¹ Ana taban fi haya tai, ana bi wodi alttaebir al majani le ahakwaa tai; ana bi wonusufi marara ta nefs tai. ² Ana bi kelim le Allah, 'Ma ta bes hukumu ana; wori le ana le inta ittaham ana. ³ Hal kes le inta inu inta bi zulumu ana, ashan bi alisu shokul ta yadan taki fi wokit inta bi ibtisim fogokhutat ta sharir? ⁴ Inta indu uyuun ta gesim? Inta bi ayenu ze ma insaan bi ayenu? ⁵ Hal ayamat taki ze ayamat ta insaan aw sanawat taki ze sanawat ta nas, ⁶ al inta bi asalu bi wara iithm wa fetisu wara katiya tai, ⁷ sala kan inta arufu ana ma galtan wa ma fi zol al bi agder anqizu ana min yadan taki? ⁸ yadanat taki indu mutir wa sala ana sawa, lakin inta bi demiru ana. ⁹ Zekir, ana asalu inta inu inta sala ana ze tin; Hal inta bi rija ana fi turaab tani? ¹⁰ Hal inta ma kubo ana bara ze lebn wa rayib ana ze jibbna? ¹¹ Inta lebisu anama jilid wa lahm wa ruboto ana sawa ma eazam wa al''awtar. ¹² Inta wodi le ana haya wa itifagia ta amana; muaeda taki hafizu roho tai. ¹³ Lakin hajat del inta dusu fi gelba taki__Ana arufu inu de yau haja al kan inta bi fekir: ¹⁴ inu kan ana akhta, inta bi lahizu: inta ma bi tala ana bari min iithm tai. ¹⁵ Kan ana amulu batal, woo le ana; wa hata kan ana amulu biaistiqma, Ana ma bi arufa ras tai fok, min ma ana maliyan ma fadiya__ ayenu mmusiba tai! ¹⁶ Kan ras taikan arufawo inta bi amsuku ana ze asad; wa tani inta bi beinu nefsa taki ma amal ta guwa al ajib ded ana. ¹⁷ Inta jibu shuhud jeded ded ana wa zidu zalan taki ded ana; inta hujumu ana ma jaysh jeded. ¹⁸ Le biga inta jibu ana bara min rahim? Ana bi itamana anakan selimu roho wa ma fi ena tani ayenu ana. ¹⁹ Ana kan ze ana kulu ma majud; kan shilu ana mib rahim le turuba. ²⁰ Ayamat tai sei ma besid? Bad kida wogifu, kede sibu ana barawo, ashan ana bi kun raha besid ²¹ gebili ana ma ruwa le mahal al ana bi rija fogo, le ard ta duluma wa ta dul ta mutu ²² al ard al duluma ze nus bilyal, al ard ta dul ta mutu, bidun aye awamir.'''