¹ Ahas kan umor tuo ishrin sena wekit huwo bada hukumu, wa hakimu sitashar sena fi Urshelim Huwo amulu haja al sah gidam ta Yahwah, ze jidu tuo Dauod amulu. ² Lakin huwo duoru fi sikat ta muluk ta Israel; huwo amulu sanam timsal le Baal. ³ Huwo aragu muhragat fi wadi Ben Hinnom wa mururu iyal tuo fi nar, hasab tabiya ta bagi umama al Yahwah drudu min gidam ta Israel. ⁴ Huwo gedimu wa aragu bakur fi murtafa wa fi jibal wa tihit ayi shejera akdar. ⁵ Ashan kida Yahwah Ilah tuo selimu huwo fi iden ta melik Aram. Aramiin gilibu huwo wa gubudu nas ketir min huwo wa shilu umon fi Damashek. Wa selim Ahas fi iden ta melik Israel kaman al drurubu huwo darba azim. ⁶ Yala Fagih jena ta Ramaliah katulu 120,000 nafar fi yom wahid fi Yahuza wa nas de kulu kan nas al guwin, lanu umon sibu Yahwah Ilah ta aba tumon. ⁷ Zikri, rajil guwi kalis min Afraim, katulu Maaseiah weled ta melik, wa Azrikam rais ta Bet, wa Algana nimra itnin ta melik. ⁸ Jesh ta Israel gubudu min ahal tumon Israel 200,000 nusuwan, awulad wa banat. Umon kaman shilu ganiam ketir al umon rija wara le Samira. ⁹ Lakin nebi ta Yahwah kan fi Hinak, isim tuo Oded. Huwo tala shan bi limu ma jesh al bi ja le Samira. Huwo kelim le umon, ''Ashan Yahwah, Ilah ta abna takum, kan zalan min Yahuza, Huwo selimu umon fi iedn takum. Lakin itakum daba umon le mustawa al wusulu le sama. ¹⁰ Wa hasa itakum de hifisu rujal wa nusuwan ta Yahuza wa Urshelim ze abeed. Itakum yao ma amulu katiya did Yahwha Ilah takum? ¹¹ Hasa kede itakukm asuma le Ana: Rija takum nas al itakum gubudu de wara, delin al itakum shilu min akuwan takum, lanu zalan ta Yahwah fi shedid le itakum.'' ¹² Yala mugedimin min shaab Afraim- Azriah weled ta Yahuhanan, Bergiah weled ta Mishlemos, wa Yahzguah weled ta Shalium, wa Amasa weled ta Hadlai, umon wegif fuk did delin al ja min harib. ¹³ Umon kelim le umon, ''Matkum jibu nas al itakum gubudu de hini, lanu itakum der amulu7 haja al bi jibu le anina katiya did Yahwah, ashan bi ziddu kataya wa sher ta nina, lanu sher ta anina azim, wa fi zalan shedid did Israel.'' ¹⁴ Yala rujal al musalahin de sibu nas al umon gubudu de wa ganiam gidm ta ruwasa wa majma kulu. ¹⁵ Wa rujl al wedi le musulia de be asma tomun gum fuk wa libisu nas al jibu de wa ganiam. Umon libisu umon wa wedi le umon nalaat. Umon wedi le umon akil wa sharab . Umon aliju dabarat tumon wa kutu al tabnin fi hamir. Umon rija umon wara le usar tumon fi Ariha, (al isim tuo medina ta Nakahl). Yala umon rija fi Samira. ¹⁶ Fi zaman dak melik Ahas rasulu nas le muluk ta Ashur kede saido huwo. ¹⁷ Lanu Adomiin ja tani wa hajimu Yahuza, wa shilu nas. ¹⁸ Wa FAlastiniin hajimun mudon ta safa bahar wa ard ta Junub. Umon shilu Bet Shems, Ailon, wa Jedirus, Soki ma Gura tuo, Timnnah ma Gura tuo wa kaman Hamzu ma Gura tuo. Umon ruwa geni fi makalat de. ¹⁹ Lanu Yahwah kutu Yahuza fi taab be sabab ta Ahas, melik ta Israel, lanu huwo amulu sher fi Yahuza wa amulu katiya tegil did Yahwah. ²⁰ Tiglas Felnasir, melik Ashur, ja le huwo wa amuliu le mushkila bidal kan bi saido huwo. ²¹ Lanu Ahas nkamu Bet ta Yahwah wa bet ta melik wa mugedimin ashan bi wedi hajat al mugayam le melik Ashor. Lakin amulu hajat de ma wedi le huwo faida. ²² Nesa melik Ahas de amulu katiya ketir gidam ta Yahwah fi zaman tuo ta taab. ²³ Lanu huwo gedim zabaih le ilah ta Demashekiin, rabunat al gelibu huwo. Huwo kelim, ''Ashan rabunat ta melik ta Aram saidohuwo, Ana bi gedim zabaeih le umon, ashan umon bi saido ana. ''Lakin umon kan sabab ta waga tuo wa shaab Israel. ²⁴ Ahas limu kulu afashat ta bet ta Allah wa gata gata umon. Huwo gufulu abuwab ta bet ta yahwah wa huwo amulu le Huwo mazabih fi kulu rokun fi Urshelim. ²⁵ Fi kul medin ata Yahuza huwo amulu murtafaat ta gedimo zabaeih le rabunat tanin. Huwo sibu Yahwah, Ilah ta aba tuo tala zalan. ²⁶ Bagi hajat tuo, wa kulu sikat tuo, min bidaya le nihaya, katibu fi kitab ta muluk ta Yahuza wa Israel. ²⁷ Ahas num ma aba tuo, wa umon dufunu huwo fi medina, fi Urshelim, lakin umon ma wedi huwo fi magabir ta mulu ta Israel. Hezkiah jena tuo biga melik, fi mahal tuo.