¹ Wululu le felin al bi ruwa fi Masir le musada wa bi arkab fi hasin, wa bi kutu sika tumon fi markibat ta harib wa fi rujal ta al bi shakila be hasin. Lakin umon ma bi fekir an kudus Israel, wele umon bi fetisu Yahwah! ² Lakin huwo hakim, wa huwo bi jibu karisa wa ma bi rija min kalam tuo. Huwo bi gum did nas al bi amulu sher wa delin al bi saidu nas al bi amulu katiya. ³ Masir de insan ma Allah, hasin tumon de jisim ma roho. Kan Yahwah midu iden tuo bara, kulu itnin de al saidu bi dugu kura, wa de al saiidu bi waga; itnin bi mutu sawa. ⁴ De haja al Yahwah kelim le ana, ''Ze assed, hata jena ta assed, bi kure fi ras lajam tuo al uwu gubudu, kan mujumua ta ruaa ja did uwu, lakin uwu ma bi kafu min asuwat tumon, wele be jere bait min harakat tumon; Yao kida Yahwah bi nezil ashan bi shakila fi jebel Sahiun, fi murtafa. ⁵ Ze tiur be tiri tiri, Yahwah Rabuna ta jesh bi hami Urshelim; huwo bi hami wa bi angizu ze ma huwo bi mururu fugu wa bi ayinu huwo. ⁶ Rijatakum le huwo al intakum rija bait min huwo, ya shaab ta Israel. ⁷ Lanu fi yom dak de, ayi zol bi demiro asnam tuota fidda wa dahab al idenat takum amulu be katiya. ⁸ Ashur bi katulu be sef; budun zol al bi katulu huwo. Huwo bi jere min sef, wa bi asuru iyal tuo ashan bi amulu shukul al saab. ⁹ Umon bi fagidu raja kulu be sabab ta tukwif, wa ruwasa tuo bi kun kaifin gidam ta alaam ta harib ta Yahwah- de yon elaan ta Yahwah- al nar tuo fi Sahiun wa al furun tuo ta nar fi Urshelim.''