¹ Fi kilal kamsa wa oshirin sena ta abudiya fi bidaya ta sena fi yom ashara ta shahar, fi senet arbatashar baat medina gobudu- fi nefsu yom dak, yeden ta Yahweh kan fi ana wa huwo shilu ana hinak. ² Fi ruiyaat min Allah huwo jibu ana fi ardi ta Israel. Huwo jibu ana ashan le raha fi nefsa jebel; le junub haja al zahir ze mabna ta medina. ³ Yala huwo jibu ana hinak. Istena, Rajil! Shikil towo ze nihas. Habi gitan wa asaya ta jeribu fi yeden towo, wa huwo wogif fi baab medina. ⁴ Rajil kelim le ana, Jena ta insan, ainu ma eina taki wa asuma ma adana taki, wa kutu muk taki fi kulu al ana bi wori le inta, lianu jibu inta hini ashan be ikteshifu le inta. Tagarir ta aiya al inta bi ainu fi bed ta Israel.” ⁵ Fi kan heta hawili mahal ta haikal. Tuul ta asaya ta mitir fi yeden ta rajil de kan sita gadam towil. Fi aiya gadam kan gadam wa shabar fi tuul. Yala huwo wozunu heta, wa huwo wahid mitir asaya tegil wa wahid asaya fok. ⁶ Yala huwo ruah le baab Haikal al bi iteji le sherik. Huwo ruah fok gadam wa jeribu dawsih adeaf ta baab – wahid asaya juwa. ⁷ daraga ta dewan al aiya wahid asaya fi tuul wa wahid asaya fi urud; kan kamsa gadam bein aiya ethnen dewan, wa dawsih adeaf ta baab ta haikal fi gidam haikal fi gidam ta baab . ⁸ Kan wahid asaya juwa. Huwo wozinu dikor ta baab; kan wahid asaya fi tuul. 9 ⁹ Huwo wozinu dikor ta baab kan wahid asaya juwa. Fok baab kan ethnen gadam fi urud. De kan dikor ta gidam baab haikal. ¹⁰ Kan fi talata daraga ta dewan fi tijah ta baab al shergi, wa kulu wahid indu nefsu wozin , wa heta al bi ferigu humon indu nefsu wozin. ¹¹ Yala rajil de wozinu urud ta baab dukul – ashara gadam; wa huwo wozinu tuul ta baab dukul – talatashar gadam. ¹² Huwo wozinu heta al fi hudud ma dewan al gidam wahid gadam fok. Dewan wozinu sita gadam fi aiya tijah. ¹³ Yala huwo wozinu sika baab min raas ta wahid dewan le dewan altani- kamsa wa isriin gadam, min matkal ta dewan al awel le dewan altani. ¹⁴ Yala huwo wozinu heta al ruah bein daraga dewan – sita gadam fi tuul; huwo wozinu beid lahaidi baab ta dikor. ¹⁵ Matkal min gidam ta baab le niha ta baab dikor kan kamsin gadam. ¹⁶ kan fi shababik mokful fi gidam dewan wa fi gidam amida fi dakil abuab kulu deira; wa kaman le bolokonat. Kan fi shababik fi haulu kulu fi juwa, wa kulu jemilu ma shejera bala. ¹⁷ Yala rajil de jibu ana fi mahkama ta haikal. Istena, Hinak guraaf, wa kan mujuraa fi mahkama, a teletin guraaf gusad mujura. ¹⁸ mujura ruah lahaidi fi baab, wa urud sawa ze tuul baab. De yau mujura al tehed. ¹⁹ Yala rajil wozinu masafa min gidam ta baab al tehed le gidam ta baab dakil; wa kan miya gadam fi jiha shergi , wa nefsu fi jiha shimali. ²⁰ Yala huwo wozinu tuul wa urud ta baab alkan fi shamal ta mahkama albara. ²¹ Kan fi talata dewan fi aiya tijah ta baab, wa baab ma dikor wozinu sawa ze nefsu baab alkebir- kamsin gadam fi adad ta tuul kulu wa kamsa wa isriin fi urud. ²² Shababik towo, dikor, dewanat wa ashjar bala kulu bi akis le baab al muteji sherik. Saba gadam ruah fok wa le dikor. ²³ Kan fi baab fi dakil mahkama al gidam baab almuteji shamal,bes ze kaman kan baab al fi sherik; rajil de wozinu min wahid baab le baab taani- miya gadam fi