¹ Ya Galatiin al belidin! munu yau saru itakum? itakum nefsu nas al selibu Yesua al Messih gidam takum. ² De haja al wehid al Ana der arufu min itakum: Hal itakum ligu Roho be shukul ta ganoon wele be Iman fi haja al itakum asuma? ³ Itakum belidin ze de? Baat ma itakum bada be Roho, Itakum hasa gi ruwa kalasu be gisim? ⁴ Hal itakum ligu taab fi hajat sakit- lu kan hagiga sakit? ⁵ Hal uwu al wedi Roho wa amulu mujizat fi nus takum de be shukul ta ganoon, wele be kabar ta iman? ⁶ Bes ze Abrahim ''amin fi Allah wa kan iddu le uwu ze bir,'' ⁷ be nefsa teriga, fahimmtakum, inu delin al min iman umun Eyal ta Abrahim. ⁸ Kitab, ayinu min bediri inu Allah bi ruwa Beriru Umamin be iman, uwu beshiru le Ibrahim inu fugu uwu kelimu, ''Dunia kulu bibariku fugu itta.'' ⁹ Ashan kida. delin al min iman mubarikin sawa ma Ibrahim, rajil ta iman. ¹⁰ kulu zol al bi teki le shukul ta ganoon umun tehit laana; ze ma katibu ''muluon kulu zol al ma gi tabigu kulu hajat al katibu fi kitab ta ganoon, wa bi amulu umun. ¹¹ Hasa uwu wadih inu mafi zol mubarar gidam ta Allah be ganoon, ashan zol al bar bi ish be iman. ¹² Lakin ganoon ma min iman, lakin zol al be amulu shukulat ta ganoon lazim bi ish be umun.'' ¹³ Al Mesih afdi inna min laana ta ganoon be wedi nefsa tuo ashan bi kun laana min ajil ta nina - ashan muktub, ''Muluon kulu zol al aligu fi kashab''- ¹⁴ ashan baraka ta Ibrahim bija le Umamin bewasat ta Ysua al Messih, ashan be iman inna biligu waad ta Roho. ¹⁵ Ikewa, kede Ana wunuso be hasab insan. Mafi itefagia al amulu bi agder kasuru hata le be insan, lu amulu be ganoon. ¹⁶ Hasa waad al kan wunuso le Ibrahim wa nesli tuo. Uwu ma gasit be ''le nesli,'' bi rija le ketirin, lakin gasit bes wahit, ''wa le nesli taki,'' al uwu al Messih. ¹⁷ Hasa Ana gasit kida: Ganoon al ja min gubal 430 sena, ma bi karabu Ahad al amulu bediri be Allah. ¹⁸ Ashan kan wirasa ja be ganoon, kida tani ma bikum ja be waad. Lakin Allah wedi Ibrahim be waad. ¹⁹ Taib, shunu, ya kan hadaf ta ganoon? Zidu ashan kalam ta katiya, lakadi nesli ta Ibrahim bi ja hasab waad al wedi. Ganoon kan kutu shukul be wasat ta malaikat ashan bikun wesit. ²⁰ Hasa wasata ma le zol wahid. Wa lakin Allah wahid. ²¹ Hal ganoon did wuod ta Allah? Tabaan La! laanu lu kan namus wedi le uwu gowa ta wedi haya, manau shukul bir ja be namus. ²² Lakin kitab gufulu kulu haja tihit katiya. Allah amulu de ashan waad ta kalisu inna be iman fi Yesua al Messih bi ageder wedi le delin al bi amin. ²³ Hass gubal iman ma ja, inna kan murbutin tifit ganoon, mukfulin lakadi iman bizahiru. ²⁴ Izen namus kan ya gi adibu inna lakadi al Messih ja, ashan bi beriru inna be iman. ²⁵ Lakin hasa iman ja, inn tani ma tihit tadib. ²⁶ Ashan itakum kulu Eyal ta Allah bewasat iman fi Yesua al Messih. ²⁷ Laanu itakum kulu al amido fi Messih, itakum ligu Mssih. ²⁸ Wele Yahudi wele Yuonani, wele abid wele hur, wele mara wele rajil, ashan itakum kulu wahid fi Yesua al Messih. ²⁹ Kan itakum ta Messih, itakum nesli ta Ibrahim, wa be werisu be hasab waad.