¹ Fi sena nimira ashara, fi shahar nimra ashara fi yom intnasar ta shahar, kalam ta Yahwa ja le ana, bi gul. ² "Ibin al insan , aglibu wusa taki le Pharaoh, melik ta Masir; itnaba did huwo wa did kulu nas ta Masir. ³ Kariru wa gul, ' Rabuna Yahwa kelimu: Suf! Ana did inta, Pharaoh, melik ta Masir. Inta, haiwan al gharib ta bahar al bi dusu fi nus ta nahar, al bi gul, "nahar huwo tai. Ana amulu le nefsi." ⁴ Ana bi kutu jabada fi fak taki, wa asmak ta nahar taki bi haligu fi gishir taki; Ana bi arfa inta foj min nus ta nahar taki be kulu asmak ta nahar al haligu fi gishir taki. ⁵ Ana bi jada inta fi beriya, inta wa kulu asmak min nahar taki. Inta bi waga fi midan fadi; ma bi limu intum wele bi arfau. Ana bi wodi inta ze akil le hajat al hai ta ard wa le tiyur al fi jou. ⁶ Bad dak sukan ta Masir bi arufu inu ana Yahwa, leanu humon kan bush le bet(shab) ta Israel. ⁷ Zaman humon amsuku inta fi idan tomon, inta kasuru wa sheretu kitfa tomon; wa zaman humon teki le inta, inta moksur, wa inta ma kutu humon wogif adil. ⁸ Ashan kida Rabuna Yahwa kelimu; Suf! Ana bi jibu adu ashan shakilu inta. Ana bi gata nas wa haiwan min inta. ⁹ Yala ard ta Masir bikun fadi wa demiru. Bad dak humon bi arufu inu ana Yahwa, leanu haiwan al gharib ta bahar kelimu, "Nahar de tai, ana yau amulu." ¹⁰ Ashan kida, suf! Ana did inta wa did nahar taki, yala ana bi wodi ard ta Masir ashan bikun fadi wa waskan, wa inta bikun ard ta wasaka min Migdol le Syene wa hudud ta Cush. ¹¹ Mafi kura ta insan bi gata be wasat tou, wa mafi kura ta haiwan ta beriya bi gata be wasat tou. mafi sukan bikun fogo le fetra ta arbein sena. ¹² Fa ana bi kutu ard ta Masir fadi fi nus ta aradi al fadi, wa mudun tou fi nus ta mudun ta wasaka bikun fadi le fetra ta arbein sena; bad dak ana bi shetetu nas ta Masir beinu dual, wa ana shetetu humon hata aradi. ¹³ Rabuna Yahwa kelimu: fi nihaya ta arbein sena ana bi limu Masir min nas al kan humon shetetu fogo. ¹⁴ Ana bi jedidu mashair ta Masir wa jibu humon wara le iklim ta Pathros, le ardi tomon al asli. Bad dak humon bikun momlaka al ma mohim shedid. ¹⁵ Huwo bikun momlaka al ma mohim shedid, wa ma bi arfau fok fi bein dual tanimara. Ana bi kutu humon tala besit ashan humon ma bi hakimu dual tanimara. ¹⁶ Masiryiin ma bikun sabab le sikha le bet(shab) ta Israel. bedilan min de, humon bikun zekira ta kalam batal al Israel irtakab(amulu) zaman humon aglibu le Masir ashan musaada. Bad dak humon bi arufu inu ana Rabuna Yahwa,"' ¹⁷ Bad dak ja fi zaman ta sabah wa ishirin sena fi yom wahid ta shahar wahid, al kalam ta Yahwa ja le ana, gal, ¹⁸ Ibin al insan, Nebuchadnezzar melik ta Babylon kutu jesh tou ashan bi istakal shedid did Tyre. Adagu ras lahadi tala abusala, wa ai kitfa ashan tala gargas. Lisa huwo wa jesh tou ma dafau le sokol shedid al huwo tala bara did inta. ¹⁹ Ashan kida Rabuna Yahwa kelimu, ' suf! ana gi wodi ardi ta Masir le Nabuchnezzar melik ta Babylonia, wa huwo bi shilu mali tou bara. azama ta hajat tou, wa shilu kulu hajat al huwo ligo hinak; dak bikun makafa ta jesh tou. ²⁰ Ana wodi le huwo ardi ta Masir ze makafa le sokol al humon amulu le ana-de yau karar ta Rabuna Yahwa. ²¹ Fi yom dak ana bi amulu gurun le bet ta Israel, wa ana kutu inta bi wonusu fi nus tomon, ashan humon bi arufu inu ana Yahwa."'