¹ Fi al saba_isirin sena ta Yeroboam melik ta Israil, Azariah welet ta Amaziah melik ta Yahuzah bada hukum le. ² Azariah kan sitasar senawat fi umur zaman uwo bada le hukum, wa uwo hakam le itniin_arbain senawat fi Arselim. Isim uma tao kan Jekoliah, wa hia kan min Arselim. ³ Uwo amulu sunu al kan sah fi al uyuun ta Yahuah, bes ze abu tao Amaziah kan amulu. ⁴ Lakinbekida, al makanat al ali kan ma salu bara. Al nas lisa bi zabihu wa haragu bakur fin al amakin ali. ⁵ Yahuah awugu al melik ashan uwo bi geni mujazam/mujanagal le al yom ta mutu wa geni fi bet munfasil/barao. Yotham, al welet ta melik, kan biga mosul ala al usra wa hakam al nas ta al art. ⁶ Ze le al hajat tanin bekusus Azariah, kulu al uwo amulu, delin umon ma katifu fi al kitab ta al ahdas ta al muluk ta Yahuzah? ⁷ Kida Azariah ragat ma judud tao; umon dofunu uwo ma judud tao fi al medina ta Daud. Jotham, welet tao, biga melik fi makan tao. ⁸ Fi al tamania_teletin sena ta Azariah melik ta Yahuzah, Zechariah welet ta Yeroboam hakam ala Israil fi Samiria le sita ashar. ⁹ Uwo amal sunu kan abatal fi al nazar ta Yahuah, ze abu tao kan amulu. Uwo kan ma tala bara min al kataiat ta Yeroboam welet ta Nebat, al kan sabibu Israil le katia. ¹⁰ Shallum welet ta Jabesh tamar dit Zechariah, hajamu uwo fi Ibleam, wa katulu uwo. Biga uwo ja kun melik fi makan tao. ¹¹ Ze le al hajat tanin bekusus Zechariah, umon kan ma katifu fi al kitab ta al ahdas ta al muluk ta Israil. ¹² De kan al kalam ta Yahuah al uwo wonusu le Jehu, kelim, ''Ajial taki bi geni fok al ars/kursi ta Israil le jil al rabe.'' De yau sunu al hasalat. ¹³ Shallum welet ta Jabesh bada le hukum fi al tisa_teletin sena ta Azariah melik ta Yahuzah, wa uwo hakam bes wahid sahar fi Samiria. ¹⁴ Menahem welet ta Gadi masa fok min Tirzah le Samiria. Inak uwo hajamu Shallum welet ta Jabesh, fi Samiria. Uwo katulu uwo wa biga melik fi makan tao. ¹⁵ Ze le al hajat tanin bekusus Shallum wa al taamur al uwo amulu, umon kan ma moktub fi al kitab ta al ahdas ta al muluk ta Israil. ¹⁶ Biga Menahem hajam Tiphsah wa kulu al kan inak, wa al hudud hawuli Tirzah, ashan umon kan ma fata fok al medina le uwo. Kida uwo hajam uwo, wa uwo fagau fadi kulu nusuwan al hamilanin fi al kura. ¹⁷ Fi al tisa-teletin sena ta Azariah melik ta Yahuzah, Menahem welet ta Gadi bada le hukum ala Israil; uwo hakam asara senawat fi Samiria. ¹⁸ Uwo amal sunu kan batal fi al nazar ta Yahuah. Le haya tao kulu, Uwo ma tala bara min al katiat ta Yeroboam welet ta Nebat, al kan sabibu Israil le katia. ¹⁹ Biga Bul al melik ta Assur ja dit al art, wa Menahem wodi le Bul wahid alf giram ta fida, kida gali dam/musada Bul bi kun ma uwo le gowi al mamlaka ta Israil fi ida tao. ²⁰ Menahem istahliku/itakdimu gurus de min Israil