¹ Ailan min jiha ta Babil, inu Isaiah jena ta Amoz yau istelimu: ² Arfa takum alam fi jebel al fadi, Asruku le humon, Ashir be ida takum le humon ashan bi ruwa dakil abuab ta Uzama. ³ Ana wodi awamir le kudus bitai, nam ana wodi rujal al gowi bitai ashan bi fetisu gabad bitai, hata del al bi iftekir be azama tai. ⁴ Izaaj ta ketirin fi jibal, ze ta nas ketir! Izaaj ta shagab ta al mamalik ze uma ketir limu sawa! Yahwoh ta junud limu jesh le harib. ⁵ Humon ja min bilad beid, min aksa al samawat. Huwo yau Yahwoh ma adowat bitou ta hokum. Ashan bi demiru kulu arid. ⁶ Ana bikun kef, leanu yom ta Yahwoh gerib; huwo jai ma tedmir min al gadir le kulu haja. ⁷ Ashan kida kulu ayadi mualak bi irteki, wa kulu gelba bi zoub. ⁸ Humon bi kun mozour; waja wa azab bi shilu humon, ze mara fi gurfa ta wilada. Humon bi ainu fi istigrab fi baad bitomon; wosa bitomon bi kun multehib. ⁹ Ainu yom ta Yahwoh jai ma zalan al ma indu rahmawa gadab shedid. Ashan bi kutu arid bi kun karab wa ashan bi demiru al khuta min fogo. ¹⁰ Nujum ta sama wa kawakib nur bitomon ma bi tala. Shemis bi kun duluma hta min tehet, wa gamar ma bi lama be dou bitou. ¹¹ Ana bi ajibu dunia le batal bitou wa al marudu le kataya bitomon. ¹² Ana bi kutu rujal ahsan be ketir min dahab al safi ashan bi kun ahsan min dahab ofir. ¹³ Ashan kida ana bi kutu samwat bi hizu, wa al arid bi hizuhizu min mahal bitou, be wasit gadab al shedid ta Yahwoh ta junud, wa fi yom ta gadab bitou al shedid. ¹⁴ Ze gazal al bi turudu au ze koruf al ma indu sidu, kulu zol bi rija be itijah ta shaab bitou wa bi jere le melik ta arid bitou. ¹⁵ kulu zol al ligo bi katulu, wa kulu zol al gobudu bi mutu be wasit sef. ¹⁶ Iyal bitomon al bi rada gata gatau fi gita gidam ena bitomon. Biyut bitomon bi nahabu wa nusuwan bitomon bi igtesibu. ¹⁷ Ainu, bi ruwa hariku fok al madiin ashan bi hajimu humon al ma bi ihtam be fidah, humon ma farhanin fi dahab. ¹⁸ Awtar bitomon bi durubu shabab; humon ma indu rahma fi iyal al bi rada wa humon ma bi ainu ma hiniya fi iyal. ¹⁹ Biga babil muazam mamalik al muhtaram, fakir ta Chaldanin al azim, bikun ze Sodom wa Gomorrah al agilibu be wasit Allah. ²⁰ Huwo ma bi kun muskun au bi geni fogo min jil le jil. Al arab ma bi kutu khama bitomon hinak, ruaa ma bi kutu khorfan bitomon num hinak. ²¹ Lakin haiwan ta gaba ta sahara bi num hinak. Biyot bitomon bi kun malyan min boma; wa al naam wa ganamaya ta gaba bi nutu min hinak. ²² Marfain bi kore fi fadaiya bitomon, wa banat awaa fi gusur al jemil. Zaman ta hia gerib, wa ayam ta hia ma bi kun towil.