¹ Fi yon sana al talit ta Hoshea jena ta Elah, melik ta Israel, Hezekiah jena ta Ahaz, melik ta Yahuza bada hukum. ² Huwo kan kamsa ishiriin sana zaman huwo bada hukum; huwo hukumu wahid ishiriin sana fi Uruselim. isim ta Uma tou kan Abijah; heya kan biniya ta Zachariah. ³ Huwo kan amulu haja al saa fi ena ta Yahwa, tabe misal kulu kulu judud ta Daud, kan amulu. ⁴ Huwo agela mahalat al fok, demiru al amida ta hajar, wa kata tihit amida ta ssawari. Huwo kasuru qita qita al debeba al min bronze al Musa kan sala, leanu fi ayam at dak shab ta Isael kan bi haragu bakhur, kan bi nadi ''Nehustan. '' ⁵ Hezekiah kutu siqa fi Yahwa, Allah ta Israel, ashan bad huwo ma kan fi wahid ze huwo fi nus kulu muluk ta Yahuza, wele fi nus ta muluk al kan gabili huwo. ⁶ Leanu huwo sabit fi Yahwa. Huwo ma wogif doworo wara tou lakin huwo hafizu wasayat tou, al Yahwa amiru ma Musa. ⁷ Fa Yahwa kan ma Hezekiah, fi aye mahal al huwo kan ruwa huwo bi naja. Huwo itmarad ded melik ta Assyria wa ma kadimu huwo. ⁸ Huwo hujumu al Filastiniun le Gaza wa hudud al hawili, min al burj ta muraqaba le markaz al medina. ⁹ Fi sana al rabe ta melik Hezekiah, al kan saba sana ta Hoshea jena ta Elah melik ta Israel, Shalmanser melik ta Assyria ja ded Samaria wa hasuru. ¹⁰ Fi nhaya ta talata sanawat huwomon gobudu, fi sita sana ta Hezekia, al kan tisa sana ta Hoshea melik ta Israel; fi teriga de Samaria kan amsuku. ¹¹ Fa melik taAssyria shilu Israel le Assyria wa ku huwomon fi Halah, wa ala nahar Habor fi Gozan, wa fi mudon ta Medes. ¹² Huwo amulu de leanu huwomon ma ihtaramu sawt ta Yahwa Allah toumon, lakin huwomon kalifu al shurut ta itifagia, al Musa kadam ta Yahwa amiru. Huwomon aba asuma wa aba amulu. ¹³ Yalla fi arba tashar sana ta melik Hezekiah, Sennacherib melik ta Assyria hujumu kulu mudon ta Yahuza wa gubodo huwomon. ¹⁴ Fa Hezekiah melik ta Yahuza rasulu kelima le melik ta Assyria, alkan fi Lachish, gal, Ana amulu galat le inta. rija wara min ana. Aye haja al inta kan kutu fogo ana ana bi itahammal. ''Al melik ta Assyria talabu Hezekiah melik ta Yahuza ashan bi dafa tultumia wazin ta fida wa teleteen wazin ta dahab. ¹⁵ Fa Hezekiah wodi le huwo kulu fda al kan ligo fi bet ta Yahwa wa fi kazina ta bet ta melik. ¹⁶ Yalla Hezekiah gata dahab min abuwab ta haykal ta Yahwa wa min amida al huwo kutu; huwo wodi dahab le melik ta Assyria. ¹⁷ Lakin melik ta Assyria limu jaysh tou al azim, rasulu tartan wa Rabsaris wa alqayid min Lachish le melik Hezekiah fi Uruselim. Huwomon safir fi sikat wa wosulu bara ta Uruselim. Huwomon ja le qana ta fok ta hawd, fogo sika al kebir ta qhasala ta medan, wa wogifu jamo tou. ¹⁸ Zaman huwomon nadi melik Hezekiah, Eliakim jena ta Hilkiah, al kan fok le nas ta bet, wa Shebna al katib, wa Joah jena ta Asaph, al musajjil, futu ashan gabilu huwomon. ¹⁹ Fa alqayid kelimu le huwomon ashan bi kelimu le Hezekia de melik al azim, al