¹ Wa baad ma Rehoboam asisu Mamalaka wa huwo biga gowi, huwo sibu sheriya ta Rabuna, huwo wa kulu Israel sawa ma huwo. ² Wa fi sena al khamsa ta Melik Rehoboam ja Shishak melik ta Masir, huwo ja diid Jerusalem, leanu nas biga aba asuma kalam ta Rabuna, ³ Huwoja ma 1,200 markab wa 60,000 Faris, asakir bidun adad ja ma huwo min Masir, Libiyans, Sakkites, wa Cushites. ⁴ Huwo gobudu mudun defaiya al kan fi Judah wa ja fi Jerusalem. ⁵ Biga Shemaiah al Nebi ja le Rehoboam wa khada ta Judah del al kan limu ma baad fi Jerusalemashan Shishak. Shemaiah kelim le humon de yahu kalam al Rabuna ; kelimu, intum sibu Ana, yalla Kaman Ana wodi intum fi iden ta Shishak. ⁶ Biga Umara ta Israel wa melik nezi rija nefsa tomon wa kelim, Rabuna khwes bari. ⁷ Fi zaman al Rabuna ainu humon nezil nefsa tomon, kelima ta Rabuna ja le Shemaiah gi kelimu, humon nezil nefsa tomon, Ana ma bi demiru humon, Ana bi kalisu humon, wa zalan tai ma bi kubu fi Jerusalembe wasat iden ta Shishak. ⁸ Lakin humon bi kun abeit tou, ashan humon bi fahim kef humon bi akhdim Ana, wa bi akhdim mamalik ta duniya. ⁹ Biga Shishak, melik ta Masir ja diid Jerusalem wa shilu khziina al fi beit ta Rabuna, wa khziina al fi beit melik, huwo shilu ai haja, huwo Kaman shilu daraga ta Dahobai ak kan Seliman amulu. ¹⁰ Melik Rehoboam sala Daraga min bronze al fi mahal tomon, wa selimu homon fi iden ta khada ta huras al gi harisu abuwab al le beit ta melik. ¹¹ Fi kulu zaman al melik gi dakalu fi beit ta Rabuna huras bi arfa humon, yallahumon bi reja Daraga ta bronze wara fi gorfa ta huras. ¹² Zaman Rehoboam Itwada, zalan ta Rabuna ruwa bara min huwo, biga ma demiru huwo kulu kulu, wa Kaman kanfi hajat al kwes fi Judah. ¹³ Yala biga melik Rehoboam amulu mamalaka tou gowi fi Jerusalem, wa huwo hukumu- kan Rehoboam indu 41msena zaman huwo badda hukumu, wa huwo hukumu ¹⁴ sena fi Jerusalem, medina al Rabuna Ihtar min kulu gabail ta Israel asha Huwo bi kutu Isim bi tou hinak. Isim ta Uma tou Naamah mara min Ammonite, 14 Huwo amulu shar, leanu huwo ma wodi geliba tou ashan bi fetisu Rabuna. ¹⁵ Baad hajat an Rehoboam, Aweil wa akiir, ma katibu humon fi kutubta Shemaiah al Nebi wa ta Iddo al gi ainu, al huwo Kaman sejilu asnab, wa hurub al ddim beina Rehoboam wa Jeroboam? ¹⁶ Rehoboam num/ mutu ma judud tou, wa dofunu fi medina ta Daud, jena tou Abijah yahu biga tala melikfi mahal tou.