¹ Wa zol rajil min bet ta levi ruwa jouzu biniya min gebila ta levi, ² Mara de hamil wa weledu jena ali weled. Wa uwo ainu jena de tala kweis wa giyafa, hiya dusu jena de le muda talata shuhur. ³ Wa naman hiya baga ma agder dusu jena de aktar min kida, hiya gum shilu jena de we kutu fi gufa ali amulu min hasira, wa hiya gum nezil gufa de fi taraf moyo ta khor. ⁴ Wa hiya Kaman kutu okhut ta jena de ashan bi ainu min beid sunu yau gi ruwa hasil le jena de, wa jena de kan gi kore. ⁵ Biniya ta melik Foroun, melik ta Masir kan nezil fi moyo asan bi kasulu, wa kan banat ali khadimat gi douru bitaraf ta moyo. Hiya ainu gufa de fi nus keli umon jibu le hiya jena de. ⁶ Wa hiya fata gufa de, wa ainu weled, giyafa gi kore. Hiya ainu weled de wa kelem gali, “De weled min awlad ta Ibranieen” ⁷ Ukut ta jena de kelim le biniya ta melik Foroun gali: “keli ana ruwa jibu le inta mara al bi rada le inta jena de? ⁸ Biniya ta melik Foroun kelim gali, “Ruwa” Jena de ruwa wa jibu uma ta weled de. ⁹ Biniya ta melik Foroun kelim le umade gali, “shilu weled de we rada uwo le ana, wa ana bi wodi le inta ujura taki” wa mara de gum silu weled de wa rada jena de le biniya ta melik Foroun. ¹⁰ Naman jena de raba we biga kebir, hiya jibu le biniya ta melik Foroun, wa jena de biga jena ta biniya ta melik Foroun, wa hiya kutu is ta weled de “Musa”, wa maana too; ana silu jena de min moyo.” ¹¹ Wa hasil kan fi ayam al Musa biga kebir uwo tala bira asan ainu tegila wa taab ta akhwana too, uwo ainu rajil tani min Masir gi dugu rajil tani min akwani too min Ibranin, ¹² Musa gum ainu le yomin wa le shamal wa kan uwo ma ainu zol tani, uwo kalulu, rajil ta Masir de wa dofunu uwo fi romula. ¹³ Yala Naman uwo tala tani mara fi yom nimra itnin uwo ainu nafaren min iyal ta Israel gi dusuman barau, uwo gum kelim le zol al galtan min nafaren de gali; lee inta bi dugu akhuk sabi taki?” ¹⁴ Zol ta Israel de gum kelim le Musa gali; Munu yau kutu inta gali ashan bi hakum nina? Inta der katulu ana ze inta kan katulu zo ta Masir dak?” Musa kan kafu wa kelim gali: Arufu khalas sir de” ¹⁵ Melik Foroun Kaman asuma kalam de, wa wori le nas too keli umon katulu Musa, yalla Musa gum jere min wusa ta melik Foroun wa uwo ruwa geni fi mahal Isim too midian, wa geni gerib ma bir ta Moyo. ¹⁶ Wa gesis ta Midian kan indu saba banat, umon ja fi bir ta Moyo de ma ganamayat ta Abu tomon asan wodi moyo le ganamayat de wa Kaman umon mala jarkin tomon. ¹⁷ Wa nas al gi sugu ganamayat tannin Kaman jaw a umon turudu banat de min bir ta moyo de. Wa Musa gum alagu umon wa wodi moyo le ganamayat tomon de. ¹⁸ Yala Naman umon le abu tomon Raoel uwo asalu humon gali: ‘Malu intun ja bediri alela?” ¹⁹ Humon juwabu le abu tomon gali; “Rajil tani min Masir yau alagu nina min ida ta nas ali gi sugu ganamayat, uwo saadu nina asan sibu nina wa ganamayat ta nina asurubu moyo ²⁰ Gesis de kelim le banat too gali; “wenu uwo? Le intum sibu zol de? Fadulu takum uwo alela keli ja akulu ma nina akil. ²¹ Musa gabil asan geni gesis de, wa gesis de gum wodi biniya too ali isimu safora de Musa. ²² Safora weledu le Musa jena ali weled, wa Musa wodi le jena too de isim “Jarthom” wa kelim gali; “ana kan mahbus fi beled ta nas tannin” ²³ Wa hasil fi ayam al ketir aak, melik ta Masir de Mutu. Wa iyal ta Israel gum min istimar wa kore, wa kore tomon de wosulu le Allah. ²⁴ Rabuna Allah asuma waja tomon, wa Allah zekir Aahad (itifagia) too ma Ibrahim wa Ishaac wa Yagoub. ²⁵ Allah ainu le iyal ta Israel wa uwo arufu.