be talabu ayi min rujal al ganianin le dafau kamsin gramat ta fida le uwo le wodi le al melik ta Assur. Kida al melik ta Assur rija wara wa ma geni fi al art. ²¹ Ze le al hajat tanin bekusus Menahem, wa kulu al uwo amulu, delin umon ma moktub fi al kitab ta al ahdas ta al muluk ta Israil? ²² Kida Menahem ragat ma judut tao, wa Bekahiah welet tao biga melik fi makan tao. ²³ Fi al kamistasar sena ta Azariah melik ta Yahuzah, Bekahiah welet ta Menahem bada le hukum ala Israil fi Samiria; uwo hakam itniin senawat. Uwo amulu sunu batal fi nazar ta Yahuah. ²⁴ Uwo ma sibu wara al kataiat ta Yeroboam welet ta Nebat, be al uwo kan sabibu Israil le katia. ²⁵ Bekahiah indu al dabit ismu Bekah welet ta Remaliah, al tamar dit uwo. Kaman ma kamsin rujal ta Gilead, Bekah katulu Bekahiah ze kaman ze Argob wa Arieh fi Samiria, fi al korokon ta al gasrat melik. Bekah katulu Bekahiah wa biga melik fi makan tao. ²⁶ Ze le al hajat tanin bekusus Bekahiah, kulu al uwo amulu, umon kan ma katifu fi al kitab ta al ahdas ta al muluk ta Israil. ²⁷ Fi al itniin_kamsin sena ta Azariah melik ta Yahuzah, Bekah welet ta Remaliah bada le hukum ala Israil fi Samirira; uwo hakam isirin senawat. ²⁸ Uwo amulu sunu kan batal fi al nazar ta Yahuah. Uwo ma tala bara min al katiat ta Yeroboam welet ta Nebat, al kan sabibu Israil le katia. ²⁹ Fi al ayom ta Bekah melik ta Israil, Tiglath_Bileser melik ta Assur ja wa salu Ijon, Abel Beth Maacah, Janoah, Kedesh, Hazor, Gilead, Galilee, wa kulu al art ta Nabhatli. Uwo arfa bara al nas le Assur. ³⁰ Kida Hoshea welet ta Elah kowunu muamara dit Bekah welet ta Remaliah. Uwo hajamu uwo wa katulu uwo. Biga uwo biga melik fi makan tao, fi al isirin sena ta Jotham welet ta Uzziah. ³¹ Ze le al hajat tanin be kusus Bekah, kulu al uwo amulu, umon kan ma sejilu fi al kitab ta al ahdas ta muluk ta Israil. ³² Fi al sena nimra itniin ta Bekah welet ta Remaliah, melik ta Israil, Jotham welet ta Azariah, melik ta Yahuzah bada le hukum. ³³ Uwo kan kamsa_isirin senawat fi umur zaman uwo bada le hukum; Uwo hakam sitasar senawat fi Arselim. Isim uma tao kan Jerushah; hia kan al bit ta Zadok. ³⁴ Jotham amulu sunu al kan sah fi uyuun ta Yahuah. Uwo tabi kulu al misal ta abu tao Azariah kan amulu. ³⁵ Kamanbes, al amakin ali kan ma salu bara. Al nas lisa bi zabihu wa haragu bakur fi al amakin ali. Jotham abinu al bab al be fok ta albet ta Yahuah. ³⁶ Ze le al hajat tanin be kusus Jotham, wa kulu al uwo amulu, kan umon ma katifu fi al kitab ta al ahdas ta al muluk ta Yahuzah? ³⁷ Fi ayom dak Yahuah bada le rasulu dit Yahuzah Rezin al melik ta Aram, wa Bekah welet ta Remaliah. ³⁸ Jotham ragat ma judud tao wa kan dofunu ma judud tao fi medina ta Daud, jidi tao. Biga Ahaz, welet tao, biga melik fi makan tao.