masafa. ²⁴ Tani rajil jibu ana le baab ta dukul fi junub, wa heta towo wa dikor wozinu sawa ze abuab taniin albar. ²⁵ Kan fi shababik mokful fi sika baab wa dikor ze bes alfi baab. Baab al junubi wa dikor towo bi wozinu kamsin gadam fi tuul wa kamsa wa isriin gadam fi urud. ²⁶ kan saba katuwat le baab wa dikor. Wa kan fi resim ta ashjar ta bala fi heta fi kulu tijah. ²⁷ Kan fi baab le mahkama fi tijah junubi, wa rajil wozinu min baab le baab aljunubi – miya gadam fi masafa. ²⁸ Yala rajil jibu ana le baab al dakil mahkama ma sika ta baab junubi, al indu wozin ze abuab tannin. ²⁹ Dewan, hiyat wa dikor wozinu nefsa ze abuab; kan fi shababik fi kulu tijah. Baab al dakili wa dikor wozinu kamsin gadam fi tuul wa kamsa wa isriin gadam fi urud. ³⁰ Kaman fi dikor fi hawili dakil heta;de yau kamsa wa isriin gadam fi tuul wa kamsa gadam fi urud. ³¹ De dikor bi wajihu mahkama albara ma resim ta shejera bala fi heat towo wa tamaniya katuwat bi ruah fogo. ³² Yala rajil de jibu ana fi dakil mahkama be sika ta sherik wa wozinu baab, al indu nefsu wozin ta abuab tannin. ³³ Dewan hiyat wa dikor wozinu sawa ze abuab, wa fi shababik fi kulu tijah. Baab aldakil wa dikor towo wozinu amsin gadam fi tuul wa kamsa isriin fi urud. ³⁴ Dikor bi wajihu bara mahkama; wa indu ashjar bala fi kulu tijah wa tamaniya katuwaat bi ruah fok. ³⁵ Tani rajil jibu ana fi baab al shimali; bi wozinu sawa ze ta abuab taniin. ³⁶ Dewaan, hiyaat wa dikor wozinu sawa ze abuab tannin, wa haulu shababik kulu.Sika baab wa dikor towo kamsin gadam fi tuul wa kamsa wa isriin gadam fi urud. ³⁷ dikor towo albara mahkama; indu shejera bala fi kulu tijahat wa tamaniya katuwaat bi ruah fok. ³⁸ Fi kan gurfa ma baab fi aiya matkal ta baab. De yau al bi amulu zebiha mahruk fogo. ³⁹ Kan fi ethnen tarabezaat fi kulu tijah ta dikor, albi dabau fogo zebiha mahruk, wa kaman zebiha ta katiya wa tegdima ta zaam. ⁴⁰ Ma heta ta mahkama ruah fok le baab al shimali, hinak fi ethnen tarbeza, kaman fi tijah altani fi ethnen tarbeza fi baab ta dikor. ⁴¹ hinak kan arba tarabiz fi kulu tijah ta baab; humon bi dabau korfan fi tamaniya tarabiz de. ⁴² fi kan arba tarabiz min hujar algatau le haragu tekdima, wahid wa nus gadam fi tuul, wa wahid wa nus gadam urud le tekdima ta zabaya. ⁴³ Ethnen sinara al kubar haligu hawili mahal kulu, wa laham ta tekdima bi kutu fogo fi raas tarbez. ⁴⁴ Fi bara ta baab aldakil, fi dakil mahkama al juwa, fi dewan ta muganiin, wahid fi shamal muteji le junub, wa altani fi tijah junub muteji le shimal. ⁴⁵ Yala rajil kelim le ana, “ al gurfa fi junub de ta gusus al shakaliin fi haikal. ⁴⁶ Al gurfa fi shimal le gusus al fi shokol ta haikal. De aulat ta Zadok al gerib le Yahweh ashan kadimu huwo; humon fi wasad aulat ta lawiin. ⁴⁷ Tani wozinu mahkama- miya gadam fi tuul wa miya gadam fi urud muraba, ma mazbah fi gidam ta bed. ⁴⁸ Yala rajil jibu ana le dikor ta bed wa wozinu fok baab towo- humon kamsa gadam tekin fi kulu tijah. Al madkal ba nefsu kan arbatashar gadam fi urud, wa heta fi kulu tijah towo huwo talata gadam fi urud. ⁴⁹ Tuul ta dikor kan isriin gadam, wa juwa towo kan hidashar gadam. Kan fi silim al ruah fok lou wa amida al wogif fi kulu tijah towo.