¹ Fi zaman dak kan Hezekiah ayan le daraja ta mutu, biga Isaiah jena ta Amos, al nebi, ja le haro, wa kelim le howo,Rabuna bi gul, nazimu beit taki, ashan inta gi ruwa mutu, mafi haya, ² biga Hezekiah dengiru usa tou tehet wa sile le Rabuna , ³ Huwo kelimu, min fadlak ya Rab, kedezekiru gudur shunu ana wa gudur shunu ana amula kwes fi ena taki, biga Hezekiah kore be sot. ⁴ biga kelimu/kalam ta Rabuna ja le Isaiah, bi gul, ⁵ ruwa wa kelimu le Hezekiah, al musul le nas tai, de yahu haja al Allah Rabuna ta jedi takum DauD gi kelimu, ana asuma salawat taki, wa ana ainu dumu taki, ainu, ana bi zedu 15 sena fi umur taki/haya taki, ⁶ wa ana bi kalisu inta wa medina de min ida ta melik ta suriya. Wa ana bi defa medina de, ⁷ de yahu alama le inta min Rabuna inu ana bi amulu haja al ana kelimu/wadu, ⁸ ana bi reja darajat/salalim ta dul ta Ahaz ashan bi reja wara ashara 10 khatuwat, yala biga dul ta shemish reja wara 10 khatwawat min darajat al kan haro nezil. ⁹ De kan salawat al muktub ta Hezekiah melik ta yahuza, li zaman al kan huwo ayan wa tala kwes, ¹⁰ Ana kelimu inu nusta haya tai al kwes ana bi ruwa bi wasat abuwab ta hawya/jahanam, rasulu ana hinak le nihaya, ¹¹ Ana kelimu inu anda kalas ma bi ainu Rabuna, Rabuna fi Ard tan as al hayiin, ana kalas ma bi ainu insaan au sukan ta Ard/duniya, ¹² haya tai talawu wa silu bara min ana ze khema ta Raye ana lefu haya tai ze sura/resim inta gi gata min zuhur tai, beina lel wa nahar inta kutu nehaya le haya tai, ¹³ Ana kore lahadi saba, ze Aset al huwo kasuruudam tai kulu, beina lel wa nahar inta kutu nehaya le haya tai, ¹⁴ Ana guna kore ze tuyur al isem tomon Al sonono ana guna kore ze sot ta hamam, ena tai taban min ainu fok, ya Rab, ana taban, saidu ana, ¹⁵ Ana bi kelimu shunu? huwo wonusu le ana min kulu taraf, wa huwo amulu, ana bi durwuru bi raha kulu sandwat tai, le anu ana intesir bi huzun marara. ¹⁶ Ya Rab, tab al inta rasulu de kwes le ana,keli rejau wodi haya tai wara le ana au marara al ana ihtebiru. ¹⁷ De kan le faida tai, inta kalisu ana min hofra demar, le anu inta jada katiya tai kulu fi wara ta dahar taki, ¹⁸ Le anu hawiya ma bi sukur inta,mutu ma bi sabihu inta, del al ruwa tehet fi hofra ma indu raja fi amana taki, ¹⁹ Nas al hayiin, nas al hayiin homon yahu bi wodi le inta sukura, ze ma ana amulu al yom, abu gi wori le iyal amana taki, ²⁰ Rabuna kalisu ana, wa nina bi ihtefilu bi musica kulu ayam ta haya ta nina fi beit ta Rabuna, ²¹ Wa kan Isaiah kelimu, keli homon shilu kutla muujuma shejera tiniin wa kutu fi sakhan wa huwo bi tala kwes, ²² Kaman Hezekail kelimu de yatu awlawm al bi keli ana ruwa fi beit ta Rabuna.