¹ Bel dengiri tehed, Nebo dengir; asnaam tomon arfau ma haiwanat wa wahush ta taap. Asnaam al inta arfau de tegila le taabu hiwanat ² Sawa humon dengiri tehed, berukuba ;Humon ma bi akder ankizu sura, wa humon be nufus tomon ruah le hisar. ³ Asumau le ana bed ta Yacoub, kulu fadalat ta bed Yacoub, al arfau maana min gabli welada taki , arfau min botun. ⁴ Hata fi ajus takum ana huwo, wa hata shar abiad ana bi arfau inta. Ana amulu inta wa ana bi istahmal inta; Ana bi arfau inta wa ana bi ankizu inta. ⁵ Be munu inta bi jeribu ana? Inta bi fekir ana shebe ta munu,ashan bi jeribu ana ? ⁶ Nas bi kubu dahap tehed wa bi jeribu fida fi wozin. Humon bi ajiru hadad, wa huwo bi salau fi shikil aliha; humon bi dengiri wa mejidu. ⁷ Humon bi arfau fi kitfa tomon ; Humon bi kutu fi mahal towo , wa huwo bi wogif fi mahal towo wa mabi harik min fogo. Humon bi kore le huwo, lakin huwo mabi juwabu wele kalisu aiya wahid min mushkila. ⁸ Fekiry an hajad de ; mata alisu humon, itu mutmeridin ! ⁹ Fekiri an hajat al bediri, hajat al zamaan ,lianau ana Allah, wa mafi tani , Ana Allah , wa mafi zol ze ana. ¹⁰ Ana bi alinu al akir min bidaya, wa alfi mustakbal ma gabli ma hasil; Ana bi kelim “kuta tai bi hasil, wa ana bi amulu ze ana deiru “ ¹¹ Ana bi nadi ter ta sama min axis shimal, rajil le hasap gelib tai min ardi beid ;naam, Ana kelim; Ana Kaman be kamilu; Ana indu hadaf ,ana Kaman bi amulu. ¹² Asuma le ana, intu nas al kedel adabiin,al beidiin min amulu haja al saa, ¹³ Ana bi jibu albar tai gerib; huwo ma beid, wa kulasa mabi intozur; wa ana bi wodi kulasa le zehiun wa jamala tai Israel.