadiya; bi hagiga, inta bi kun sabiit, wa ma bi kafu. ¹⁶ Inta bi nesitu azab taki; inta bi zekiru ze moyo al kubo bara. ¹⁷ Haya taki bi lamma min nus nahar; sala kan fi duluma, huwo bi tala ze sabah. ¹⁸ Inta bi kun fi amman leanu fi raja; bi hagiga inta bi ligo amana hawili inta wa inta bi ligo raha fi aman. ¹⁹ Kaman inta bi num tihit fi raha, wa ma fi zol bi kutu kafu; bi hagiga ketiriin bi fetiau niema taki. ²⁰ Lakin uyuun ta nas al ashrar bi waga; huwomon ma bi kun indu sika ta jere; raja toumon bes bi kun akhar nefes ta haya.''