¹ Rehoboam wosulu fi Jerusalem, huwo limu beit ta Judah wa ta Benjamin, 180,000 rujal al Iktaru al humon kan asakir, ashan bi shakill diid Israel, ashan bi rija mamlaka le Rehoboam, ² Kelima ta Rabuna kan ja le Shemaiah rujul Allah; ge kelimu, ³ Kelimu le Rehoboam jena ta Solomon, melik ta Judah wa le kulu Israel al fi Judah wa Benjamin, ⁴ Rabuna gi kelimu kida, keli intum ma hajimu au amulu harib diid akwana takum, kulu wahid keli rija fi bet tou, ashan Ana yau amulu kalam de keli hasil, biga humon iktaramu kalam ta Rabuna wa humon rija wara min hajimu Jeroboam. ⁵ Rehoboam geni fi Jerusalem wa abinu mudun (mmedina) fi Judah ta defa,(fahid) ⁶ Huwo abinu Bethlehem, Etam, Tekoa, ⁷ Beth zur, Soko, Adullam, ⁸ gath Maresheh, Ziph, ⁹ Adoraim, Lachish, Azekak, ¹⁰ Zorah, Aijalon wa Hebron. Del mudun defaiya fi Judah wa Benjamin. ¹¹ Huwo abinu mudun defaiya wa kutu khiyadat fogo ma makazin ta akil, zit wa khamra. ¹² Huwo kutu daraga wa harba(ramah) fi kulu mudun wa huwo amulu gowi shedid, yala biga Judah wa Benjamin tabi le huwo. ¹³ Khahana wa Lawiin al kan fi Israel ruwa kulu le huwo fi dakil hudud tomon, ¹⁴ Leanu Lawiin sibu mahal al haiwanat tomon gi akulu fogo wa hajat tomon ashan bi ja fi Judah wa Jerusalem, leanu Jeroboam wa awlad tou toruju humon bara. Ashan keli humon ma Ishtakal tani mara ze khuhana ta Rabuna. ¹⁵ Jeroboam amulu le nefsa tou, khuhanata ta mahalat al fokwa amulu ganamaya wa bagara al min asnam. ¹⁶ Biga nas min kulu gabail ta Israel ja wara tomon, del nas al wodi gulub tomon ashan bi fetisu Yahweh, Rabuna ta Israel, humon ja fi Jerusalem ashan bi gedimu le Yahweh, Rabuna ta Abuhat tomon. ¹⁷ Yala humon gowi mamlaka ta Judah wa amulu Rehoboam jena ta Siliman gowi le fetara ta talata sena wa humon dowuru fi sika ta Daud wa Siliman talata sena. ¹⁸ Rehoboam juzu mara le nefsa tou, mahalath, biniya ta Jerimoth, jena ta Daud, wa ta Abihail, biniya ta Eliab, jena ta Jesse. ¹⁹ Hia weledu le huwo awlad: Jeush, Shemariah wa Zaham. ²⁰ Wa baad Mahalath, Rehoboam juzu Maaka, biniya ta Absalom, hia weledu le huwoAbijah, Ahai, Ziza, wa Shelomitt, ²¹ Rehoboam hibu biniya ta Absalom, akar min kulu nusuwan tou al taniin del wa refigat tou,(Huwo juzu 18 nusuwan wa 60 refigat, wa huwo abu le 28 awlad, wa 60 banat), ²² Rehoboam azilu(ainu) Abijah jena ta maakah ashan bi kun reis wa khaid le huwo melik, ²³ Rehoboam hukumu be hikma, huwo waza awlad tou fi kulu Arid ta Judah wa Bejamin fi kulu mudun defaiya, wa Kaman huwo wofiru akil ketir le humon wa juzu le humon nusuwan ketir.