melik ta Assyria, kelimu: ''Sunu yau masdar ta siqa? ²⁰ Inta bi wonusu bes kelimat al am indu fayida, gal hinak fi hulafa wa guwi fi mashakil, fogo del al inya bi kutu siqa fogo, inu inta kan bi tmarat ded ana? ²¹ Ayenu, inta indu siqa fi asaya ta Mesir al daeif, lakin kan zol teki fogo huo bi kun asaya fi yadan tou wa bi gidu. de haja al Firaewn melik ta Mesir huwo le kulu al bi kutu siqa fi huwo. ²² Lakin kan inta kelimu le ana, ''Aina bi indu siqa fi Yahwa Allah tanina; de ma huwo al mahalat al fok wa mazbaha Hezekiah shilu, wa kelimu le Yahuza wa le Uruselimu, Inta bi abidu gedam ta mazbaha fi Uruselim? ²³ ashan keda, Ana der kutu inta zebeha al kwes min seid tai al mwlik ta Assyria. Ana bi wodi le inta etnin alf hasin, kan inta bi agdr ligo alddarajiin. ²⁴ Hasa inta bi shakila hata ma wahid min aker qayid ta seid tai? Inta kutu siqa taki fi Mesir ashan ma murkibat wa farsan! ²⁵ Hal ana safr bidun Yahwa ashan shakila ded mahal de wa demiru? Yahwa kelimu le ana, 'Hujumu ard de wa demiru.''' ²⁶ Yalla Eliakim jena ta Hilkiah, wa Shebnah, wa Joah kelimu le qayid, '' arjuk wonusu le kudam taki bi luqa ta Aramaic, leanu anina bi fahim. Ma ta wonusu ma anina bi luqha ta Yahuza fi adana ta nas al huwomon fi heta.''' ²⁷ Lakin al qayid kelimu le huwomon, ''Hasa seid tai rasulu ana le seid taki wa le int ashan bi kelimu kelimat del? huwo ma rasulu ana le rijal al qayidin fi heta, al huwomon der akulu rwth wa asurubu bulu ma inta?'' ²⁸ Yalla al qayid wogif wa kore ma sawt fok bi luqa ta Yahud, ''Asums le kelimu ta meilk al azim, melik ta Assyria. Al melik kelim, ²⁹ Ma ta sibu Hezekiah kabasu inta, leanu huwo ma bi agder alagu inta min guwa tai. ³⁰ Ma ta sibu Hezekiah kutu inta indu siqa fi Yahwa, gal, Yahwa bi alagu anina wa medina ma wodi fi yadan ta melik ta Assyria ³¹ Ma ta asuma le Hezekiah, leanu de yau haja al melik ta Assyria kelimu: 'Amulu salam ma ana wa ja le ana. Yalla kulu wahid min inhtakum bi akulu min karma tou wa min shajara tin tou, wa asurubu min moyo al fi guruma tou. ³² Inta bi mulu de lahadi ana bi ja wa ahilu inta le ard ze ard taki ard ta gamah wa khamr al jedid, ard ta regif wa karma, ard ta zietun wa asal, ashan inta bi ish wa ma bi mutu. Ma ta asuma le Hezekiah zaman huwo hawil ashan bi turuju inta, gali Yahwa bi alagu anina. ³³ Hal aye min rabunat ta hab alagu huwomon min yadan ta melik ta Assyria? ³⁴ Wenu rabunat ta Hamath wa Arpad? Wenu rabunat ta Sepharvaim, Hena, wa Ivvah? Hal huwomon alagu Samaria min yadan tai? ³⁵ fi nus ta kulu rabunat ta ard, hal fi hinak aye rabuna al alagu rad tou min guwa tai? Kef Yahwa kalisu Uruselim min guwa tai?'' ³⁶ Lakin al shab askut sakit wa ma juwabu, leanu melik amiru, ''Ma ta juwabu le huwo.'' ³⁷ Yalla Eliakim jena ta Hilkiah, al kan fok le bet; Sebna al katib; wa Joah jena ta Asaph, al musajjil ja le Hezekiah ma gumasg al seretu wa wori le huwo kelimat ta qayid.