¹ Lakin hasa de yau haja al Rabuna gi kelimu, al huwo yau kalagu inta, ya Jacob wa huwo yau sala inta, ya Israel, mata kafu , leanu ana kalisu inta, ana nadi inta bi isim taki, inta ta tai. ² Fi zaman al inta gi ruwa fi wasat moya ana bi kun ma inta, wa fi anbar humon ma bi gelibu inta, kan inta duwuru fi wasat nar, nar ma bi haragu inta, wa lahab ta nar ma bi demiru inta, ³ Leano ana Rabuna Allah taki al kudus ta Israel, mukalis taki, wa ana wodi mesir ze fediya le inta, cush wa seba ze tawid le inta. ⁴ Wa bagi nas ze tawid le haya taki, ⁵ Ana bi kelimu inu ana ma inta, ana bi jibu usra taki min serik wa limu inta min garib, ⁶ Ana kelimu le shamal, selimu homon, wa le junub, mata reja wara, jibu/rija iyal tai min beyed, wa banat tai min akir duniya, ⁷ Ai zol al nadi isim tai, al ana kalagu le mejid tai, al ana yau sala, naam al ana yau sala. ⁸ Tala nas al amiyaniin bara, hata lo humon indu uyun, ⁹ Kulu umam limu sawa, wa nas limu, de munu yau fi wasat tomon bi agdeir wori le nina kabara ta hajat al kan hasil? Keli humon jibu shuhudin tomon ashan bi beriru nufus tomon, keli humon asuma wa sabit, inu de hagiga.' ¹⁰ Inta yau shuhud tai, Rabuna kelimu, wa kadam tai al ana ihtaru, ashan inta bi arufu wa bi amin fi ana, wa fi fahim inu ana huwo, ¹¹ mafi ilah Rabuna tai al kalagu gubal ana, wa mafi mukalsi tani ila ana. ¹² Ana kelimu, kalisu wa bashiru, wa mafi Rabuna tani fi wasat takum. Intum shuhud tai, Rabuna kelimu, ana Allah, ¹³ Min yom ta alela ana huwo, wa mafi zol bi silu ai wahid min ida tai, ana amulu, wa de munu bi agdeir reja? ¹⁴ De yau kalam al Rabuna gi kelimu, mukalis takum, al kudus ta Israel, ashan/ajil inta, yau ana rasulu le Babylon wa jada humon kulu tehet ze nas al turudu jere, wa geiru farah ta Babylonian le guna ta huzun kore. ¹⁵ Ana Rabuna, al kudus taki al kalagu Isreal, melik takum." ¹⁶ De yau kalam al (Rabuna gi kelimu al huwo fata tarik fi moyo wa sika fi moya al guwi, ¹⁷ Al huwo yau gedimu murakabat wa husan, jesh wa Rab al junud, humon waga tehet sawa mabad humon ma bi gum tani mara, humon taban, atshan ze zibala al haragu.) ¹⁸ Mata fekir an hajat al gedim, wale kutu bala fi hajat al taf, ¹⁹ Ainu, ana deiru amulu hajat al jedid, hasa bada hasil, hal intum ma arufu? Ana bi amulu sika fi sahara wa juduwal ta moya fi sahara. ²⁰ Haiwanat ta gaba bi ihtaramu ana, merfiyiin naam leanu ana tala moya fi sahara, wa bahar fi sahara ashan nas tai al mukhtar bi asharabu, ²¹ De nas al ana kalagu le nefsa tai, inu humon bi gesa haki tesbi ternima tai ²² Lakin intum ma nadi ana, ya Jacob, intum tala taban mi ana, ya Israel, ²³ Intum ma wodi le ana khurfan takum ze zebiha al mahruk, au keriru ana ma zebiha takum ana ma istakdimu inta ma zebiha ta dura/hebub wele tabu inta ashan bi jibu buhur. ²⁴ Inta ma jibu wodi le ana gasab sukar al helu ma gurush, wele inta kubu le ana shaham ta zabaih taki, lakin inta tabu ana bi katiya taki, inta azibu ana bi amail taki al sherir, ²⁵ Ana, naam ana huwo al gi nedifu wasaka taki bara al ta katiya taki ashan ajili ana, wa ma bi asalu ana ashan bi zekiru kataya taki tani mara, ²⁶ Zekiru ana bi hajat al hasil, keli nina nakisu ma baad, gedimu mushkila taki, ashan inta bi kun beri. ²⁷ Abu taki al awel amulu katiya, wa ruwasa takum merid did ana, ²⁸ Ashan kida, ana bi nejisu/waskanu, ruwasa al kudusiin, ana bi wodi Jacob ashan bi demiru tamam wa Israel ashan bi shetima, alisu wa bi fadiya."