¹ Hazekiah rasulu mursilin le Israel kulu wa Yahuza, wa kaman huwo katibu rassaiel le Fraim wa Manassa, inu kede umon ja le bet ta Yahwah fi Urshelim, ashan bi ihtafil be Aid al Fiseh le Yahwah, Ilah ta Israel. ² Lanu melik ma ruwasa tuo wa majma kulu wunuso sawa fi Urshelim, umon gariru ashan bi ihtefil be Aid al Fiseh fi shahar nimra itnin. ³ Umon ma bi ageder ihtefil fi zaman tuo al kutu, lanu kahana ma kadisu badun tumon kifaya wa shaab ma limu sawa fi Urshelim. ⁴ Iktyitrah de geni kues fi uyon ta melik ma majma kulu. ⁵ Yala umon tifagu ashan bi wedi elaan fi Israel kulu, min Beersaba le Dan, inu kede nas ja ihtefil al Fiseh le Yahwah, Ilah ta Israel, fi Urshelim. lanu umon ma amulu ze muktub le zaman tuwil. ⁶ Yala nas al bi shilu rassail de ruwa be eassaiel de min melik ma ruwasa tuo wa le kulu Israel wa Yahuza, be awamir taa melik. Umon kelim, ''Itakum shaab Israel, rija takum wara le Yahwah, Ilah ta Abrahim, Iyssak, wa Israel, ashan huwo bi rija le bagi takum al naja mon iden ta muluk ta Ashor. ⁷ Matakum kun ze judud takum wele abuhat takum, al bi amulu katiya gidam ta Yahwah, Ilah ta judud tumon, ashan huwo bi kutu umon mustagrabin ze ma itakum aynu. ⁸ Hasa matkum guwi ragabta takum, ze judud takum; lakin kede itakum wedi badum takum le Yahwah wa taal takum fi mahal al mukadas, al huwo kadisu lel abad, wa abudu takum Yahwah Ilah takim, ashan zalan tuo al kalis de bi wasa bara min itakum. ⁹ Lanu kan itakum rija wara le Yahwah, akuwana wa iyal takum biligu rahma fi ena ta delin al shilu umon ze nas al amsuku fi harib, wa umon bi rija wara fi ard de. Lanu Yahwah Ilah takum huwo rehim wa indu hanan, wa huwo ma bi gilibu usa tuo bait min itakum, kan itakum rija le huwo.'' ¹⁰ Yala nas al bi wedi rassaeil de mururu min medina le medina be bilad ta Araim wa Manassa, lahadi le Zabalun, lakin nas ataku umon wa alisu umon. ¹¹ Baad min rujal ta Asher wa Manassa wa Zabalun rija nufus tumon tihit wa ja fi Urshelim. ¹² Iden ta Rabuna kaman nezil fugu Yahuza, wa wedi le umon geliba wahid ashan bi ishtakal be awamir ta melik wa ruwasa be wasat kelim ta Yahwah. ¹³ Nas ketir wa majma kebir limu fo Urshelim ashan bi ihtefil be Aid al fetir fi shahar nimra itnin. ¹⁴ Umon gum wa kasuru mazabih al kan fi Urshelim, wa kulu mazabih ta bakur; umon jada umon fi Wadi Kidron. ¹⁵ Yala umon daba kurfan ta Aid al Fiseh fi yom numra arbatashar fi shahar nimra itnin. Kahana wa Lawin kan gubudu be fadiya, Yala umon kadisu badum tumon wa jibu muhragat fi bet ta Yahwah. ¹⁶ Umon wegif fi mahalat tumon be agsam tumon, be hasab tuwjihat la wedi fi ganoon ta Mosa, kadam ta Allah. Kahana rushu dom al umon shilu min iden ta Lawin. ¹⁷ Lanu delin al kadisu nufus tumon kan fi ketir hinak. Ashan Lawin yao daba kurfa ta Fiseh de la kulu zol al kan ma nedifu wa ma ageder kadisu zabaeih tumon le Yahwah. ¹⁸ Lanu ketirin ta nas, min Afraim wa Manassa wa Yassakir, wa Zabalun, ma nedifu badum tumon, wa umon akulu akil ta Fiseh, did tuwjihat al muktub. Lanu Hazekiah seli le umon wa kelim, ''Kede Yahwah al kues de affi kulu zol ¹⁹ al jahizu geliba tuo ashan bi fetishu Allah, Yahwah, Ilah ta judud tuo, hata kan huwo ma nedifu be mustawa ta nadafa ta mahal al mukadas.'' ²⁰ Yala Yahwah asuma le Hazekiah wa aliju shaab. ²¹ Shaab Israel al kan fi Urshelim amulu Aid al Fetir le fetera ta saba yom be farah azim. Lawin wa kahana sabihu Yahwah yom baat yom, umon bi guna be alat shedid le Yahwah. ²² Hazekiah wunuso be shuja le Lawin kulu al fahim kidima ta Yahwah. Umon akulu fi saba ayam ta Aid de, zabaeih ta salama wa bi shukur Yahwah Ilah ta abuhat tumon wa bi ihterif. ²³ Yala majma kulu tifagu ashan bi ihtefil daba ayam tanin, wa umon amulu be farah. ²⁴ Lanu Hazekiah melik ta Yahuza wedi le majma alf teran wa saba alif kurfan ze zebiha; wa rueasa wedi le majma alf teran wa ashar alif kurfan wa ganamayat. Adad kebir min kahana kadisu nufus tumun. ²⁵ Majma ta Yahuza kulu, ma kahana wa Lawin, ma kulu shaab al ja sawa min Israel, sawa ma ajanib al ja min ard ta Israel al bi geni fi Yahuza- umon kulu tala farhanin. ²⁶ Kan fi farah azim fi Urshelim, lanu min zaman ta Siliman jena ta Dauod, melik ta Israel, mafi haj al hasil ze de fi Urshelim. ²⁷ Yala kahana wa Lawin, gum wa bariku shaab. Sout tumon kan asumau, wa salawat tumon wusulo fi sama, mahal al mukadas al Allah bi geni fugu.