¹ Ɗaŋ a ta sutǝɗi Kafarnahum a mɓudkǝni jwatn, tǝ ta wum tu ci dǝn. ² Zarsǝ monɗa tǝ ta jwaam shi ɗa ɗani lǝb ta yugǝi hal akemɓil, she Yesu ta wulshi vii. ³ She mǝni won wubsǝ tǝ ta man tǝ mǝn tǝ murwon ɗaŋ nǝ pwagǝn. ⁴ Ɗaŋ tǝ ta yeltu ta ɗya ta tǝ tlǝ ɓastǝ hŋ nǝ lǝǝdkǝn Zarsǝ, sai tǝ tai ɗa gam vini nga lǝb a ta wuii taŋtaŋ a te gam Yesu,tǝ ta shilar mures ɗi nǝ pwaaghǝni. A lǝmbuɗ wos. ⁵ Ɗaŋ Yesu ta yel caaghən raa wasǝŋ,she a ta wul mures ɗaŋ nǝ pwagǝni tu, "kuni,ta dlaagǝ loŋsǝ kusǝŋsǝ ghǝtn wa mǝni." ⁶ Gya gon a giɓkǝ mallamshi mǝn gidkǝn ngǝ yo ɗaŋ Musa dlyaad ɗaŋ tǝ ta yi tsǝngǝn ɗa ɗani, tǝ ŋaɓ ɓitalghǝn a rawasǝŋ tu ⁷ "Murin caa wulni ni ghǝn ne? A kyamas ni cogn ! nǝ nu ghǝn wo dya dlaa loŋsǝ kusǝŋsǝn nghǝn ɗaŋ nǝ Cogn hŋe?" ⁸ Kyaɗ Yesu ta yisǝŋ ghǝn yo ɗaŋ caa ɓital a raa wasǝŋ a zhipti wos, she a ta wul shi tu "kya ɓital ki cik a raa waan nǝ ni? ⁹ Gyo ŋǝǝŋ a fi suat tǝ fuu murghǝ puaghǝneso, tǝ wul tǝ tu taa dlaaghǝ loŋsǝ kusǝŋsǝ ghǝn wa mǝ nya?Koshishi a mɓi lǝmɓud wai a tlii ya? ¹⁰ Bet tǝ gii duryo tu a yisǝŋ tu ŋaa Zaar ci tǝ vartǝ a ɗǝŋn tǝ dlaa loŋsǝ kusǝŋsẹ ghǝn she a ata mures ɗaŋ nǝ pwaghǝni tu, ¹¹ Mya wul ghǝ tu shi shi a mɓi lǝmɓud wa a tlii ɗaghǝ dǝn. ¹² She mures ta shishi kyaat mɓi lǝmɓut woshi nyoli ɗa dǝǝni a ken konu nghǝshi ta kosarshi wasǝŋǝi she tǝ ta luu Coŋn tǝ ndǝǝr tǝ wul tu, "Maa yi yell nghǝn ɗaŋ gin hŋ." ¹³ A ta nyoli da tlii ɓilaar dǝll zha Galili zarsǝ kab tǝ ta laab tǝ she a ta giɗ shi ŋai. ¹⁴ Ɗaŋ a ta ya laatsǝghǝn,she a ta yell Lawi kuni Alfawus atsǝnghǝn a ken ɓill mǝn kabkǝn zhakka she a ta wull tǝ tu "Laamɗi" She a ta shishi laab tǝ. ¹⁵ Ɗaŋ Yesu tayi a cigǝn ngǝtn a gib dǝn gya Lawi, mǝǝn kabkǝn zhakka tǝ mǝǝnfigǝn kusǝŋsǝ gǝtn monɗa tǝ ta yi a cigǝn cimshi tǝ mǝǝrǝ dǝn wos, Zarsǝ monɗa tǝ ta laab tǝ. ¹⁶ Ɗaŋ mallamci ghǝtagarda Musa ɗaŋ ci nǝ Farisawa tǝ ta yell tu Yesu caa cighǝn tǝ mǝǝn fighǝn kusǝŋsǝ gǝtn tǝ mǝǝn kaabkǝn zhakka,she tǝ ta wull mǝǝrǝ dǝn wos tu, "Nighǝn a caa ,ca ci gǝtn tǝ mǝǝn kabkǝn zhakka tǝ mǝǝn fighǝn kusǝŋsǝ gǝtne?" ¹⁸ Mǝǝri dǝǝn Yohanna tǝ mallamshi Farisawa tǝ tayi a ŋaɓkǝn vii,she mǝǝni won tǝ man tǝ man wul tu,"Ni caa mǝǝri dǝǝn Yohanna tǝ mǝǝri dǝǝn mallamshi farisawa ci ŋa ŋaɓkǝn vii, bet tǝ gii mǝǝri dǝn wa caa ŋab gwasǝŋ hŋa? " ¹⁹ Yesu ta wul shi tu "Mǝǝn belak kabkǝn gǝd muuri caa ŋab vii ɗaŋ turi ci ɗa ɗanya?Hal yan tures ci ɗa ɗani,ta ŋab vii vuŋ ²⁰ Bet te gii dzaŋ a maaŋǝn di ɗaŋ ta mbi tureshi ɓashi, a killi gii ŋǝŋ ta ŋab vii. ²¹ Gon ɗaŋ yifi pito luu muuri wos tǝ nɗwatsǝ she pitos tǝ dlaatǝ kuskǝ taagǝni. ²³ Yesu ta nyol dzaŋ wolgi ɗaƙŋ a tayi ŋa latsǝŋǝn a kin she mǝǝri dǝǝn wos tǝ ta suur ŋǝshes tǝ vurŋat a taas cii ci. ²⁴ She gya mallamci Farisawa tǝ ta wull tu "Ni caa ta kya fi ŋǝtn yo ɗaŋ nǝ waari dzaŋ Wolgi?" ²⁵ She a ta wull shi tu "Kaa yii kwaan ŋǝtn yo ɗaŋ Dauda tafi ɗaŋ kusuŋ taɗuti ŋan tǝ mǝǝni yoɗaŋ tǝta yi cimshi ŋaa? ²⁶ Kandiyo ɗaŋ a ta nɗa dǝǝn a killi gi ɗaŋ Abiyata tayi nǝ Priss kǝ varies a ci duŋ yo ɗaŋ nǝ ŋǝ Priss gyo ɗaŋ a nɗara gon tǝ ci hŋ she gya Priss ŋǝtn wasǝŋ hal a ta vǝr gya gyo ɗaŋ ci cimshi hŋaa? ²⁷ Yesu ta wull tu "Tǝ gaa dzaŋ Wolgi nǝ ŋaa zaar tǝ fi ŋaa nǝ dzaŋ Wolgi hŋ. ²⁸ Durghǝ gii ŋaa zaar nǝ Daadǝn hal tǝ dzaŋ Wolgi bed.