¹ Zaman Saul rija min turuju Philistini, huwo kan wori le huwo, ''Daud fi fi al barria ta Engedi.'' ² Biga Saul shilu talata alf rujal al iktaru min kulu Israel wa ruwa fetisu Daud wa rujal tou fogo hujar ta galamayat ta gaba. ³ Huwo ja le hazira ta khurufan fogo sika, al hinak kan fi hufura. Saul ruwa juwa ashan bi kati kura tou. Daud wa rujal tou kan gaydin wara fi hufura. ⁴ rujal ta Daud kelimu le huwo, ''De yau yom al Yahwa wnusu zaman huwo kelimu le inta, Ana bi wodi le adu taki fi yadan taki, ashan inta bi amulu huwo ze ma inta deiru. '''Biga Daud gum wa bihudu seregu nefsa tou wa rukn ta gumash ta Saul. ⁵ Bad de gelba ta Daud tala hazin leanu huwo gata bara gumash ta Saul. ⁶ Huwo kelimu le rujal tou, '''Kede Yahwa manao ana min amulu hajat del le seid tai, mesha ta Yahwa, kede shilu bara yadan tai ded huwo, huwo mamshu ta Yahwa.'' ⁷ Fa Daud wabako rujl tou ma kelimat del, wa ma wodi le huwo izin ashan hujumu Saul. Saul wogifu fok, shamal ta hufura, wa ruwa fi sika tou. ⁸ Bad dak, Daud kaman wogif fok, shamal ta hufura, wa nadi Saul: ''Seid tai al melik. ''zaman Saul ayenu wara tou, Daud denger ma wosa fogo ard wa wori le huwo ihteram. ⁹ Daud kelimu le Saul, ''Le inta asuma le rujal ta albi kelimu, Ayenu, Daud bi fetisu al batal le inta?' ¹⁰ Alela uyuun taki ayenu kef Yahwa kutu inta fi yadan tai anina kan fi hufura. tanin kelimu le ana ashan katulu, lakin ana aba. Ana kelim, 'ana ma bi kutu yadan tai fogo seid tai, leanu huwo mmshu min Yahwa. ¹¹ Ayenu, abu tai ayenu rukun ta gumash taki fi yadan tai. Leanu hagiga ana gata taraf ta gumash taki wa ana ma katulu inta, inta bi arufu wa ayenu inu ma fi shar khiana fi yadan tai, wa ana ma akhta ded inta, hata kan inta bi turuju haya tai ashan bi shilu. ¹² Kede Yahwa hukumu bein inta wa ana, wa kede Yahwa antiqam le ana ded inta, lakin yadan tai ma bi kun ded inta. ¹³ Ze al misaal ta nas al gudam kelim, 'Min sharir bi tala sharr.' Lakin yadn tai ma bi kun ded inta. ¹⁴ Bad munu al melik ta Israel tala? inta bi turuju wara ta munu? Bad kelib al meid! Bad barghuth! ¹⁵ Kede Yaywa hukumu wa wodi hukum bein inta wa ana, wa ayenu fogo, wa asalu sabab wa izin le ana ashan bi jere min yadan taki.'' ¹⁶ Zaman Daud kalasu wonusu kelimat del le Saul, Saul kelimu, ''sei de sawt taki, jena tai Daud?''' Saul arufa sawt tou fok wa kore. ¹⁷ Huwo kelimu le Daud, ''inta salih aktar min ana. Leanu inta afa ana kwes, wokit al ana dafa le inta sharr. ¹⁸ inta alinu alela inu kef inta amulu le ana kwes, leanu inta ma katulu ana zaman Yahwa wodi ana fi raham taki. ¹⁹ Leanu kan zol iinsan ligo adu tou, hal huwo bi sibu huwo ruwa bisalam? Kede Yahwa dafawo inta ma hajat al kwes leau haja al inta amulu le ana alela. ²⁰ Hasa ana arufu inu inta bi bi hagia bi kun melik wa al mamlaka ta Israel bi asisu fi ard taki. ²¹ Halifu le ana bi Yahwa inu inta ma bi gata bara iyal ta iyal tai, wa inu inta ma bi demiru isim tai bara min bet ta abu tai.'' ²² Fa Daud amulu halifa le Saul. Yalla Saul ruwa bet, lakin Daud wa rujal tou ruwa le maeqil.