¹ Al Philistinin limu sawa jaysh toumon kulu fi Aphek, wa Israel geni ma al rbye al fi Jezreel. ² al''amra ta Philistinin mururu min hinah bi miat wa bi alaf; Daud wa rijal tou mururr min haris al khalfi ma Achish. ³ Yalla al amra ta Philistinin kelimu, '' De sunu yau al ibraniiyn del bi amulu hini?'' Achish kelimu le amra tanin al ta Philistinin, ''De ma Daud al kadam ta Saul, al melk ta Israel, al kan ma ana fi ayamat del, aw fi sanawat del, wa ana ma ligo galat ma huwo min zaman huwo ja le ana hata yom ta alela?''' ⁴ Lakin al ''amra ta Philistinin kan zalanin ma huwo wa kelimu, ''Rasulu rujal del wara, inu huwo bi rija le mahal al inta wori le huwo. Huwo ma bi ruwa ma anina fi harib, leanu huwo bi gelibu ded anina fi wokit ta qital. Leanu munu tani huwo bi kutu nefsa tou maqbul le seid tou min shilu ras ta rijal ta nina? ⁵ De ma Daud al huwomn bi guna le bad ma alrraqassat, kelimu, Saul zabah alaf, wa Daud ashara alaf?''' ⁶ Biga Achish nadi Daud wa kelimu le huwo, ''Ze ma Yahwa hay, inta kan kwes, wa ruwa taki wa ja taki le ana fi jaysh huwo kwes fi ray tai; leanu ana ma ligo gala fi fogo inta min yo ta ja taki le ana hata yom ta alela. Lakin, al ''amra ma munasib le inta. ⁷ Fa hasa rija wa ruwa fi salam, ashan inta kede ma kutu la''amra ta Philistinin zalan.'' ⁸ Daud kelimu le Achish, ''Lakin sunu al ana amulu? Sunu yau inta ligo kadam taki ze ma kan ana fi gedam taki lahadi yom ta alela, inu ana ma bi ruwa wa shakila ded aeda ta seid tai al melik?'' ⁹ Achish juwabu wa kelimu le Daud, ''Ana arufu inu inta bari fi ena tai ze malaiyka ta Allah; Lakin al ''amra ta Philistinin kelimu, 'Huwo ma bi ruwa ma anina le harib. ¹⁰ Fa hasa gum fok badri fi sabah ma kudam ta seid taki al huwoja ma inta; ze inta badri sabah inta bi gum wa inta indu nur, ruwa.'' ¹¹ Fa Daud gum fok badri, huwo wa rijal tou, ashan bi ruwa fi sabah, ashan bi rija le ard ta Philistinin. Lakin Philistinin futu le Jezreel.