¹ Zedekiah kan umur tou wahid wa ishirin wokit huwo bada hakimu; huwo hakimu le muda ta edasar sena fi Jerusalem. Isim ta uma tou yau Hamutal, hia kan binia ta Jeremiah min libnah. ² Huwo amulu shar fi ena ta Yahwah, huwo amulu aiya haja al kan Jehoiakim amulu. ³ Be wasat shokol zalan ta Yahwah, aqdas del kulu hasil fi Jerusalem wa Yahuza, lahadi ma huwo turuju humon min gidam tou. Zedekiah bada merid min melik ta Babylon. ⁴ Hasil inu fi sena nimra tiiza ta hukum ta melik zedekiah, fi shahar nimura ashara, wa fi yom nimura ashara fi shahar, Nebuchadnezzar melik ta Babylon, ja ma kulu asakir bitou ashan hajimu Jerusalem. Humon amulu qeima fi tijah al azi, wa humon abinu shur fi hauwli huwo. ⁵ Medina de kan kordonu lahadi fi sena nimura edasar ta melik zedekia fi hukum. ⁶ Lahadi yom nimura tiza fi juwa medina lahadi marhala kan mafi akil le shab al fi ardi. ⁷ Kasuru medina wa kulu rujal al ta mashakil jere wa tala bara min medina fi zaman ta lel be sika al gi tala min bab al beina itnin heta, jambu mahal-zirah ta melik be rahba inu nas kaldiin kan hauli medina. Humon ruwa fi tijah ta arabah. ⁸ Lakin askeri wahid min kaldiin turuju melik wa kerimu huwo fi sada ta wadi ta bahr jordan gerib ma jericho. Asakir tou kulu jere min huwo. ⁹ Humon gobudu melik wa jebu huwo le melik ta Babylon fi Riblah fi ardi ta Hamath mahal al hukumu huwo min hinak. ¹⁰ Melik ta Babylon dabau awulat ta zekekiah fi gidam tou ligo huwo gi ainu, wa huwo bardo dabau qaada ta Yahuza fi Riblah. ¹¹ Bad de huwo tala ena ta zedekiah, wa robutu huwo be genzir al salau min nihas, wa jebu huwo fi Babylon. Melik ta Babylon kutu huwo fi shijin lahadi fi yom tou ta mutu. ¹² Fi shahar nimura kamsa, fi yom nimura ashara fi shahar, al kan sena nimura Tisa-tasar ta hukum ta melik Nabuchadnezzar, melik ta Babylon, Nebuchadnezzar ja fi Jerusalem. Huwo kan qaid ta huras ta melik wa kan kadim ta melik ta Babylon. ¹³ Huwo haragu bet ta Yahwah, qasr ta melik, wa kulu biut ta jerusalem, wa kulu binaa mohimin fi medina kan haragu. ¹⁴ Kulu asakir ta Babyloniin al kan ma qaid ta huras de demira shur ta jerusalem. ¹⁵ Bagi nas al kan fuqara, wa nas taniin al kan sebu fi dakil medina, del al istelim nufus toumon le melik ta Babylon, wa bagi min al harfiiyn- Nabuchadnezzar qaid ta huras shilu humon bara fi sebi. ¹⁶ Lakin Nabuchadnezzar, qaid ta huras sibu nas al masakin kalis de fi al ardi ashan bi ishtakal fi haql eunab wa majalat. ¹⁷ Kan baga le amida min nihas al kan fi bet ta Yahwah, wa mawaqif, wa besen min nihas al kebir al ginadi”Al Bahr” al kan fi bet ta Yahwah, kaldaiin kulu humon heta-heta wa arfau kulu nihas wara le Babylon ¹⁸ Alawani, mueawil, qadin-misbah, teshik, wa kulu hajat ta shokol min nihas al kuhanu kan bi stagdimu fi kidma ta aikal-nas khaldaiin shilu humon bara. ¹⁹ Al basen wa hajat ta haragu bakhur, teshik, alawani, maharat, kojoronat, ²⁰ Wa basen al salau min nihas al ginad “Al Bahr” wa itnasar asnam ta bagara al salau min nihas al kan fi tehet mawaqif, hajat al kan Solomon sala fi bed ta Yahwah, kan endu nihas zaid min al biakder kutu fi mizan. ²¹ Al amidi kan endu tamantasar dhiraeana le fog le kulu wahid wa qat fi hawli aiya wahid endu itnasar dhiraeana. Aiya wahid kan goduru arba iisbae alyed wa ujuf. ²² Al eazima min nihas kan fi fog huwo. Al eazima kan fog tou amulu kamsa dhiraeana, be eamal shabaki wa alraman fi hawli huwo. Kan salau min nihas. Bagi amida wa alraman bitou kan sawa zei al awel. ²³ Ashan kida, kan fi seta w tizaen ramana fi tijaat al easima wa miya ramana fog al hawli eamal shabaki. ²⁴ Qaid al huras shilu seraiah, reish al kuhana, sawa be zephanaiah, kahin nimura itnin wa talat huras ta abuab kulu shilu ka mashjun. ²⁵ Min dakil medina, huwo bardo shilu dabit al mousul le asakir, saba rujal al kan mushtishar ta melik al kan fadulu fi medina, shilu ka masajin. Ka masjun huwo bardo shilu dubad ta asakir ta melik al kan mosulin fi rujal al siagha fi asakeria, sawa ma sitiin rujal min al ardi al kan fi dakil medina. ²⁶ Nabuchadnezzar, qaid ta huras shilu humon wa jebu humon le melik ta Babylon fi Riblah ²⁷ Melik ta Babylon katulu humon kulu fi Riblah fi ardi ta hamath. Be teriga de, Yahuza talau min ardi tou le sebih. ²⁸ Del yau kan nas al Nebuchadnezzar wodi fi sebih; fi sena nimura saba, 3023 yahudiin. ²⁹ Fi sena nimura tamantasar ta Nebuchadnezzar, huwo shilu 832 nas min Jerusalem. ³⁰ Fi sena nimura talata wa ishirin ta Nebuchadnezzar, Nabuchadnezzar, qaid ta huras ta melik wodi 745 yahudiin fi sebih. Adad ta kulu nas del al wodi fi sebi kan amulu 4600. ³¹ Ja hasil wara fi sena nimura saba wa teletin al kan wodi fogo Jehoiachin fi sebih, melik ta yahuza, fi shahar nimura itnasara, wa fi yom nimu ra kamsa wa melik ta Babylon fiku Jehoiachin melik ta yahuza min shijin. De kan hasil fi sena al awel-marduk bada hukum bitou. ³² Huwo wonusu kwes ma huwo wa wodi le huwo kursi ta karama shedid min kulu muluk taniin al kan fi Babylon ma huwo. ³³ Awel marduk shilu malabis ta shijin, wa Jehoiachin akulu daiman fi terbezar ta melik le bagi umur ta haya bitou, ³⁴ Wa kan gi wodi le huwo wojba yomian le bagi umuru ta haya tou lahadi huwo mutu.