¹ Melik Daud ka kelim le nas kulu al limu, “siliman weled tai, al Rabana barau yau iktar, lisa shab wa ma indu kibra, wa al mohima kebir, le anu al haykal ma le nas lakin le Rabana. ² Ashan kida ana amalta al afdal le jahizu hayakal ta Rabana tai. Ana gi wodi dahab le hajat al bi bi amulu ma fida, nihas le hajat al bi amulu ma nihas, hadid le hajat al bi amulu ma hadid, kashab le hajat al bi amulu ma kashab. Ana Kaman gi wodi hujar al jowhara, hujar al bi kutu birusu, hujar be alwan moktelif. Kula anwa ta hujar al gali – wa hajer al bi nihitu ketir. ³ Hasa, ashan farah tai beit ta yahwa, ana bi wodi kazana tai al kas ta dahab wa fida ashan beit da. Ana bi amulu de be ziyada le kulu al ana kaan jahizu le haykal al mokkadas. ⁴ Talata alf wozna min dahab ophir, wa saba alf wozna min fida al sofi, ashan bi masau fi hetat ta mabani. ⁵ Ana gi wodi dahab ashan hajat al amulu ma dahab, wa fida le hajat al bi amulu ma fida, wa hajat le kulu anowa ta shokol al bi amulu ma nas ta hirfa. Munu tani al azu wodi tabaru le yahwa alela wa wodi nesfa bitowo le huwo? ⁶ Tabaruat kas kan amulu bewasit ta zuama ta aelat ta Israel, rousa ta gabael ta Israel, ruasa ta alaf wa miyat, wa mouzifin ta shokol ta melik. ⁷ Humon kan wodi le kidma ta beith ta Rabana, kamsa aalf nas mahar wa ashara alf dahab, ashara alf min fida, tamantashara aalf min nihas, wa mia alf min hadid. ⁸ Del al kan indum hujar al hali humon wodi le kazina ta beit yahwa, tehet ishraf moragaba ta jehiel, al min jershon. ⁹ Nas kan moksutin ashan tabaruat al hur, asshan umon kan barau be kulu gelba le yahwa. Melik Daud kaaman kan moksut ketir. ¹⁰ Daud kan bariku Rabana gidam ta nas kulu. Huwo kan kelim, “keli mejidu inta yahwa, Rabana ta Israel jidu ta nina, lelabad wa abad. ¹¹ Le inta yahwa, yakun al azama, al guwa, al mejid, al nusra, wa al jalala. Ashan kulu al fi samawat wa ala al arid taki. Le inta al molokut, yahwa, wa inta geni ze hakim fok kulu. ¹² Kulu gina wa karama ja min inta, wa inta al mosoul le kulu nas, inta indu gudra fi ida bitak ayi wahid guwa. ¹³ Hasa, Rabana ta nina, anina bishukuru inta wa sabihu isim bitak al momojed. ¹⁴ Lakin ana munu wa nas tai munu al bi agder wodi hajat del be kulu niya? Feelan, kulu hajat ja min inta, wa anina be suhula rejau le inta hajat al min inta. ¹⁵ Leanu anina gurabaa wa moaakat gidam bitak, ze kan judu ta nina. Ayam ta nina fi arid ze dul, wa mafi raja ta guad fi arid. ¹⁶ Yahwa Rabana ta nina, kulu sirowa al nina limu ashan bi abinu haykal al bi karimu isim bitak al mokadas – ja min inta wa taabi le inta. ¹⁷ Ana Kaman aruf, Rabana tai, inu inta al bi imtehin gelba wa bi tala mortah maa zol al dukuri adil. Kan le ana, be delba tai al adil ana wodi be mohaba kulu hajaat del, wa hasa ana ayinu be farah ze nas bitak umon wodi be rudu kulu hajat, hadaya le inta. ¹⁸ Yahwa, Rabana ta Ibrahim, ishak, wa Israel – jud ta nina kutu de lelabad fi afkar ta nas bitak wodi wajeh gulub bitomon le inta. ¹⁹ Wodi le siliman jena tai gelba al kamil ashan bi hafizu wasaya bitak, kararat, wa faraed, wa ishtakal be kulu kutat al ana jahizu le abinu kasir.” ²⁰ Daud kan kelim le kulu nas al limu, “hasa barik yahwa Rabana ta judud tomon, humon kan dengir tehet wa wodi karama le yahwa wa melik. ²¹ Fi yom al tani, umon wodi kurban le yahwa wa gedimu zabaeh al bi aragu le huwo. Umon kan wodi alif bagarat, alif ganamayat, wa alif korufan, ma zabaeh wa tagadimat al bi ashrubu ketir le Israel kulu. ²² Fi yom dak, umon kan akulu wa ashrab gidam ta yahwa be farah kebir. Umon kan kutu siliman, weled ta Daud, melik mara tani, wa masahu huwo be sulta ta yahwa ashan bi hukum. Umon Kaman masau zadok yakun kahin. ²³ Biga silimaan kan geni fi kursi ta yahwa ze melik mahal ta daud abu bitowo. Huwo kan naja, wa kulu Israel kan ehterim huwo huwo. ²⁴ Kulu roasa, jiyush, wa awolad ta melik Daud kan wori woguf tomon ma melik siliman. ²⁵ Yahwa kan kerim siliman beteriga azim gidam Israel kulu, wa wodi le huwo hasana melekia al gubal kida ma wodi le ayi melik gubal huwo. ²⁶ Daud weled ta yesi kan hokum kulu Israel. ²⁷ Daud kan melik ta Israel le arbein sena. Huwo kan hokum saba sena fi Hebron, wa talata wa talatin sena fi ourshelim. ²⁸ 2Huwo kan mutu fi umur al dedim wa kwes, baad huwa itmata ma haya towil, ginaa, wa karama. Siliman weled towo hokum wara huwo. ²⁹ Inzazat ta melik Daud kan kaatibu kitab ta akbar ta Samuel al nebi, fi akbar ta Nathan al nebi, wa fi akbar ta jad al nebi. ³⁰ Hinak kan sejilu amal ahdas ta hokum towo, guwa wa hajat al kana sir ma huwo, Israel wa kulu mamalik ta bilad tani.