¹ Asma kalam de al Yahweh kelim dit itakum ya nas ta Israel ,dit kul usura al ana jibu min ard ta Masir ² Ana azilo itakum bes min nus ta usurat ta ard ,asan keda ana bi adebu itakum kalam katiya takum ³ Hal esnin be dowuru sawa ele kan umon tafik ? ⁴ Hal ased be lefu fi gaba kan haiwan mafi ?hal gena ta ased bi tala min ufura kan uwo ma gobudu haja ? ⁵ Hal ter be waga fi ard kan ma salaou serik ? ⁶ Kan turumbeta kure fi medina ,hal nas ma be kafu ( rogus)? Kan karisa hasil fi medin ,hal Yahweh yau ma rasulu? ⁷ Hagiga elah Yahweh ma be amulu haja ,ele kan Yawheh wori kuta tou le gudam tou al anbiya . ⁸ Kan ased be harik ,de munu al ma be kafu? Kan elaha Yahweh wonusu, de munu al ma be nabaow? ⁹ Kelim kalam de fi gidam ta Ashdod , wa Kaman fi medan ta ard ta masir , kelim lemu takum nufus takum fi jebal ta Samaria yala ayenu lagbata al kebir fi wasat tomon ma ehana le umnon. ¹⁰ Asan umon ma aruf amulu hajat al hagiga ,de Yahweh yau kelim, umon bes kudu fi gidam tomon amulu hajat al batal ma garaba sawa . ¹¹ Asan kida de yau kalm al Yahweh kelim , kulu adu be selim ard ,kaman umon be reja kulu hajat al umon selu be teriga al ma saa. ¹² De kalam al Yahweh kelim ,ze ma zol ta harisu haywanat be talau esnin kura ma juzu ta adana ta haiwan min kasma ta ased , Kaman nas ta Israel al be geni fi Samaria be angizu , umon be fadul be juzu ta seriri. ¹³ Asuma Kaman sahidu le bet ta Yaccub , de yau kalam ta elah Yahweh , Rabun ta junut. ¹⁴ Fi youm al ana be adebu katiya ta Israel , ana Kaman be adebu mazbha al fi Bethel, juwa ta mazbha de be selu bara yala be waga fi ard. ¹⁵ Ana be demero beut ta zaman kerif ma beut ta zaman sitaa.bet ta fiil be hukumu ,beut kubar be woduru, de kalam al Yahweh kelim.