¹ Fii Shaar al ana ainu tehet al shemish, wa kan bi tegeel le insan. ² Allah bi wodi shukul ghaniyan, mali, wa tekrim le insan ashan al ma nagis ayi haja al le niya ta nefsa tuo, lakin Allah ma wodi le howo gowa ashan howo bi itmatta. Lakin, zol tani yahu bi itmatta maa hajat de. howo ma indu maana wa musieba kebiir. ³ Iza kan insan weledu miya 100 Iyal wa howo iesh sinawat ketier, wa ayamat ta sina tuo kanbiga ketier, lakin iza kan gelba taki ma maliyan maa hajat al kwes wa ma bi dufunu howo, biga ana bi kelim inu jena al weledu meat ahsiin min howo. ⁴ Ashan jena de weledu howo mini dun maana wa howo mutu fi duluma, wa isim tuo kati ma duluma. ⁵ Bi raghmi jena de ma ainu shemish aw ma arufu ayi haja, howoindu raha aktar min insan dak. ⁶ Hata iza insan iesh itniin Alfi sina 2,000 lakin howo ma agdeer alimu ashan bi itmatta bi hajat al kwes, howo bi ruwa fi nefsu al mahal zi kulu zol ruwa. ⁷ Kulu shukul ta insan ashan kasma tuo, Lakin lisa nefsa tuo ma gi shabaan. ⁸ Hagigatan, yatu faida al zol al hakim indu aktar min zol al belied? Yatu faida al zol al fegheer indu hata iza kan howo agdeer amulu shukul gedam nas taniin? ⁹ Haja al ena gi ainu ahsiin min al nesfa gi fetishu. kaman howo ma indu maana- zi zol al deeru amsuku hawa. ¹⁰ Ayi haja al mujud indu isim tuo, wa ayi haja al insan deeru howo maaruf. biga mafi faida ashan howo bi shakil maa al indu hukum gowi min al kul. ¹¹ Kulu ma kan kalam aktar, kulu ma kan bi kun ma indu maana. Faida tuo shunu le insan? ¹² Ashan munu yahu bi arufu al kwes le haya ta insan, fi zaman al besiet wa ayamat al ma indu maana al mururu min howo zi dul? Munu yahu bi wori le insan shunu bi hasiil tehet al shemish baad kan howo ruwa?