¹ Ziphites ja le Saul fi Gibeah wa kelimu, ha ma Daud yau bi dusu fi tal ta Hakilah, al gedam Jeshimon?'' ² Biga Saul gum wa nezil le barria ta Ziph, indu talata alf ruhal ta Israel al iktaru ma huwo, ashan bi fetisu Daud fi al barria ta Ziph. ³ Saul geni fogo tal ta Hakilah, al gedam ta Jeshimon, fi sika. Lakin Daud kan bi geni fi al barria, wa huwo ayenu inu Saul kan bi ja bad huwo fi barria. ⁴ Fa Daud rasulu jawasis wa arufu inu Saul kan bi hagiga ja. ⁵ Daud gum wa ruwa le mahal al Saul kan geni; huwo ayenu al mahal al Saul kutu, wa Abner jena ta Ner, al general fi jaysh; Saul geni fi al mukhayam, wa nas kulu nas al hawilo kan nayim. ⁶ Yalla Daud kelimu le Ahimelech al Hittite, wa le Abiashai jena ta Zeruiah, aku ta Joab, ''Munu bi nezil ma ana le Saul fi mukhayam?'' Abishai kelimu, ''Ana! Ana bi nezil ma inta.'' ⁷ Fa Daud wa Abishai ruwa le jaysh belayl. Saul kan hina nayim juwa al khayma ma harba mullesk fi ard jambo ras tou. Abner wa jaysh tou geni jambo huwo. ⁸ Yalla Abishai kelimu le Daud, ''Alela Allah kutu adu taki fi yadan taki. Hasa malish kede ana samuru huwo fi ard ma harba be ma wahid darba. Ana ma bi hujumu huwo mara tani.'' ⁹ Daud kelimu le Abishai, ''Ma ta demiru huwo; le munu bi agder wasao yadan tou ded al mamshu ta Yahwa wa bi kun bidun galat?'' ¹⁰ Daud kelimu, '' Ze ma Yahwa hay, Yahwa bi katulu huwo, aw yom tou ta mutu bi ja, aw huwo bi ruwa le shakila wa mutu. ¹¹ Kede Yahwa abosu yadan tai al ana bi midu ded al mamshu tou; lakin hasa ana bi asalu inat, shilu harba dak al fi ras tou wa guruma ta moyo, wa kede anina ruwa.'' ¹² Fa Daud ayenu al harba wa al guruma ta moyo min ras ta Saul, wa huwomon ruwa. mafi zol ayenu huwomon aw arufu ann u, wele aye zol gum fok, leanu huwomon kan kulu nayimin, leanu num amek min Yahwa waga fogo huwomon. ¹³ Yalla Daud ruwa le tija al tani wa wogif fok ta jebel beid; masafa kebir kan bein huwomon. ¹⁴ Daud kore le nas wa le Abner jena ta Ner; huwo kelimu, Inta ma juwabu Abner?'' Biga Abner juwabu wa kelimu, ''Inta munu al bi kore le melik?'' ¹⁵ Dud kelimu le Abner, ''Hal de ma inta al rajil al shuja? Munu ze inta fi Israel? Le biga inta ma istemir raqib seid al melik taki? Leanu zol tani ashan bi katulu al melik seid taki. ¹⁶ Haja al inta amulu ma kwes. Ze Yahwa hay, inta bi istehik mutu leanu inta ma isteir raqib seid taki, al mamshu al wahid ta Yahwa. Hasa ayenu wenu harba ta melik wa guruma ta moyo al kan gerib ma ras tou!'' ¹⁷ Saul arufu sawt ta Daud wa kelimu, ''hal de sawt taki, jena tai Daud'' Daud kelimu, ''De sawt tai, seid tai al melik. ¹⁸ ''Huwo kelimu, ''Le seid tai bi turuju kadam tou? Sunu yau ana amulu? Yatu sharr yau fi yadan tai? ¹⁹ Ashan keda ana bi asalu inta, kede seid ti al melik asuma le kelimat ta kadam tou. kan de Yahwa al ''athar inta ded ana, kede huwo rudu zebeha; lakin kan de insaan, kede laanu huwomon fi uyuun ta Yahwa, leau huwomon alela lizu ana bara, inu ana ma bi amsuku al mirrath ta Yahwa; huwomon kelimu le ana, Ruwa abidu rabunat tanin. ²⁰ ashan keda ma ta sibu domtai kubo fogo ars min wujud ta Yahwa; leanu wahid barghsth ze wokit alssayd ta alhajal al tayir fi al jebel.'' ²¹ Yalla Saul kelimu, ''Ana kati. rija Daud jena tai; leanu ana ma bi awogu inta ketir, leanu haya tai kan gali fi uyuun taki alela. ayenu, ana alabu ze beled wa ana amulu galat al batal kalis.'' ²² Daud juwabu wa kelimu, ;;Ayenu harba taki yau hini; melik! Kede wahid min shabab ja wa shilu wa wodi le inta. ²³ Kede Yahwa dafa kulu zol le kwes tou wa aman; leanu Yahwa kutu inta fi yadan tai alela, lakin ana ma bi hujumu al mumshu tou. ²⁴ Ayenu, ze ma haya taki gali fi uyuun tai alela, fa kede haya tai kun bi qayima fi uyuun ta Yahwa, wa kede huwo alagu ana bara min kulu mashakil. ²⁵ ''Biga Saul kelimu le Daud, ''Kede inta kun mubarak, Daud jena tai! inta bi amulu hajat azim wa inta bi naja fi huwomon.'' Fa Daud ruwa fi sika tou, wa Saul rija le mahal tou.