¹ Rajil de yala jibu ana le baab alfata le sherik. ² Istena! Mejid ta Allah ta Israel ja min sherik; sot towo ze sot ta moyo ketir, wa dunia mala ma mejid towo. ³ De le hasab ruiya al ana ainu, le hasab ruiya al ana ainu wokit ja. Ashan demiru medina, wa ruiya de kan ze ruiya al ana ainu fi Kebar canal- wa ana dengiru wusa tai tehed. ⁴ yala mejid ta Yahweh ja le bed ma tijah baab ta sherik. ⁵ Yala Roho arfau ana fok wa jibu ana le mahkama juwa.Istena! Mejid ta Yahweh kan bi mala bed. ⁶ Rajil de bi wogif kan jambu ana, wa ana bi asuma zol atni bi wonusu le ana fi bed. ⁷ Huwo kelimu le ana, “ Jena ta insan, De mahal ta kursi tai wa mahal ta kutu kura tai, al ana bi ish fogo fi wasad ta nas ta Israel lel abad. Bed ta Israel tani mara mabi foguru isim tai alkudus- humon au muluk tomon- ma adam imaan tomon au jusas ta muluk tomon fi mahaalat al aali. ⁸ Humon tani mara mabi foguru isim tai alkudus be kutu bidaya tomon jambu bidaya tai, wa buaba wosifa tomon jambu buaba wosifa tai, bila haja lakin heta bein ana wa humon. Humon foguru isim tai ma amael tomon alafiin. Kida ana demiru humon ma zalan tai. ⁹ Hasa kede humon shilu bara adam iman tomon de wa jusas ta muluk tomon de bara min gidam tai, wa ana bi ish fi wasad tomon lel abad. ¹⁰ Jena ta insan, inta be nefsak bi wori le bed ta Israel an bed de ashan humon bikun ma fadiha fizam tomon. Humon kede fekiri an wosif de. ¹¹ Iza kan humon bikun ma fadiha fi kulu al humon amulu.Yala wori le humon an tesmim ta bed de, tafasil towo, isih towo, madkal towo wa kulu tesmim towo, kulu kararaat wa gawaniin towo. Katifu de fi gidam eina tomon ashan humon bi hafizu kulu tesmim wa kulu gawaniin, ashan humon bi tii. ¹² De yau akida ta bed : min fok jebel le kulu hudud al haulu, huwo bikun kudus kaalis. Istena! De yau akida ta bed. ¹³ De bikun wozin ta Masbah fi gadam- gadam de bikun gadam ka ada wa be tuul yeden.Yala jedwel hawili mazbah bikun wahid gadam juwa, wa urud towo bikun kaman wahid gadam juwa. Alhudud hawili fi kasmu bikun wahid imtidad. De bikun asas ta masbah. ¹⁴ Min jeduel lahaidi tehed mustawa le fok lahaidi tehed ta mazbah ethnen gadam. Wa raf benefsu wahid gadam fi urud. ¹⁵ Raas alfi mazbah le haragu zebiha arba gadam fok, wa kan fi arba gurun bi midu fok fi raas. ¹⁶ Raas de kan ethnashar gadam fi urud muraba. ¹⁷ Hudud towo arbatashar gadam fi urud fi kulu tijah al arba. Wa hafa towo nus gadam. Jeduel kan wahaid gadam fi urud kulu hawilu ma silim muteji sherik.” ¹⁸ Tani huwo kelim le ana, jena ta insan, Rabuna Yahweh kelim kida:Del yau gawaniin ta Mazbah wokit amulu, le arfau zebiha fogo, wa rushu dom fogo. ¹⁹ Intum bi wodi Tor min bahaim ze zebiha ta katiya,le Lawiin algusus alhumon gil ta Zadok, del albija gerib ma ana ashan kadimu ana-De karar ta Rabuna Yahweh. ²⁰ Yala intum bi shilu juzu min dom de wa kutu fi gurun al arba ta mazbah wa atraf towo wa hawil; intum bi nedifu wa kalisu. ²¹ Yala shilu Tor le zebiha ta katiya wa haragu fi mahal al iktaru ta mazbah albara membar. ²² Yala fi yom altalith intum bi gedimu ganamaya rajil bila la loum min aknaam ze zebiha ta katiya; Gusus bi nedifu mazbah bes ze alhumon nedifu ma tor. ²³ Wokit intum kalasu nedifu, gedimu Tor albila loum min bahaim wa korfan min mashiya. ²⁴ gedimum fi gidam Yahwe; Gusus bi rushu mile fi humon wa arfau fok le Yahweh ze zebiya almahruk. ²⁵ Intum bi jahizu yomii ganamaya rajil ze zebiha ta katiya le muda saba ayam. Wa Gusus lazim bi jahizu Tor albila loum min bahaim wa koruf albila loum min mashiya. ²⁶ Humon bi dabau fi Mazbah le muda saba ayam wa tahiru, wa fi teriga de humon bi kasisu. ²⁷ Humon bi timu ayam del, wa fi yom nimra tamaniya le gidam bikun Gusus bi jahisu zebiha takum almahruk wa zebiha ta salam fi mazbah, wa ana bi gabilu- De karar ta Rabuna Yahweh.”