¹ Yusam kan umor tuo kamsa wa ishrin sena wekit huwo bada hukumu; huwo hakim sitashar sena fi Urshelim. Isim ta uma tuo kan Yarusha biniya ta Sadok. ² Huwo amulu haja al sah fi ena ta Yahwah, shilu misal ta abu tuo Uzziah, fi ayi haja. Ile huwo ma bi dakalu fi haikal ta Yahwah. Lakin shaab lisa bi ish fi katiya. ³ Huwo abinu bab al fuk fi bet ta Yahwah, wa huwo abinu ketir fi jebel Ofel. ⁴ Kaman huwo abinu mudon fi jebel Yahuza, wa abinu gabat wa abraj ketir. ⁵ Huwo kaman shakila ma melik ta shaab ta Ammon wa gilibu umon. Fi nefsa sena, shaab ta Ammon wedi le huwo miya wezin ta fidda, wa ashara alif mezan ta gemeh, wa ashar alif mezan ta sheir. Shaab ta Ammon wedi nefsa hajat fi sena nimra itnin wa talata. ⁶ Yusam biga guwi kalis ashan huwo duoru tamam gidam ta Yahwah Ilah tuo. ⁷ Wa bagi hajat ta Yusam, kulu harib tuo, wa sikat tuo, katibu fi kitab ta muluk ta Israel wa Yahuza. ⁸ Huwo kan lamsa wa ishrin sena zaman huwo bada hukum; huwo hukumu sitashar sena fi Urshelim. ⁹ Yusam num ma judud tuo, wa dufunu hguwo fi medin ta Dauod. Wa jena tuo Ahas yao biga melik fi mahal tuo.